រាជធានីភ្នំពេញ៖ អ្នកគាំទ្រដែលតែងតែតាមដានបណ្តាញសង្គមរបស់គូស្វាមី-ភរិយាជាអ្នកសិល្បៈដូចគ្នានោះ គឺ អ្នកនាង សួស វីហ្សា និងលោក ថមមី ប្រាកដជាបានដឹងពីគូស្នេហ៍មួយគូនេះជានិច្ចជាកាលបង្ហាញភាពថ្នាក់ថ្នម មើលថែ និងផ្ដល់ភាពកក់ក្ដៅទៅកាន់កូនស្រីដំបូងនៃចំណងដៃអាពាហ៍ពិពាហ៍របស់ពួកគេយ៉ាងយកចិត្តទុកដាក់បំផុត ។
ដោយឡែក គ្រាន់តែកូនស្រីដំបូងរបស់អ្នកទាំងពីរឈ្មោះ ថង សាម៉ូលីណា បានឃើញពិភពលោកដ៏ស្រស់ស្អាតនេះបានត្រឹមតែ ១ ខែភ្លាម អ្នកនាងសួស វីហ្សា និងស្វាមី បានរៀបចំពីធីបង្កក់កូនស្រី យ៉ាងអធិកអធម ជាមួយនឹងការរៀបដេគ័រផ្កាស្រស់ និងល្អប្រណីតតែម្ដង មើលឃើញហើយគួរស្ងើចសរសើរដល់ទឹកចិត្តអ្នកទាំងពីរ ចំពោះកូនស្រីសំណព្វ ។
យ៉ាងណាមិញ គ្រាន់តែឃើញកម្មវិធីបង្កក់កូនស្រីរបស់អ្នកនាង សួស វីហ្សា និងថមមី មានសភាពធំដុំយ៉ាងនេះ បាន ធ្វើអោយមហាជននិងអ្នកគាំទ្ររបស់ទាំង២ បានលើកឡើងថា នេះក៏ព្រោះតែជាកូនដំបូង ទើបបានជាប្ដីប្រពន្ធមួយគូនេះ រៀបចំកម្មវិធីបង្កក់កូនស្រីយ៉ាងធំដុំដូច្នេះ។
គួរបញ្ចាក់ផងដែរថា នេះមិនមែនជារឿងមួយដែលប្លែកនោះទេ ដែលអ្នកនាង សួល វិហ្សា និងស្វាមីលោក ថមមី ធ្វើបែបនេះដើម្បីស្វាមគន៍កូនស្រី ពីព្រោះតែកន្លងមកនេះ អ្នកទាំង២ តែងតែបង្ហោះរូបភាពជុំគ្រួសារ បង្ហាញនៅស្នាមញញឹមយ៉ាងរីករាយ និងមានក្ដីសុខជាសាធារៈជាច្រើនផងដែរ ៕
ចែករំលែកព័តមាននេះ