ការកសាងបារមីរបស់ព្រះពោធិសត្វនឹងប្រព្រឹត្តប្រើថេរវលាផ្សេងគ្នាគឺយូរឆាប់ទៅតាមការសាងរបស់ព្រះពោធិសត្វដែលនឹងប្រព្រឹត្តទៅបីប្រភេទគឺៈ
១- ព្រះពោធិសត្វ ឧគ្ឃដិតញ្ញូ មាននាមថា បញ្ញាធិក កសាងបារមីក្រៃលែងដោយបញ្ញា គឺយកបញ្ញាជាគោលប្រតិបត្តិធំក្នុងការកសាងបារមី ។
២- ព្រះពោធិសត្វ វិបច្ចិតញ្ញូ មាននាមថាសទ្ធាធិក កសាងបារមីក្រៃលែងដោយសទ្ធា គឺយកសទ្ធាជាគោលប្រតិបត្តិធំក្នុងការកសាងបារមី ។
៣- ព្រះពោធិសត្វ នេយ្យៈ មាននាមថា វីរិយាធិក កសាងបារមីក្រៃលែងដោយសេចក្ដីព្យាយាម គឺយកសេចក្តីព្យាយាម ជាគោលប្រតិបត្តិធំក្នុងការកសាងបារមី ។
ព្រះពុទ្ធបរមគ្រូនៃយើងទ្រង់កសាងអភិនីហារ បារមីបែបបញ្ញាធិក ដោយប្រើថេរវេលា៤អសង្ខេយ្យ និង១សែនកប្ប ទើបបានត្រាស់ជាព្រះពុទ្ធប្រាកដក្នុងលោក ។
ចំណែក ព្រះអរិយមេត្តេយ្យ ឬព្រះសិអារ្យមេត្រិយទ្រង់កសាងអភិនីហារ បារមី អស់ថេរវេលា១៦អសង្ខេយ្យ និង១សែនកប្ប ទើបនឹងបានត្រាស់ជាព្រះពុទ្ធប្រាកដក្នុងលោកនាពេលអនាគត ជាព្រះពុទ្ធគម្រប់៥ក្នុងភទ្ទកប្បនេះ បន្ទាប់ពីព្រះពុទ្ធសមណគោតមនៃយើង ៕ សាន សារិន
ចែករំលែកព័តមាននេះ