ខេត្តកណ្ដាល ៖ ក្រោយការសាកសួរតាមជំនាញរបស់សមត្ថកិច្ច ទីបំផុត! ជនសង្ស័យជាឃាតករ ព្រមសារភាពប្រាប់សមត្ថកិច្ចថា មូលហេតុដែលខ្លួនយកកាំបិតចាក់សម្លា.ប់នារីរងគ្រោះស្លាប់ក្នុងថ្លុកឈាមនោះ ដោយសារតែខ្លួនខ្លាចជាប់គុក ព្រោះនារីរងគ្រោះ បានប្រាប់ថា នាងនឹងប្រាប់ឪពុកម្ដាយឲ្យដឹងរឿងដែលជនសង្ស័យបានចាប់រំលោភរូបនាង កាលពី៧ថ្ងៃមុន ។
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បានអោយដឹងថា នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានយកកាំបិតចាក់នារីរងគ្រោះឈ្មោះ ផេង បញ្ញា អាយុ១៨ឆ្នាំ រស់នៅក្នុងភូមិ-សង្កាត់ព្រែកហូរ ក្រុងតាខ្មៅ ខេត្តកណ្ដាល នោះពិតប្រាកដមែន ដោយសារតែខ្លួនភ័យខ្លាចជាប់គុក បន្ទាប់ពីនារីរងគ្រោះ បានប្រាប់ខ្លួនថា និងប្រាប់រឿងដែលបានចាប់រំលោភអស់រយៈពេលថ្ងៃកន្លងទៅនោះឲ្យឪពុកម្ដាយបានដឹង ។
ជនសង្ស័យ បន្តថា ដើម្បីកុំអោយបែកការណ៍រឿងចាប់រំលោ.ភ ខ្លួនក៏បានយកកាំបិត ចាក់ជាច្រើនកន្លែង ទៅលើជនរងគ្រោះនៅវេលាម៉ោង៧និង៣០នាទីព្រឹកថ្ងៃទី៥ មករា ២០២១ បណ្ដាលឲ្យស្លាប់ ក្រោយពេលក្រុមគ្រួសារជនរងគ្រោះបញ្ជូនទៅកាន់មន្ទីរពេទ្យជ័យជំនះ ។
បច្ចុប្បន្នសមត្ថកិច្ចកំពុងធ្វើកំណត់ហេតុ តាមការស្ដាប់តាមចម្លើយរបស់ជនសង្ស័យ ដើម្បីកសាងសំណុំរឿងបញ្ជូនទៅតុលាការ ។
គួរបញ្ជាក់ដែរថា ពិតជា ឈាមស្រែក ស្បែកហៅ! បានជាឃាតករដៃឆៅ ត្រឡប់មកមើលសពនារីវ័យក្មេងវិញ ក្រោយចាក់សម្លា.ប់ប្រមាណ២ម៉ោង ជនជាសង្ស័យជាឃាតករ ចាក់សម្លា.ប់នារីវ័យក្មេងម្នាក់ ស្លាប់ក្នុងឈាមកាលពីព្រឹកថ្ងៃទី៥ មករានេះ ត្រូវបានសមត្ថកិច្ចតាមឃាត់ខ្លួនបានហើយ បន្ទាប់ពីធ្វើសកម្មភាពបានប្រមាណជិត ២ម៉ោង ។
សមត្ថកិច្ចបានឲ្យដឹងថា ជនសង្ស័យមានឈ្មោះ ទូច សជាតិ ហៅ ដំរី អាយុ៣៥ឆ្នាំ រស់នៅកន្លែងកើតហេតុខាងលើ ត្រូវកងកម្លាំងឃាត់ខ្លួនបាន ខណៈរូបគេប្រើល្បិចធ្វើដូចប្រជាពលរដ្ឋ ត្រឡប់មកមើលសាកសពនារីរងគ្រោះវិញ ។
សមត្ថកិច្ច បានបន្តថា កម្លាំងជំនាញបានមកដល់កន្លែងកើតហេតុ ពិនិត្យ និងធ្វើកោសល្យវិច័យសាកសព ប្រមាណជាង១ម៉ោង ហើយសមត្ថកិច្ចទទួលដំណឹងខ្លះៗ ពីសាក្សីដែលត្រូវជាប្អូនថ្លៃសពជនរងគ្រោះផងនោះ ទើបសមត្ថកិច្ចក្តាប់មុខសញ្ញាបាន ធ្វើការឃាត់ខ្លួនជនសង្ស័យជាឃាតករ នាំខ្លួនយកមកធ្វើការសាកសួរ ។
សូមរម្លឹកថា មានករណីអ្នកភូមិប្រទះឃើញនារីម្នាក់ត្រូវជនដៃដល់ចាក់ បណ្តាលឱ្យបាត់បង់ជីវិតក្នុងថ្លុកឈាមក្នុងបន្ទប់ជួលមួយកន្លែង បានបង្កឱ្យមានការភ្ញាក់ផ្អើលយ៉ាងខ្លាំង ហើយពាក់ព័ន្ធនឹងករណីនេះដែរ គេមិនទាន់ដឹងថាផ្តើមចេញពីមូលហេតុអ្វីនៅឡើយទេ ។
ហេតុការណ៍ខាងលើនេះ បានបង្កឱ្យមានការភ្ញាក់ផ្អើលកើតឡើងកាលពីព្រឹកថ្ងៃទី៥ ខែមករា ឆ្នាំ២០២១ នៅចំណុចក្នុងបន្ទប់ជួលលេខមួយកន្លែង ស្ថិតក្នុងភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាល ។
ប្រភពពីសាក្សីនៅក្បែរកន្លែងកើតហេតុបានអោយដឹងថា មុនពេលកើតហេតុ នារីរងគ្រោះស្នាក់នៅក្នុងបន្ទប់ជាមួយក្រុមគ្រួសារមានគ្នាចំនួន៥នាក់ មានឪពុក ម្តាយ និងប្អូនពីនាក់ទៀត ។ លុះដល់ម៉ោង៦ព្រឹកថ្ងៃកើតហេតុ ឪពុកម្តាយ បាននាំគ្នាចេញទៅធ្វើការរោងចក្រ និងប្អូនប្រុសចេញទៅរៀន ។
តាមប្រភពខាងលើបានបន្តថា លុះនៅវេលាម៉ោង៧ព្រឹកថ្ងៃដដែល ស្រាប់តែអ្នកជិតខាងដែលនៅជិតនោះបានឮសំឡេងនារីរងគ្រោះស្រែក ក៏នាំគ្នារត់ទៅមើលឃើញនារីរងគ្រោះដេកដួលក្នុងថ្លុកឈាម និងមានឃើញស្នាមចាក់ជាច្រើនកាំបិត បន្ទាប់មកក៏នាំគ្នាយកនារីរងគ្រោះទៅសង្គ្រោះនៅមន្ទីរពេទ្យបង្អែកជ័យជំនះ ប៉ុន្តែជាអកុសលនារីរងគ្រោះបាត់បាត់បង់ជីវិតទៅហើយ ៕
ចែករំលែកព័តមាននេះ