រាជធានីភ្នំពេញ ៖ នៅថ្ងៃទី ៣០ ខែវិច្ឆិកា ឆ្នាំ ២០២០ តុលាការបានបើកសវនការនៃរឿងក្ដី រំលោភបំពានដ៏ធំប្រឆាំងនឹងជនជាប់ចោទបួននាក់ គឺ…
រាជធានីភ្នំពេញ ៖ នៅថ្ងៃទី ៣០ ខែវិច្ឆិកា ឆ្នាំ ២០២០ តុលាការបានបើកសវនការនៃរឿងក្ដី រំលោភបំពានដ៏ធំប្រឆាំងនឹងជនជាប់ចោទបួននាក់ គឺ លោក សុធា អរុណ លោក ហ៊ុន ចិន្ដា លោកស្រី ថៃ ស៊ីនួន និង កញ្ញា អ៊ឹង វាសនានិមល ក្រោមការដឹកនាំរបស់ចៅក្រមបីរូប គឺ លោក កូយ សៅ លោក លី សុខា និង លោក លី សុខឡេង ។ សវនាការនេះធ្វើឡើងបន្ទាប់ពី ព្រះរាជអាជ្ញា និងចៅក្រមស៊ើបសួរបានរកឃើញថា ជនជាប់ចោទទាំងបួននាក់មានពិរុទ្ធភាព ពីបទល្មើសមួយចំនួនដូចជា ៖
– លោក សុធា អរុណ ៖ ពីបទធ្វើទារុណកម្ម និងអំពើឃោរឃៅ ហិង្សាដោយចេតនា មិនប្តឹង បរិហារការធ្វើបាបអនីតិជន និងបង្អត់អាហារ ឬគ្មានការថែទាំអនីតិជនក្រោមអាយុ ១៥ឆ្នាំ ។
– លោក ហ៊ុន ចិន្ដា និង លោកស្រី ថៃ ស៊ីនួន ៖ ពីបទធ្វើទារុណកម្ម អំពើឃោរឃៅ អំពើហិង្សាដោយចេតនា ការបង្អត់អាហារ ឬគ្មានការថែទាំអនីតិជនក្រោមអាយុ ១៥ឆ្នាំ និង រំលោភអំណាចមេបា ។
– កញ្ញា អ៊ឹង វាសនានិមល ៖ ពីបទហិង្សាដោយចេតនា និងរំលោភអំណាចមេបា ។
មានការវិត្តន៍សំខាន់ៗមួយចំនួនពាក់ព័ន្ធនឹងនៅក្នុងសវនាការ រួមទាំងក្មេងស្រីវ័យជំទង់ម្នាក់ ដែលស្ថិតនៅក្រោមអាណាព្យាបាលរបស់សុវណ្ណកុមារ ឈ្មោះ LYNN (មិនមែនជាឈ្មោះពិត) ត្រូវបានអ្នកថែទាំពីមុនដែលបច្ចុប្បន្ន គឺជាចុងចោទ បញ្ចុះបញ្ចូលអោយបង្ហាញខ្លួនក្នុងតុលាការ ដើម្បីផ្ដល់សក្ខីកម្មក្លែងក្លាយ ។ នាងបានអះអាងថា ជនរងគ្រោះម្នាក់ យុវជន JOSEPH (មិនមែនជាឈ្មោះពិត) បានរងរបួសក្បាលធ្ងន់ធ្ងរដោយសារធ្លាក់ពីលើដើមស្វាយ មិនមែនដោយសារការវាយដោយក្បាលខ្សែក្រវាត់ឡើយ ។ ផ្អែកលើសេចក្ដីបំភ្លឺដ៏ក្បោះក្បាយរបស់បុគ្គលិកខ្មែរ សារអេឡិចត្រូវនិច (អ៊ីមែល) និងរូបថតជាច្រើនដែលបញ្ជាក់អំពីការរំលោភបំពាន ដូច្នេះអង្គការសុវណ្ណកុមារជឿជាក់ថា អតីតអ្នកថែទាំកុមារគឺ លោក ហ៊ុន ចិន្តា បានប្រើខ្សែក្រវាត់វាយដំទៅលើយុវជន Joseph ប្អូនប្រុសរបស់យុវជនរូបនេះ ។ បន្ទាប់មកលោក សុធា អរុណ អតីតនាយកប្រតិបត្ដិការ បានដាក់យុវជនរងគ្រោះទាំងពីរ អោយរស់នៅខាងក្រៅផ្ទះក្នុងបរិវេណអង្គការអស់រយៈពេលប្រហែលបីសប្ដាហ៍ដោយគ្មានចំណីអាហារ និងទីជម្រកត្រឹមត្រូវ ។
