ខេត្តកំពង់ឆ្នាំង ៖ នៅព្រឹកថ្ងៃទី០៩ ធ្នូ នេះ សមត្ថកិច្ចបាននាំជនដៃដល់ចំនួន៣នាក់ទៅធ្វើត្រាប់ដល់កន្លែងកើតហេតុ ក្នុងអំពើមនុស្សឃាតបណ្ដាលឱ្យជនរងគ្រោះម្នាក់បានបាត់បង់ជីវិត កាលពីយប់ថ្ងៃទី០៦ ធ្នូ កន្លងមក…
ខេត្តកំពង់ឆ្នាំង ៖ នៅព្រឹកថ្ងៃទី០៩ ធ្នូ នេះ សមត្ថកិច្ចបាននាំជនដៃដល់ចំនួន៣នាក់ទៅធ្វើត្រាប់ដល់កន្លែងកើតហេតុ ក្នុងអំពើមនុស្សឃាតបណ្ដាលឱ្យជនរងគ្រោះម្នាក់បានបាត់បង់ជីវិត កាលពីយប់ថ្ងៃទី០៦ ធ្នូ កន្លងមក ស្ថិតនៅចំណុចភូមិគក ឃុំពានី ស្រុកកំពង់ត្រឡាច ។
លោក ឌុច ចំរើន ប្រធានការិយាល័យនគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តកំពង់ឆ្នាំងបានឲ្យដឹងថា ក្រោយពេលកើតហេតុនៃអំពើឃាតកម្មនេះ អង្គភាពនគរបាលខេត្តដោយទទួលបញ្ជាពីលោកឧត្តមសេនីយ៍ទោ ស្នងការនគរបាលខេត្ត និងមានការសម្របសម្រួលពីលោក អ៊ិត សុធាព្រះរាជអាជ្ញាអមសាលាដំបូងខេត្តផងនោះបានចុះស្រាវជ្រាវរហូតឈានដល់ដៃចាប់ជនដៃដល់ចំនួន 3 នាក់។
ប្រភពបន្តថា ក្នុងនោះ២នាក់ ត្រូវបានសមត្ថកិច្ចនគរបាលធ្វើការឃាត់ខ្លួន១-ឈ្មោះ
ណន ណឹម អាយុ៣៧ឆ្នាំ ២-ឈ្មោះ នៅច្រេស អាយុ៣០ឆ្នាំ និងម្នាក់ទៀតត្រូវបានកងរាជអាវុធហត្ថ ស្រាវជ្រាវឃាត់ខ្លួនផងដែរ គឺឈ្មោះ តុន រឿន អាយុ២៦ឆ្នាំ ទាំង៣នាក់ មានទីលំនៅភូមិគក ឃុំពានីស្រុកកំពង់ត្រឡាច ។
ចំណែកជនរងគ្រោះមានឈ្មោះ ញៀន ណូយ ហៅស្នា អាយុប្រមាណជាង៣០ ឆ្នាំមានទីលំនៅភូមិឃុំជាមួយគ្នា ។ នៅចំពោះមុខសមត្ថកិច្ច នៅកន្លែងធ្វើត្រាប់នាព្រឹកថ្ងៃទី០៩ ធ្នូ ជនសង្ស័យទាំង 3 នាក់បានសារភាពថា «ខ្លួនមានគំនុំនឹងជនរងគ្រោះតែងតែបង្ករឿងក្នុងភូមិជាញឹកញាប់ ទើបនៅយប់ថ្ងៃកើតហេតុ ពួកខ្លួនបានរៀបចំពួនស្ទាក់ កាប់និងវាយលើជនរងគ្រោះ បណ្ដាលឲ្យរបួសធ្ងន់ហើយជនរងគ្រោះបានរត់ទៅស្លាប់នៅឯផ្ទះ។
ក្រោយមក នៅថ្ងៃទី០៨ ធ្នូ ពួកខ្លួនក៏ត្រូវបានកងរាជអាវុធហត្ថនិងនគរបាលខេត្តធ្វើការចាប់ខ្លួនតែម្ដង ។ ក្រោយពេលធ្វើត្រាប់ពីសកម្មភាពពួនស្ទាក់ និងកាប់លើជនរងគ្រោះហើយជនសង្ស័យទាំង៣នាក់ ត្រូវសមត្ថកិច្ចទាំង២ អង្គភាព កសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕
ចែករំលែកព័តមាននេះ