សហរដ្ឋអាមេរិក ៖ កាលពីថ្ងៃទី៧ វិច្ឆិកា លោកចូបៃដិន ត្រូវបានប្រកាសថា ជាអ្នកឈ្នះ ក្នុងការបោះឆ្នោតប្រធានាធិបតីអាមេរិកថ្ងៃទី៣វិច្ឆិកា។ ប៉ុន្តែក្រោយបរាជ័យនោះរបស់លោកដូណាល់ត្រាំ បណ្ដាសមាជិកគ្រួសារលោក នឹងធ្វើសកម្មភាពដើម្បីនឹងអាចវិលចូលកាន់កាប់សេតវិមានជាថ្មីដែរទេ?
មែនហើយកូនប្រសារបស់ប្រធានាធិបតីបច្ចុប្បន្ន លោកJARED KUSHNERជាអ្នកស្នើដល់បិតាក្មេក ឲ្យព្រមទទួលយកលទ្ធផលនៃការបោះឆ្នោត និងទម្លាក់ដៃប្រឈមមុខជាមួយនឹងការផ្ទេរអំណាច ឲ្យលោកបៃដិននាថ្ងៃទី២០មករាខាងមុខនេះ ហាក់ដូចជាចង់ឲ្យភរិយាលោកស្រីអ៊ីវ៉ានកាត្រាំ បន្តជីវិតនយោបាយរបស់នាង។
កូនស្រីលោកត្រាំរូបនោះដែលក៏ជាទីប្រឹក្សាជាន់ខ្ពស់ របស់ប្រធានាធិបតីអាមេរិកដែរ ហាក់គ្មានបំណងណាមួយងាកទៅធ្វើពាណិជ្ជកម្ម ជាប្រមុខក្រុមហ៊ុនស្បែកជើងរបស់នាងវិញឡើយ ដូចការអះអាងរបស់ប្រភពមួយដូច្នោះដែរ។
លោកMICHAEL WOLFFអ្នកសរសេរប្រវត្តិរូបរបស់លោកស្រីអ៊ីវ៉ានកាត្រាំ ក្នុងសៀវភៅរបស់លោកមានចំណងជើងថា FIRE AND FURY: INSIDE THE TRUMP WHITE HOUSEចេញផ្សាយនាថ្ងៃទី៥មករាឆ្នាំ២០១៨ លាតត្រដាងថា លោកស្រីអ៊ីវ៉ានកាដែលបានភ្លក់រសជាតិនយោបាយ សា្វមីលោកJARED KUSHNER បានស្រុះស្រួលគ្នាឲ្យភរិយាឈរឈ្មោះប្រធានាធិបតីមុនស្វាមី។
អ្នកទាំង២ពិតជាព្រមព្រៀងគ្នាបែបនេះ ដោយប្រាកដប្រជាគឹប្រសិនបើឱកាសហុចឲ្យ នោះលោកស្រីអ៊ីវ៉ានកានឹងឈរឈ្មោះធ្វើប្រធានាធិបតីនាពេលអនាគត។ អ្នកកាសែតរូបនោះអះអាងថាស្ដ្រីប្រធានាធិបតីដំបូងគេ របស់សហរដ្ឋអាមេរិក មិនមែនលោកស្រីហ៊ីលឡារីគ្លិនតុនឡើយ តែនឹងគឹលោកស្រីអ៊ីវ៉ាន់កាត្រាំ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