ទីក្រុងបាងកក៖ បន្ទាប់ពីចេញលក់ស្មាតហ្វូនHUAWEIស៊េរី P8 ទទួលជោគជ័យនៅទីក្រុងឡុងនាពេលថ្មីកន្លងមក ក្រុមហ៊ុន HUAWEI បានធ្វើកក្រើកនៅតំបន់អាស៊ីអាគ្នេយ៍កាលពីល្ងាចថ្ងៃទី២៨ឧសភា តាមរយៈការបើកសម្ភោធលក់ជាផ្លូវការនៅសណ្ឋាគារ CENTANA GRAND HOTELL ដោយមានភ្ញៀវកិត្តិយសចូលរួមពីថ្នាក់ដឹកនាំ និងតំណាងឯកអគ្គរាជទូតHUAWEI រួមនិងភ្ញៀវប្រមាណ៥០០នាក់មកពី១១ប្រទេសផ្សេងគ្នា។
លោក រីឆាត យូ (RICHARD YU) នាយកប្រតិបត្តិ ក្រុមហ៊ុន HUAWEI បានមានប្រសាសន៍ថា «HUAWEI P8 នឹងក្លាយជាទូរស័ព្ទស្មាតហ្វូន ដ៏ងាយស្រួលប្រើបំផុត ពេញចិត្តបំផុត សម្រាប់អតិថិជននៅទូទាំងពិភពលោក។ ផ្អែកលើការស្រាវជ្រាវទីផ្សារ យ៉ាងស៊ីជម្រៅពីតម្រូវចិត្តអតិថិជន HUAWEI បានផលិតស្មាតហ្វូនស៊េរី P8 នេះធ្វើដើម្បីឆ្លើយតបនូវតម្រូវការក្តីស្រមៃ និងកង្វះខាតអតិថិជនថ្នាក់ខ្ពស់ សម្ភារនិយម អ្នកហ៊ឺហា អ្នកលេងស្ទីលកាលីបៗ ទំនើបៗ នាពេលបច្ចុប្បន្ននេះ ពិសេសគឺសមត្ថភាព និងមុខងារកាមេរ៉ា និងប្រព័ន្ធតភ្ជាប់គ្រប់បណ្តាញ។ តាមលទ្ធភាពនៃការជំរុញទីផ្សារ និងផ្សព្វផ្សាយចំពោះស៊េរី P កន្លងមក ក្រុមហ៊ុនជឿជាក់ថា ស៊េរីថ្មីដ៏កំពូល HUAWEI P8នឹងក្លាយទៅជាស្មាតហ្វូនដ៏ពេញនិយមបំផុត លក់ដាច់បំផុត និងទទួលបាននូវការកោតសរសើរ ពីសំណាក់អតិថិជនទូទាំងពិភពលោកក្នុងឆ្នាំ ២០១៥ នេះ»។
ដើម្បីធានាបាននូវបទពិសោធន៍ឥតខ្វះចន្លោះជូនអតិថិជនប្រើប្រាស់ ក្រុមហ៊ុន HUAWEI បានបង្កើតឧបករណ៍ WEARABLE និងគ្រឿងបន្លាស់ប្រកបដោយភាពច្នៃប្រឌិតជាច្រើនទៀត ដល់អតិថិជនរបស់ខ្លួន ដូចជា នាឡិកា HUAWEI TALKBAND B2 ដំណើរការបានជាមួយ P8 អាចដោះសោពីចម្ងាយបានដោយមិនបាច់បញ្ចូលលេខសម្ងាត់ លើសពីនេះទៅទៀតវាអាចស្វែងរកទីតាំងទូរស័ព្ទបានដោយគ្រាន់តែចុចលើ B2 ។ ឧបករណ៍ផ្ទុកថាមពល HUAWEI AP007 13000 MAH មានរន្ធ USB ពីរ ដើម្បីសាកថ្មឧបករណ៍ពីរក្នុងពេលដំណាលគ្នា និងអាចប្រើប្រដាប់សាក 2A 5V បានដើម្បី ធ្វើឱ្យដំណើរការសាកថ្មកាន់តែលឿនក្នុងការបំពេញតម្រូវ ការរបស់ អ្នកប្រើ សម័យទំនើប ដើម្បីរក្សាថាមពលថ្មដល់ឧបករណ៍របស់ពួកគេបានពេញមួយថ្ងៃ។
