រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា កម្លាំងនគរបាលអគ្គនាយកដ្ឋានអន្តោប្រវេសន៍ក្រសួងមហាផ្ទៃបានចុះធ្វើរដ្ឋបាលចំពោះពលករបរទេសនៅក្នុងមជ្ឈមណ្ឌលកោះពេជ្រ
រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា កម្លាំងនគរបាលអគ្គនាយកដ្ឋានអន្តោប្រវេសន៍ក្រសួងមហាផ្ទៃបានចុះធ្វើរដ្ឋបាលចំពោះពលករបរទេសនៅក្នុងមជ្ឈមណ្ឌលកោះពេជ្រ កាលពីថ្ងៃត្រង់ថ្ងៃទី២៣ មិថុនា ស្ថិតក្នុងសង្កាត់ទន្លេបាសាក់ ខណ្ឌចំការមន ។
មន្ត្រីនគរបាលបានឱ្យដឹងថា ការចុះធ្វើរដ្ឋបាលចំពោះពលករបរទេសនៅក្នុងមជ្ឈមណ្ឌលកោះពេជ្រនេះ ជាលទ្ធផល រកឃើញអ្នកគ្មានឯកសារត្រឹមត្រូវសរុបចំនួន២១៤នាក់ ក្នុងនោះ ជនជាតិវៀតណាមចំនួន១៣១នាក់ (ស្ត្រី២១នាក់) និងជនជាតិចិនចំនួន៨៣នាក់ (ស្ត្រី១នាក់) ។
បើយោងតាមច្បាប់អន្តោប្រវេសន៍នៅកម្ពុជា ជនបរទេសណាមិនមានសៀវភៅបញ្ជាក់ពីការងារត្រឹមត្រូវនោះទេ គឹត្រូវផាកពិន័យជាប្រាក់ចូលរដ្ឋចំនួន៥០ម៉ឺនរៀល ក្នុងជនជាតិបរទេសម្នាក់ តែបើមិនមានឯកសារទាំងអស់វិញ គឺសមត្ថកិច្ចត្រូវបណ្តេញចេញពីប្រទេសកម្ពុជា ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