ប្រទេសចិន ៖ តាមទីភ្នាក់ងារព័ត៌មានចិនស៊ីនហួថា កាំជ្រួចបញ្ជូនថ្មីធុនLONGUE MARCHE-8 ត្រូវបានបាញ់បើកឆាកសម្ពោធកាលពីថៃ្ងទី២២ធ្នូ ដោយបញ្ជូនផ្កាយរណបដល់ទៅ៥គ្រឿង ទៅកាន់តារាវិថីដែលបានគ្រោងទុក។ នោះជាការអះអាងរបស់រដ្ឋបាលអវកាសជាតិចិនANEC។
កាំជ្រួចនោះត្រូវបានបាញ់ចេញពីមជ្ឆមណ្ឌលបាញ់បង្ហោះអវកាស WENCHANG នៅឆ្នេរសមុទ្រនៃខេត្តហៃណាន់ភាគខាងត្បូងចិន នាវេលាម៉ោង១២និង៣៧នាទីម៉ោងក្នុងស្រុក។កាំជ្រូចLONGUE MARCHE-8 ជាកាំជ្រួចមានប្រវែងសរុប៥០,៣ម៉ែត្រ ជាមួយទម្ងន់ពេលបាញ់ចេញ៣៥៦តោន និងអាចបញ្ជូនបណ្ដាផ្កាយរណបមានទម្ងន់យ៉ាងតិច៤,៥តោន ទៅកាន់តារាវិថីកម្ពស់៧០០គីឡូម៉ែត្រ។
តាមANECថាកាំជ្រួចនោះបង្ហាញពីសមត្ថភាព របស់ចិនក្នុងការបញ្ជូនទៅកាន់តារាវិថី នូវឧបករណ៍មានទម្ងន់ពី៣ទៅ៤,៥តោន ហើយបង្ហាញពីសារសំខាន់កាន់់តែធំ សម្រាប់ជម្រុញការធ្វើទំនើបកម្ម ដល់បណ្ដាកាំជ្រួចបញ្ជូន៕
ចែករំលែកព័តមាននេះ