តើពាក្យថា ករណីយកិច្ច, កាតព្វកិច្ច និងភារកិច្ច មានន័យដូចម្តេច ? សូមខេមរជនឈ្វេងយល់អំពីលក្ខណៈនៃពាក្យទាំងបីពួកនេះដូចតទៅ ។ នៅក្នុងសន្ទានុក្រមសទិសន័យបានបញ្ជាក់ពាក្យទាំងបីនេះដូចតទៅៈ ពាក្យថា…
តើពាក្យថា ករណីយកិច្ច, កាតព្វកិច្ច និងភារកិច្ច មានន័យដូចម្តេច ? សូមខេមរជនឈ្វេងយល់អំពីលក្ខណៈនៃពាក្យទាំងបីពួកនេះដូចតទៅ ។
នៅក្នុងសន្ទានុក្រមសទិសន័យបានបញ្ជាក់ពាក្យទាំងបីនេះដូចតទៅៈ ពាក្យថា ករណីយកិច្ច និងកាតព្វកិច្ចមានន័យដូចគ្នា ជាកិច្ចការដែលគួរតែធ្វើ ឬការងារដែលមនុស្សម្នាក់ៗត្រូវតែធ្វើ ។ ប៉ុន្តែពាក្យ កាតព្វកិច្ច ជាពាក្យដែលមានអ្នកប្រើច្រើនជាងពាក្យករណីយកិច្ច និងមានន័យសង្កត់ធ្ងន់ខ្លាំងជាងផងដែរ ។ ចំណែកពាក្យ ភារកិច្ច មានន័យថា កិច្ចជាភារៈ, កិច្ចជាទម្ងន់, កិច្ចជាបន្ទុក, កិច្ចការធ្ងន់ដែលគួរធ្វើ ។
តាមការសង្កេតមែនទែនទៅពាក្យ ករណីយកិច្ច និងកាតព្វកិច្ច គឺសំដៅលើកិច្ចការរបស់ពលរដ្ឋត្រូវតែធ្វើវាជាចាំបាច់ ដែលមិនអាចរំលងបានឡើយ ឧទាហរណ៍៖ កាតព្វកិច្ចរបស់ប្រជាពលរដ្ឋត្រូវតែបង់ពន្ធជូនរដ្ឋកុំបីខាន ។ ឯពាក្យ ភារកិច្ច ជាកិច្ចការងារដែលចាំចាច់ធ្វើក៏បាន ឬមិនធ្វើក៏បាន ឧទាហរណ៍៖ ហាមចូល បើគ្មានភារកិច្ចជាដើម ៕ សាន សារិន
ចែករំលែកព័តមាននេះ