ខេត្តកណ្ដាល ៖ ជនជាសង្ស័យជាឃាតករ ចាក់សម្លា.ប់នារីវ័យក្មេងម្នាក់ ស្លា.ប់ក្នុងឈាមកាលពីព្រឹកថ្ងៃទី៥ មករានេះ ត្រូវបានសមត្ថកិច្ចតាមឃាត់ខ្លួនបានហើយ នៅមុននេះបន្តិច បន្ទាប់ពីធ្វើសកម្មភាពរត់គេចខ្លួនបានប្រមាណជិត ២ម៉ោង ។
សមត្ថកិច្ចបានឲ្យដឹងជាបឋមថា ជនសង្ស័យមានឈ្មោះ ទូច សជាតិ ហៅ ដំរី អាយុ៣៥ឆ្នាំ រស់នៅកន្លែងកើតហេតុខាងលើ ត្រូវកងកន្លាំងឃាត់ខ្លួនបាន ខណៈរូបគេប្រើល្បិច ធ្វើដូចប្រជាពលរដ្ឋមកមើលសាកសព ។
សមត្ថកិច្ចបានបន្តថា កម្លាំងជំនាញបានមកដល់កន្លែងកើតហេតុ ពិនិត្យ និងធ្វើកោសល្យវិច័យសាកសព ប្រមាណជាង១ម៉ោង ហើយសមត្ថកិច្ចទទួលដំណឹងខ្លះៗ ពីសាក្សីដែលត្រូវជាប្អូនថ្លៃសពជនរងគ្រោះ ទើបសមត្ថកិច្ចក្តាប់មុខសញ្ញាបាន ធ្វើការឃាត់ខ្លួនជនសង្ស័យជាឃាតករ នាំខ្លួនយកមកធ្វើការសាកសួរ ។
យ៉ាងណា នៅចំពោះមុខសមត្ថកិច្ចជនសង្ស័យ បានបដិសេធថា ខ្លួនមិនមែនជាអ្នកសម្លា.ប់នារីរងគ្រោះ នោះទេ ។ សមត្ថកិច្ច បាននិងកំពុងសាកសួរតាមជំនាញផងដែរ ។
សូមជម្រាបថា មានករណីអ្នកភូមិប្រទះឃើញនារីម្នាក់ត្រូវជនដៃដល់ចាក់ បណ្តាលឱ្យបាត់បង់ជីវិតក្នុងថ្លុកឈាមក្នុងបន្ទប់ជួលមួយកន្លែង បានបង្កឱ្យមានការភ្ញាក់ផ្អើលយ៉ាងខ្លាំង ហើយពាក់ព័ន្ធនឹងករណីនេះដែរ គេមិនទាន់ដឹងថាផ្តើមចេញពីមូលហេតុអ្វីនៅឡើយទេ ។
ហេតុការណ៍ខាងលើនេះ បានបង្កឱ្យមានការភ្ញាក់ផ្អើលកើតឡើងកាលពីព្រឹកថ្ងៃទី៥ ខែមករា ឆ្នាំ២០២១ នៅចំណុចក្នុងបន្ទប់ជួលលេខមួយកន្លែង ស្ថិតក្នុងភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាល។
ជនរងគ្រោះឈ្មោះ ផេង បញ្ញា ភេទស្រី អាយុ១៨ឆ្នាំ ជាសិស្ស មានទីលំនៅបច្ចុប្បន្នកន្លែងកើតហេតុ ។
មប្រភពពីសាក្សីនៅក្បែរកន្លែងកើតហេតុបានអោយដឹងថា មុនពេលកើតហេតុ នារីរងគ្រោះស្នាក់នៅក្នុងបន្ទប់ជាមួយក្រុមគ្រួសារមានគ្នាចំនួន៥នាក់ មានឪពុក ម្តាយ និងប្អូនពីនាក់ទៀត ។ លុះដល់ម៉ោង៦ព្រឹកថ្ងៃកើតហេតុ ឪពុកម្តាយ បាននាំគ្នាចេញទៅធ្វើការរោងចក្រ និងប្អូនប្រុសចេញទៅរៀន ។
តាមប្រភពខាងលើបានបន្តថា លុះនៅវេលាម៉ោង៧ព្រឹកថ្ងៃដដែល ស្រាប់តែអ្នកជិតខាងដែលនៅជិតនោះបានឮសំឡេងនារីរងគ្រោះស្រែក ក៏នាំគ្នារត់ទៅមើលឃើញនារីរងគ្រោះដេកដួលក្នុងថ្លុកឈាម និងមានឃើញស្នាមចាក់ជាច្រើនកាំបិត បន្ទាប់មកក៏នាំគ្នាយកនារីរងគ្រោះទៅសង្គ្រោះនៅមន្ទីរពេទ្យបង្អែកជ័យជំនះ ប៉ុន្តែជាអកុសលនារីរងគ្រោះបាត់បាត់បង់ជីវិតទៅហើយ ៕
ចែករំលែកព័តមាននេះ