នាវាយក្សទីតានិកទី2នឹងលេចរូបរាងនៅឆ្នាំ2016
ឧបទ្ទវហេតុដែលពិភពលោកមិនអាចបំភ្លេចបាន គឺការលិចនាវាយក្សទីតានិក ក្នុងមហាសមុទ្រអាត្លង់ទិកខាងជើងក្រោយពីបុកផ្ទាំងទឹកកក ។ ហេតុការណ៍នោះកើតឡើងនៅព្រឹកថ្ងៃទី១៥
ឧបទ្ទវហេតុដែលពិភពលោកមិនអាចបំភ្លេចបាន គឺការលិចនាវាយក្សទីតានិក ក្នុងមហាសមុទ្រអាត្លង់ទិកខាងជើងក្រោយពីបុកផ្ទាំងទឹកកក ។
ហេតុការណ៍នោះកើតឡើងនៅព្រឹកថ្ងៃទី១៥ សីហា ឆ្នាំ១៩១២ខណៈធ្វើដំណើរពីទីក្រុង Southampton ប្រទេសអង់គ្លេសឆ្ពោះទៅទីក្រុងញូវយ៉កសហរដ្ឋអាមេរិកបណ្តាលឱ្យអ្នកដំណើរជាង១៥០០នាក់រួមទាំងនាវិកលើនាវានោះបាត់បង់ជីវិត ។ គិតមកដល់ពេលនេះអស់រយៈពេលជាង១ សតវត្សទៅហើយ ពោលគឺ១០៣ឆ្នាំនៃប្រវត្តិសាស្ត្រនៃគ្រោះមហន្តរាយនោះ ។
ដើម្បីរឭកបរិយាកាស សប្បាយៗលើនាវាយក្សទីតានិក និងជាគោលបំណងអាជីវកម្មលំហូរចរន្តទីផ្សារពិភពលោក លោក Clive Palmerអ្នកនយោបាយ ម្ចាស់សហគ្រាសរ៉ែ និងជាមហាសេដ្ឋីអូស្ត្រាលីវ័យ៦១ឆ្នាំ បាន សម្រេចចិត្តសាងសង់នាវាយក្ស Titanic ទី២ និងបើកការធ្វើដំណើរលើផ្ទៃទឹកផងដែរ ។
ទីតានិកទី២ធ្វើឡើងក្នុងប្រទេសចិនចំណាយប្រាក់ប្រមាណជា៥០០លានដុល្លារ ប្រវែងបណ្តោយ២៦៩,១៥ម៉ែត្រ កម្ពស់៥៣,៣៥ម៉ែត្រ ជម្រៅ១៩,៧៤ម៉ែត្រ ចំណុះនាវិកចំនួន៩០០នាក់ និងមានទម្ងន់សរុប៥៦.០០០តោនធ្ងន់ជាងទីតានិក ទី១មានទម្ងន់តែ៤៦.០០០តោនប៉ុណ្ណោះ ។
នាវាទីតានិក ទី២គ្រប់គ្រងដោយក្រុមហ៊ុន Blue Star Line នឹងចេញដំណើរពីទីក្រុង Southampton ប្រទេសអង់គ្លេសឆ្ពោះទៅទីក្រុង ញូវយ៉កសហរដ្ឋអាមេរិក ពោលគឺជាទីតាំងតែមួយ អំឡុងពេលនាវាទីតានិក ទី១ ធ្វើដំណើរ ។
ភ្ញៀវ ល្បីៗ ឥស្សរជន បុគ្គលឆ្នើម ឬអ្នកស្ថិតក្នុងត្រកូលអភិជនជាន់ខ្ពស់នឹងអញ្ជើញជាកិត្តិយសជិះកម្សាន្តលើនាវាជាមួយនឹងបរិយាកាសយ៉ាងឱឡារិក ព្រមទាំងទទួលទានអាហារក្នុងរាត្រីសមោសរលើនាវាយក្សទី២នេះ ពោលគឺសកម្មភាពទាំងនោះដូចគ្នានឹងទិដ្ឋភាពលើនាវាទីតានិកទី១ដែរ ៕
ចែករំលែកព័តមាននេះ