រាជធានីភ្នំពេញ ៖ រថយន្តម៉ាកឡិចស៊ីស RX-350 ពណ៌ត្រេអ៊ី ពាក់ស្លាកលេខ ខេមរភូមិន្ទ១គ្រឿង បានរងការខូចខាតយ៉ាងដំណំខណៈពេលកំពុងបើកបរឆ្លងផ្លូវ ស្រាប់តែមានរថយន្តកុងតឺន័រ១គ្រឿងបើកត្រង់ទៅដល់បានបុកចំចំហៀងខ្លួន ប៉ុន្តែជាសំណាងល្អមិនបានបណ្ដាលឲ្យអ្នកបើកបរ…
រាជធានីភ្នំពេញ ៖ រថយន្តម៉ាកឡិចស៊ីស RX-350 ពណ៌ត្រេអ៊ី ពាក់ស្លាកលេខ ខេមរភូមិន្ទ១គ្រឿង បានរងការខូចខាតយ៉ាងដំណំខណៈពេលកំពុងបើកបរឆ្លងផ្លូវ ស្រាប់តែមានរថយន្តកុងតឺន័រ១គ្រឿងបើកត្រង់ទៅដល់បានបុកចំចំហៀងខ្លួន ប៉ុន្តែជាសំណាងល្អមិនបានបណ្ដាលឲ្យអ្នកបើកបរ និងអ្នកជិះរថយន្តឡិចស៊ីសនោះរងរបួសនោះឡើយ។ ឧប្បត្តិហេតុនេះបានកើតឡើងកាលពីវេលាម៉ោង៣ និង៥៥នាទីល្ងាច ថ្ងៃទី៣០ ខែធ្នូ ឆ្នាំ២០២០នេះ នៅលើកំណាត់ផ្លូវជាតិលេខ៤ ស្ថិតនៅក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
រថយន្តម៉ាកឡិចស៊ីស RX-350 ពណ៌ត្រេអ៊ី ពាក់ស្លាកលេខ ខេមរភូមិន្ទ 2-6002 ចំណែករថយន្តកុងតឺន័រម៉ាកហ៊ីយ៉ាន់ដាយពណ៌ស លាយខៀវឆ្នូតលឿងក្រហម ពាក់ស្លាកលេខ ភ្នំពេញ 3B-6704 ហើយអ្នកបើកបររថយន្តទាំង២គ្រឿងនេះ មិនត្រូវបានស្គាល់អត្តសញ្ញាណឡើយ។ តាមប្រភពព័ត៌មានបានឲ្យដឹងថា នៅមុនពេលកើតហេតុគេបានឃើញរថយន្តម៉ាក ឡិចស៊ីស RX-350 បើកឆ្លងផ្លូវក្នុងទិសដៅពីត្បូងទៅជើង ចំណែកឯរថយន្តកុងតឺន័រ បើកបរធ្វើដំណើរក្នុងទិសដៅពីលិចទៅកើតក្នុងល្បឿនលឿនគួរសមដែរ។
លុះពេលទៅដល់ត្រង់ចំណុចកើតហេតុ បានជ្រុលទៅបុកចំផ្នែកខាងមុខចំហៀងខាងឆ្វេងរថយន្តឡិចស៊ីស RX-350 បណ្តាលឲ្យរងការខូចខាតយ៉ាងដំណំតែម្ដង ប៉ុន្តែពុំបានបណ្ដាលឲ្យអ្នកបើកបរ និងអ្នកជិះរថយន្តឡិចស៊ីសនោះរងរបួសនោះឡើយ។ ប្រភពដដែលបានបន្តទៀតថា ក្រោយកើតហេតុកម្លាំងនគរបាកប៉ុស្តិ៍ចោមចៅទី៣បានចុះទៅកាន់ទីនោះធ្វើការវាស់វែង និងយករថយន្តទាំង២គ្រឿងអែបខាង ដើម្បីសម្រួលមិនឲ្យមានការកកស្ទះចរាចរណ៍ បន្ទាប់មកឲ្យភាគីម្ចាស់រថយន្តទាំង២សម្របសម្រួលគ្នា ដើម្បីបញ្ចប់រឿងដោយសន្តិវិធី៕ ដោយ ៖ យន់ ស៊ីថា
ចែករំលែកព័តមាននេះ