ប្រទេសចិន ៖ នាដើមឆ្នាំ២០២១នេះ អ្នកការទូតគ្រប់រូបបានចោលភ្នែកឆ្ពោះទៅរកក្រុងប៉េកាំង ដែលនៅទីនោះប្រធានាធិតីចិនលោកស៊ី ជីនពីង ទើបថ្លែងសារជូនពរឆ្នាំថ្មីឆ្នាំសកល ទៅកាន់ប្រជាជាតិមានប្រជាជន១,៤ពាន់លាននាក់ ។
ក្នុងសារនេះលោកស៊ីជីនពីងអះអាងថា ឆ្នាំ២០២០ត្រូវបានចាត់ទុកជាឆ្នាំវិសាមញ្ញមួយ ដោយលោកសង្ឃឹមដឹកនាំមហាអំណាចធំជាងគេលើពិភពលោកដល់ឆ្នាំ២០៣៥ ។ លោកថាធាតុ
នៃទំនាក់ទំនងរវាងចិននិងពិភពលោកនឹងជាផ្នែកមួយនៃយុទ្ធសាស្ត្រចម្បងសម្រាប់ឆ្នាំ២០២១។
ការឆ្លងរាលដាលនៃវីរុស COVID-19 ដែលរាតត្បាតពិភពលោកទាំងមូល និងបំផ្លាញសេដ្ឋកិច្ចពិភពលោករយៈពេល១២ខែកន្លងទៅនេះនាំឲ្យមានការកែប្រែយ៉ាងខ្លាំងទស្សនាទាននៃការប្រៀបធៀបកម្លាំងក្នុងកម្រិតអន្តរជាតិ ។
ក៏ទោះបីជាជំងឹនោះដែលលេចចេញដំបូងនៅចិន ហើយប្រទេសចិនអាចសង្ស័យថាជាអ្នកទទួលខុសត្រូវមួយផ្នែកនៃការឆ្លងរាលដាលមិនអាចត្រួតត្រាបានមកពីការលាក់បាំងនាគ្រាដំបូង និងអាចមកពីការភូតកុហកពួកលោកខាងលិចនាពេលនេះ ហាក់ដូចជារងការខាតបង់ច្រើនពីគ្រោះ
មហន្តរាយសុខាភិបាលនោះ ។
ខាងផ្នែកសេដ្ឋកិច្ចឆ្នាំ២០២០កន្លងផុតទៅជាមួយការខាតបង់សេដ្ឋកិច្ចជាសកល៧% តំណាងឲ្យការបាក់ស្រុតខ្លាំងបំផុតពុំធ្លាប់មានចាប់តាំងពីក្រោយសង្គ្រាមលោកលើកទី២មក ។ អត្រានៃអ្នកគ្មានការងារធ្វើអាចមានកាន់តែខ្ពស់បន្តិចទៀតលើពិភពលោកនាបណ្ដាខែខាងមុខ ។
ចំណែកប្រទេសចិនវិញ ដែលអាចគ្រប់គ្រងការឆ្លងបានកំណើនសេដ្ឋកិច្ចរបស់ប្រទេសនេះបានកើនក្នុងរង្វង់៥%នៅត្រីមាសទី៣នៃឆ្នាំ២០២០ ។
ចំណែករដ្ឋមន្ត្រីការបរទេសចិន លោកវ៉ាងយីថ្លែងកាលពីថ្ងៃទី២ មករាថា ទំនាក់ទំនងរវាងសហរដ្ឋអាមេរិកនិងចិន បានមកដល់របត់ថ្មីមួយ ហើយនឹងអាចចាប់ចេញដំណើរជាថ្មីក្រោយដំណាក់កាលដ៏លំបាកពុំធ្លាប់មានពីមុនមក ។ ក្នុងបទសម្ភាសន៍មួយជាមួយទីភ្នាក់ងារព័ត៌មានចិន ស៊ីនហួ លោកវ៉ាង យី ថ្លែងថាបណ្ដាវិធានការចុងក្រោយដែលអាមេរិកប្រកាន់យកបានដាក់ទម្ងន់លើទំនាក់ទំនងរវាងប្រទេសទាំង២ ។
ដោយអំពាវនាវដល់អាមេរិកឲ្យគោរពប្រព័ន្ធសង្គមនិងផ្លូវអភិវឌ្ឍន៍ដែលចិនប្រកាន់យក លោកវ៉ាង យី បន្តថា ប្រសិនបើក្រុងវ៉ាស៊ីនតោននឹកដល់មេរៀននេះ នោះបណ្ដាជម្លោះរវាងប្រទេសទាំង២នឹងអាចដោះស្រាយបាន ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