លោក KELVIN HO នាយកផ្នែក HANDSET PRODUCT របស់ក្រុមហ៊ុន HUAWEI មានប្រសាសន៍ថា «តំបន់អាស៊ីអាគ្នេយ៍គឺជាទីផ្សារដ៏សំខាន់សម្រាប់ក្រុមហ៊ុន HUAWEI ហើយយើងមានសុទិដ្ឋិនិយមយ៉ាងខ្លាំងពីសក្តានុពលនៃតំបន់នេះជាមូលហេតុនាំឲ្យក្រុមហ៊ុន HUAWEI ធ្វើជាម្ចាស់ផ្ទះក្នុងពិធីសម្ភោធបង្ហាញផលិតផលក្នុងតំបន់អាស៊ីអាគ្នេយ៍ បន្ទាប់ពីពិធីសម្ភោធជាសកលកាលពីខែមុន។នៅតំបន់អាស៊ីអាគ្នេយ៍គឺជាផ្នែកមួយនៃតំបន់សេដ្ឋកិច្ចជោគជ័យ និងមានសក្តានុពលបំផុតនៅលើពិភពលោកទាំងក្នុងពេលបច្ចុប្បន្ន និងអនាគត។ ក្នុងឆ្នាំ 2014 ក្រុមហ៊ុន HUAWEI បានមើលឃើញថា ការនាំចេញសរុបជាង ១០ លានគ្រឿងនៅក្នុងតំបន់ បានធ្វើឲ្យការចេញលក់ស្មាតហ្វូនរបស់យើងកើនឡើងដល់ ៣ លានគ្រឿងបន្ថែមទៀត។ ជាមួយនឹងការចេញលក់ស្មាតហ្វូន P8, P8MAX, និង P8LITE ក្នុងឆ្នាំនេះ យើងរំពឹងថាការនាំចេញសរុបរបស់យើងនឹងកើនឡើងដល់ ៨លានគ្រឿងបន្ថែមទៀត ពោលកើនឡើង ១៦០%»។
លោក THOMAS LIU អគ្គនាយកក្រុមហ៊ុន HUAWEI ប្រចាំតំបន់អាស៊ីអាគ្នេយ៍មានប្រសាសន៍ថា«តាមរបាយការណ៍ថ្មីរបស់យើងអាចបញ្ជាក់បានថា ការនាំចេញស្មាតហ្វូនក្នុងឆ្នាំ ២០១៥ ក្នុងតំបន់អាស៊ីអាគ្នេយ៍ កើនឡើង ១២០% បើធៀបនឹងឆ្នាំមុន»។ នៅក្នុងបញ្ជីចំណាត់ថ្នាក់មានប្រទេស៥ដែលនិយមប្រើស្លាកសញ្ញា HUAWEI ច្រើនជាងគេ គឺប្រទេសមីយ៉ាន់ម៉ាយល់ដឹងអំពីស្លាកសញ្ញានេះកត់ត្រាទុក ១០០% និងជាប្រទេសទី១ ដែលមានភាគហ៊ុនទីផ្សារលើសពី ៥០% ។ ដើម្បីទាញយកផលប្រយោជន៍ពីឱកាសល្អៗនៅក្នុងតំបន់អាស៊ី អាគ្នេយ៍នេះ ក្រុមហ៊ុន HUAWEI នឹងបើកមជ្ឈមណ្ឌលផ្តល់សេវាអតិថិជនចំនួន 1.500 កន្លែង នៅទូទាំងតំបន់។ ក្នុងពេលអនាគតដ៏ខ្លីនេះ ក្រុមហ៊ុន HUAWEI នឹងមានបែបបទបំពេញសម្រាប់ សេវាអតិថិជនអនឡាញន៍ និងការផ្តល់នូវសេវាកម្មតាមរយៈកម្មវិធី MIS នៅក្នុងទីក្រុងហុងកុង តៃវ៉ាន់ មីយ៉ាន់ម៉ា ឥណ្ឌា និងប្រទេសថៃ។ ដូចគ្នានេះដែរ គម្រោងដែលកំពុងស្ថិតនៅក្នុងការពិភាក្សានេះ គឺជាផែនការសម្រាប់ផ្តល់សេវាពិសេស ដល់ផលិតផលបច្ចេកវិទ្យាខ្ពស់នានា»៕
ចែករំលែកព័តមាននេះ