រាជធានីភ្នំពេញ ៖ នៅល្ងាចថ្ងៃទី០៧ ខែធ្នូ ឆ្នាំ២០២០នេះ ក្រសួងអប់រំបានជូនដំណឹងំស្ដីពីការពន្យាពេលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២១ ធ្នូ ២០២០ខាងមុខនេះ។…
រាជធានីភ្នំពេញ ៖ នៅល្ងាចថ្ងៃទី០៧ ខែធ្នូ ឆ្នាំ២០២០នេះ ក្រសួងអប់រំបានជូនដំណឹងំស្ដីពីការពន្យាពេលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២១ ធ្នូ ២០២០ខាងមុខនេះ។ នៅក្នុងលិខិត លេខ៨០ អយក.សជណ ដែលចុះហត្ថលេខាដោយ រដ្ឋមន្ត្រីក្រសួងអប់រំយុវជន និងកីឡា បណ្ឌិតសភាចារ្យ ហង់ជួន ណារ៉ុន មានខ្លឹមសារថា ៖
ដោយសារស្ថានភាពមិនទាន់ច្បាស់លាស់នៃផលប៉ះពាល់របស់ ព្រឹត្តិការណ៍សហគមន៍ ២៨ វិច្ឆិកា និងតាមអនុសាសន៍ដ៏ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្រសួងអប់រំយុវជន និងកីឡា សម្រេចពន្យាពេលនៃការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៩-២០២០ ដែលគ្រោងរៀបចំនៅថ្ងៃទី២១ និង២២ ខែធ្នូ ឆ្នាំ២០២០ ទៅពាក់កណ្ដាលខែមករា ឆ្នាំ២០២១វិញ។
ក្រសួងនឹងជូនដំណឹង កាលបរិច្ឆេទច្បាស់លាស់នៃការប្រឡងនៅពេលក្រោយ។ នៅក្នុងលិខិតដដែលនេះ បានបញ្ជាក់បន្ថែមថា សេចក្តីជូនដំណឹងខាងលើ សូមមន្ទីរអប់រំយុវជន និងកីឡា រាជធានី ខេត្ត គណៈគ្រប់គ្រងគ្រឹះស្ថានសិក្សា បុគ្គលិកអប់រំ មាតាបិតាសិស្ស គ្រប់រូប ជ្រាបជាព័ត៌មាន៕
ចែករំលែកព័តមាននេះ