បន្ទាប់ពីរយៈពេលបីសប្ដាហ៍បានកន្លងផុតទៅ លោកបានចេញលិខិតអនុញ្ញាតអោយអ្នកថែទាំ ពីរនាក់ រួមមានវេជ្ជបណ្ឌិតរបស់អង្គការ ផ្ដល់ចំណីអាហារអោយយុវជនរងគ្រោះទាំងពីរ ។ នៅ ពេលដែលយុវតីអាយុ ១៧ឆ្នាំ ឈ្មោះ LYNN (មិនមែនជាឈ្មោះពិត) បង្ហាញថាក្មេងៗដទៃ ទៀត មានបំណងចង់ប្រាប់តុលាការថា គ្មានការរំលោភបំពានបានកើតឡើងនោះចៅក្រម កូយ សៅ ទាមទារអោយសុវណ្ណកុមារនាំកុមារទាំងនោះទៅតុលាការដើម្បីអោយចៅក្រម សាកសួរ ។
ចៅក្រម កូយ សៅ បន្ដផ្ដល់ការការពារការរំលោភបំពានលើកុមារ ដោយថ្លែងថា លោកផ្ទាល់ ក៏វាយកូនខ្លួនឯងដែរ ហើយចុងចោទម្នាក់ ឈ្មោះ ថៃ ស៊ីនួន មានចំណេះដឹង និងស្រឡាញ់ កូនរបស់ខ្លួន មិនអាចប្រើកម្លាំងខ្លាំងបែបនេះឡើយ ។ គួរកត់សម្គាល់ថា លោកស្រី ថៃ ស៊ីនួន មិនមែនជាម្ដាយរបស់កុមារណាមួយក្នុងអង្គការសុវណ្ណកុមារឡើយ ហើយការដាក់ទណ្ឌកម្ម ផ្នែករាងកាយមិនត្រូវបានអនុញ្ញាតនោះទេ ផ្អែកលើគោលការណ៍ការពារកុមាររបស់អង្គការ និងច្បាប់នៃព្រះរាជាណាចក្រកម្ពុជា ។ ចៅក្រម កូយ សៅ បានសួរសំណួរអំពីទំហំដីរបស់ អង្គការ ដែលមិនពាក់ព័ន្ធនឹងសវនាការអំពីការរំលោភបំពានលើកុមារឡើយ ។
អស់រយៈពេលប៉ុន្មានសប្ដាហ៍ចុងក្រោយនេះ ជនជាប់ចោទបានបើកយុទ្ធនាការយ៉ាងខ្លាំង ក្លាក្នុងការបញ្ចុះបញ្ចូលកុមារនៅសុវណ្ណកុមារអោយមកតុលាការ តាមរយៈការសូកប៉ាន់ ការសម្លុត និងការអង្វរ ។ យើងបានរកឃើញសារឆ្លើយឆ្លង និងការហៅតាមទូរសព្ទពីជនជាប់ ចោទជាមួយកុមារ ។ កុមារមួយចំនួនត្រូវបានគេផ្ដល់ព័ត៌មានមិនពិតថា អតីតប្រធានអង្គការ ដែលត្រឹមតែជាបុគ្គលិករបស់អង្គការ បានបរិច្ចាគប្រាក់រាប់លានដុល្លារដល់អង្គការក្នុងរយៈ ពេល ១៧ឆ្នាំមកនេះ ។ លោកបានសាងសង់វីឡាស្គឹមស្គៃមួយដោយមានបន្ទប់ខារ៉ាអូខេ និងអាងហែលទឹកដែលមានតម្លៃលើសពី 20,000 ដុល្លារអាមេរិក ។ ជនជាប់ចោទបានប្រាប់ កុមារទាំងនោះថា ប្រសិនបើពួកគេមកតុលាការនៅថ្ងៃទី ១៨ អតីតនាយកប្រតិបត្តិការនឹងកា ន់តំណែងចាស់របស់គាត់នៅអង្គការវិញនៅថ្ងៃទី ១៩ ទោះបីជាគ្មានមូលដ្ឋានច្បាប់ណាសម្រាប់អោយមានព្រឹត្ដិការណ៍បែបនេះក៏ដោយ ។ អតីតនាយកប្រតិបត្ដិកំពុងប្រឈមមុខនឹងរឿង ក្ដីផ្សេងទៀតចំពោះការឆបោក និងការរំលោភសេពសន្ថវៈលើកុមារ ។
