នៅចន្លោះពេលដែលមានផ្ទៃពោះ អ្នកម្តាយមួយចំនួន គឺពិបាកគេងលក់ខ្លាំងណាស់ដោយសារតែពោះមានលក្ខណៈធំកូនតែងតែធាក់នៅពេលយប់ ដូចនេះតើមានវិធីអ្វីខ្លះក្នុងការធ្វើឱ្យអ្នកម្តាយអាចគេងនៅពេលយប់បានស្រួលនោះ ? ១- បរិភោគអាហារមានតុល្យភាព ៖ នៅពេលដែលអ្នកបរិភោគអាហារផ្សេងៗ អ្នកមិនត្រូវទទួលទានហួសកំណត់ឡើយ…
នៅចន្លោះពេលដែលមានផ្ទៃពោះ អ្នកម្តាយមួយចំនួន គឺពិបាកគេងលក់ខ្លាំងណាស់ដោយសារតែពោះមានលក្ខណៈធំកូនតែងតែធាក់នៅពេលយប់ ដូចនេះតើមានវិធីអ្វីខ្លះក្នុងការធ្វើឱ្យអ្នកម្តាយអាចគេងនៅពេលយប់បានស្រួលនោះ ?
១- បរិភោគអាហារមានតុល្យភាព ៖ នៅពេលដែលអ្នកបរិភោគអាហារផ្សេងៗ អ្នកមិនត្រូវទទួលទានហួសកំណត់ឡើយ ជាពិសេសអ្នកត្រូវតែឆាប់ចូលគេង ហើយក្រោកពីព្រលឹមនោះអ្នកអាចមានដំណេកដែលល្អនៅពេលយប់បានហើយ ហើយកូនក្នុងផ្ទៃនឹងឆាប់គេងដូចគ្នាវាមិនរករឿងអ្នកឡើយ ។
២- ហាត់ប្រាណ ៖ អ្នកអាចហាត់ប្រាណដែលធ្វើចលនាស្រាលៗបាន នោះវានឹងជួយអ្នកឱ្យគេង លក់ស្រួលនៅពេលយប់ជាមិនខានឡើយ ប៉ុន្តែមិនត្រូវធ្វើចលនាដែលធ្ងន់ៗនោះទេ ព្រោះវាអាចប៉ះពាល់ដល់អ្នក និងកូនក្នុងផ្ទៃបាន ។
៣- ប៉ូវកាលស្យូម ៖ នៅពេលដែលអ្នកឈានដល់ដំណាក់កាលប៉ុន្មានខែជិតកើត នោះអ្នកនឹងងាយមានអាការៈរមួលក្រពើខ្លាំងណាស់ ជាហេតុដែលអាចធ្វើឱ្យអ្នករមួលក្រពើពេលដែលអ្នកគេងនៅពាក់កណ្តាលយប់ ដូចនេះបើអ្នកមិនចង់ឱ្យមានអាការៈនេះ អ្នកគួរតែបរិភោគអាហារដែលមានកាលស្យូម នោះវានឹងជួយអ្នកមិនឱ្យរមួលក្រពើឡើយ ។
៤- ហាលថ្ងៃ ៖ នៅពេលព្រឹកអ្នកមិនត្រូវនៅតែក្នុងផ្ទះឡើយ អ្នកត្រូវតែចេញទៅហាលថ្ងៃខ្លះ ដើម្បីស្រូបយកវីតាមីន D នោះវាជាថ្នាំងងុយគេងដ៏មានប្រសិទ្ធភាពបំផុត ។
៥- ផឹកទឹកដោះគោមុនពេលចូលគេង ៖ នៅពេលដែលអ្នកគេងមិនលក់ អ្នកអាចផឹកទឹកដោះគោក្តៅមុនពេលចូលគេងបាន ឬអ្នកអាចផឹកទឹកឃ្មុំក៏បានដែរ ឬក៏ទឹកមួយកែវបានហើយ ព្រោះទាំងអស់នេះជាវិធីដែលមិនប៉ះពាល់ដល់សុខភាពអ្នកឡើយ ហើយអ្នកអាចគេងលក់ស្រួលបានទៀតផង ។
៦- មុនពេលគេងមិនត្រូវបរិភោគឆ្អែតពេកទេ ៖ ប្រសិនជាមុនពេលដែលអ្នកគេង អ្នកបរិភោគឆ្អែតពេក នោះវានឹងងាយប៉ះពាល់ក្រពះអ្នកខ្លាំងណាស់ធ្វើឱ្យអ្នកពិបាកគេងលក់បំផុត ។
៧- មើលសៀវភៅមុនពេលគេង ៖ នៅមុនពេលដែលអ្នកចូលគេង អ្នកអាចមើលសៀវភៅមួយចំនួនបាន ប៉ុន្តែជាសៀវភៅដែលមិនធ្វើឱ្យខួរក្បាលស្មុគស្មាញទើបអ្នកងាយស្រួលគេងលក់បានលឿន ។
៨- បរិយាកាសក្នុងបន្ទប់ ៖ អ្នកអាចចាក់ចម្រៀងដោយបើកសំឡេងតិចៗ ហើយត្រូវតែបិតភ្លើង បន្ទប់កុំឱ្យភ្លឺពេក ជាងនេះទៅទៀតអ្នកអាចនិយាយប្រាប់កូនក្នុងពោះថា ដល់ម៉ោងគេងហើយនោះកូននឹងគេងតាមអ្នក ហើយមិនរករឿងក្នុងពោះឡើយ ៕
ចែករំលែកព័តមាននេះ