ខេត្តបន្ទាយមានជ័យ ៖ អគ្គិភ័យឆាបឆេះផ្ទះ១ខ្នងឈើលើថ្មក្រោម ឆេះអស់ទ្រព្យសម្បត្តិស្ទើរទាំងស្រុង និងឆេះប្រាក់ខ្មែរអស់៣លានរៀល ប្រាក់បាត៧ម៉ឺនបាត មាស១ជី៨ហ៊ុន កាលយប់ថ្ងៃទី២៤ ខែធ្នូ ឆ្នាំ២០២០…
ខេត្តបន្ទាយមានជ័យ ៖ អគ្គិភ័យឆាបឆេះផ្ទះ១ខ្នងឈើលើថ្មក្រោម ឆេះអស់ទ្រព្យសម្បត្តិស្ទើរទាំងស្រុង និងឆេះប្រាក់ខ្មែរអស់៣លានរៀល ប្រាក់បាត៧ម៉ឺនបាត មាស១ជី៨ហ៊ុន កាលយប់ថ្ងៃទី២៤ ខែធ្នូ ឆ្នាំ២០២០ ស្ថិតភូមិអង្គាបុស្ប សង្កាត់កោះពងសត្វ ក្រុងសិរីសោភ័ណ។ លោកវរៈសេនីយ៍ទោ អ៊ិន នៀត អធិការរងនគរបាលក្រុងសិរីសោភ័ណបានប្រាប់ថា ម្ចាស់ផ្ទះដែលរងគ្រោះដោយអគ្គិភ័យមានឈ្មោះ ថោង សំអ៊ុន ភេទប្រុស អាយុ៦២ឆ្នាំ និងប្រពន្ធឈ្មោះ ហឹម មុំ រស់នៅភូមិកើតហេតុខាងលើ។
លោកបានបញ្ជាក់ថា នៅពេលអគ្គិភ័យឆាបឆេះដំបូងនៅផ្ទះផ្នែកជាន់ខាងលើ ហើយគាត់កំពុងនៅជាន់ខាងក្រោម បានស្រែកឲ្យអ្នកជិតខាងជួយពន្លត់ត្រូវបានរថយន្តពន្លត់អគ្គិភ័យចំនួន៤គ្រឿងបានអន្តរាគមន៍បាញ់ពន្លត់ទើបមិនបណ្តាលឲ្យរាលដាលឆេះដល់ផ្ទះអ្នកជិតខាង។ លោកវរៈសេនីយ៍ទោ អ៊ិត នៀត បានបញ្ជាក់ថា មូលហេតុដែលអគ្គិភ័យឆាបឆេះផ្ទះគឺបណ្តាលមកពីឆ្លងចរន្តអគ្គីសនីបណ្តាលទុស្សេខ្សែភ្លើងបានឆាបឆេះផ្ទះជាន់ខាងលើអស់ទាំងស្រុង និងជាន់ក្រោមឆាបឆេះតែយកបានទ្រព្យសម្បត្តិ។
ទ្រពសម្បត្តិដែលខូចខាតក្នុងករណីងគ្គិភ័យនោះរួមមាន៖ មាស១ជី៨ហ៊ុន ប្រាក់រៀលចំនួន៣លានរៀល ប្រាក់បាត៧ម៉ឺនបាត ប្លង់ដី១សន្លឹក អត្តសញ្ញាណប័ណ្ណ២សន្លឹក សៀវភៅគ្រួសារ១ក្បាល សំបុត្រកំណើត៤សន្លឹក សំបុត្រអាពាហ៍ពិពាហ៍១ច្បាប់ កាតគ្រីម៉ូតូ២សន្លឹក ស័ង្កស័១០សន្លឹកទុកក្រោមផ្ទះប្រវែង៣ម៉ែត្រកន្លះ គ្រែពូកចំនួន៣៕ ដោយ ៖ ប៊ុន ធឿន
ចែករំលែកព័តមាននេះ