យោងតាមសមាគមន៍ American Pregnancy Association បានឱ្យដឹងថា ក្នុងនាមជាម្តាយដែលមានផ្ទៃពោះ គឺមានសារៈសំខាន់ជាងពេលណាទាំងអស់ ក្នុងការរក្សាជាតិទឹកឱ្យបានត្រឹមត្រូវ ដោយការផឹកទឹកយ៉ាងហោចណាស់ ១០កែវជារៀងរាល់ថ្ងៃ…
យោងតាមសមាគមន៍ American Pregnancy Association បានឱ្យដឹងថា ក្នុងនាមជាម្តាយដែលមានផ្ទៃពោះ គឺមានសារៈសំខាន់ជាងពេលណាទាំងអស់ ក្នុងការរក្សាជាតិទឹកឱ្យបានត្រឹមត្រូវ ដោយការផឹកទឹកយ៉ាងហោចណាស់ ១០កែវជារៀងរាល់ថ្ងៃ ។ ខាងក្រោមនេះ គឺជាអត្ថប្រយោជន៍សំខាន់ៗមួយចំនួនពីទឹកក្នុងពេលមានផ្ទៃពោះ ៖
១. នាំសារធាតុចិញ្ចឹមទៅឱ្យកូនរបស់អ្នក ៖ ធ្លាប់ឆ្ងល់ទេថា តើវីតាមីន និងអាហារ ដែលអ្នកកំពុងញ៉ាំរាល់ថ្ងៃត្រូវបានបញ្ជូនទៅឱ្យទារករបស់អ្នកយ៉ាងដូចម្តេច ? ចម្លើយ គឺទឹក ។ វាជួយឱ្យរាងកាយអ្នកស្រូបយកសារធាតុចិញ្ចឹមសំខាន់ៗ និងបញ្ជូនវីតាមីន ជាតិរ៉ែ និងអ័រម៉ូនទៅឱ្យទារកនៅក្នុងផ្ទៃ ។ វាជាកោសិកាឈាមសម្បូរសារធាតុចិញ្ចឹមដែលបញ្ជូនដល់ទារក ។ ទឹកក៏ជួយរក្សាកម្រិតទឹកភ្លោះឱ្យល្អ និងជួយដល់មុខងារតម្រងនោមរបស់ទារកផងដែរ ។ ត្រូវប្រាកដថា អ្នកកំពុងផឹកទឹកដែលមានគុណភាពល្អ និងមិនមានសារធាតុគ្រោះថ្នាក់ដល់ទារកនៅក្នុងផ្ទៃ ។
២. បន្ថយហានិភ័យនៃការឆ្លងរោគ ៖ អ្នកអាចការពារការឆ្លងមេរោគលើផ្លូវបង្ហូរទឹកម៉ូត្រ ទល់លាមក និងជំងឺឫសដូងបាត ដោយរក្សាជាតិទឹកឱ្យបានគ្រប់គ្រាន់នៅក្នុងរាងកាយ ។ ទឹកជួយរំលាយកាកសំណល់ ហើយបញ្ចោញពីតម្រងនោម ធ្វើឱ្យទឹកនោមរបស់អ្នកអាចបង្ហូរបាក់តេរីទៅតាមវាបានដោយងាយ ។
៣. ធ្វើឱ្យមានអារម្មណ៍ល្អ ៖ ផឹកទឹកអាចជួយកាត់បន្ថយការឈឺចាប់ ហើយក៏អាចការពារមិនឱ្យមានការខ្សោះជាតិទឹក ដែលជាមូលហេតុធ្វើឱ្យឈឺក្បាល រមួលក្រពើ និងវិលមុខ ។ សម្រាប់ស្ត្រីមួយចំនួន ការផឹកទឹកជួយកាត់បន្ថយអាការចាញ់កូន ចុកចុងដង្ហើម និងការមិនរំលាយអាហារ ។ ការខ្សោះជាតិទឹកនៅត្រីមាសទី ៣ (ជិតគ្រប់ខែ) ធ្វើឱ្យទារកប្រឈមនឹងការកើតមិនគ្រប់ខែផងដែរ ។
វីតាល់ ជាទឹកពិសាគុណភាពខ្ពស់សម្រាប់មនុស្សគ្រប់គ្នា ពិសាទឹកដែលមានគុណភាពល្អ និងឱ្យបានគ្រប់គ្រាន់ជួយឱ្យរាងកាយលូតលាស់ និងបំពេញមុខងារបានពេញលេញ និងមានប្រសិទ្ធភាព ។ វីតាល់ សមស្របសម្រាប់អ្នក គឺជាទឹកបរិសុទ្ធដែលឆ្លងកាត់ប្រព័ន្ធបន្សុទ្ធ ១២ដំណាក់កាល និងសម្លាប់មេរោគត្រឹមត្រូវ ទទួលស្គាល់គុណភាពដោយក្រសួងសុខាភិបាល និងស្ថាប័នវាយតម្លៃគុណភាពនៃចក្រភពអង់គ្លេស ៕ ប្រភព ៖ premiumwaters
ចែករំលែកព័តមាននេះ