កាលពីថ្ងៃទី ១៣ ខែធ្នូ ឆ្នាំ២០២០ ប្រមាណជាម៉ោង ៣ និង ៣០ នាទី ជនរងគ្រោះជា កុមារម្នាក់បានបាត់ខ្លួនពីសុវណ្ណកុមារ ។ នាងបានបំភ្លឺប្រាប់ព្រះរាជអាជ្ញានៅសាលាដំបូងរាជធានី ភ្នំពេញកាលពីខែតុលាឆ្នាំ ២០២០ អំពីបទពិសោធន៍គួរអោយរន្ធត់របស់នាងជាមួយលោក សុធា អរុណ នៅពេលនាងមានអាយុ ៦ឆ្នាំ ។ បច្ចុប្បន្ន នាងមានអាយុ ១៧ឆ្នាំ ហើយស្ថិត ក្រោមអាណាព្យាបាលរបស់អង្គការសុវណ្ណកុមារ ។ ថ្នាក់គ្រប់គ្រងនៅអង្គការសុវណ្ណកុមារមានហេតុផលគ្រប់គ្រាន់ដែលជឿជាក់ថា នាងកំពុងនៅជាមួយលោក សុធា អរុណ ឬសមាជិក គ្រួសាររបស់លោក សុធា អរុណ ហើយសូមអោយរដ្ឋាភិបាលចាត់វិធានការបន្ទាន់ដើម្បីចាប់ខ្លួនលោក សុធា អរុណ និងប្រគល់ក្មេងស្រីអាយុ ១៧ឆ្នាំនោះមកអោយអង្គការវិញ ។
អតីតនាយកប្រតិបត្តិ លោក សុធា អរុណ ត្រូវបានគេដឹងថា បានបើកមណ្ឌលកុមារកំ ព្រាជាច្រើនទៀតក្នុងប្រទេស ដែលមិនពាក់ព័ន្ធនឹងអង្គការសុវណ្ណកុមារឡើយ ។ មណ្ឌលកុ មារកំព្រារបស់លោកដែលស្ថិតនៅខេត្តព្រៃវែងមិនបានចុះបញ្ជីត្រឹមត្រូវ ហើយស្ថិតក្រោម ការស៊ើបអង្កេតរបស់ក្រសួងសង្គមកិច្ច និងនគរបាលពាក់ព័ន្ធនឹងការរំលោភបំពានលើកុមារ ។ សមត្ថកិច្ចកំពុងស៊ើបអង្កេតអំពីសកម្មភាពរបស់ លោក សុធា អរុណ ក្នុងព្រះរាជាណាចក្រ កម្ពុជា ដើម្បីធានាថា គ្មានកុមារផ្សេងទៀតក្លាយជាជនរងគ្រោះបន្តទៀត ។
អង្គការសុវណ្ណកុមារកំពុងផ្តល់ការអប់រំដល់កុមារអំពីអំណាចនៃភាពសច្ចៈ យុត្ដិធម៌ និងសិទ្ធិ របស់កុមារក្នុងប្រទេសកម្ពុជា ។ ដោយថ្មីៗនេះមានការផ្ដល់សក្ខីកម្មក្លែងក្លាយ ដែលនាំឱ្យអង្គការសម្រេចចិត្ដដ៏លំបាកក្នុងការផ្ដល់ព័ត៌មានអំពីស្ថានការណ៍នេះដល់កុមារ ដើម្បីអោយពួកគាត់ បានសិក្សាពីគ្រោះថ្នាក់នៃការរំលោភបំពានលើកុមារ និងព័ត៌មានមិនពិត បើមិនដូច្នោះទេ នៅ ពេលអនាគត កុមារអាចសោកស្តាយដែលមិនបានស្វែងរកយុត្តិធម៌ចំពោះបទល្មើសនៃការធ្វើ ទារុណកម្ម និងការរំលោភបំពាននេះ
អំពីសុវណ្ណកុមារ ៖ សុវណ្ណកុមារ ឬ កុមារមាស ត្រូវបានបង្កើតឡើងក្នុងឆ្នាំ ២០០៣ ដើម្បីថែ ទាំកុមារកំព្រា និងកុមារដែលត្រូវបានគេបោះបង់ចោលនៅកម្ពុជា ។ គោលបំណងរបស់យើង គឺបង្កើតបរិយាកាសមួយដែលផ្តល់ជាទីកន្លែងដែលមានសុវត្ថិភាព និងចិញ្ចឹមបីបាច់ថែរក្សា កុមារកំព្រា និងកុមារដែលត្រូវគេបោះបង់ចោលនៅកម្ពុជា ដើម្បីឱ្យកុមារទាំងនោះមានការ អភិវឌ្ឍផ្លូវកាយ បញ្ញា ផ្លូវអារម្មណ៍ និងស្មារតីដើម្បីឈានទៅរកសក្តានុពលពេញលេញរបស់ ពួកគេ។
សម្រាប់ការសាកសួរព័ត៌មានបន្ថែមសូមទាក់ទងអង្គការសុវណ្ណកុមារ ៖
អ៊ីមែល៖ Sovannkomarmedia@gmail.com ៕ ដោយសហការ
ចែករំលែកព័តមាននេះ