រាជធានីភ្នំពេញ៖ តារាសម្តែងនិងបង្ហាញម៉ូដស្រីល្បីឈ្មោះមួយដូង គឺកញ្ញា សោម ស្រីនាថ ថ្មីៗនេះបានទម្លាយឲ្យមហាជនបានដឹងនូវអ្វីដែលនាងបានសន្យាជាមួយស្ត្រីមួយរូបដែលនាងគោរពស្រលាញ់បំផុត ដោយនាងត្រូវបំពេញតួនាទីធំៗនិងសំខាន់ចំនួនបី ដែលស្ត្រីមួយចំនួនពិតជាមិនអាចធ្វើបាននោះទេ តែស្រីស្រស់រូបនេះបានបង្ហាញឲ្យមហាជនបានឃើញថានាងពិតជាធ្វើនូវតូនាទីធំៗ៣នេះបានយ៉ាងល្អ ។…
រាជធានីភ្នំពេញ៖ តារាសម្តែងនិងបង្ហាញម៉ូដស្រីល្បីឈ្មោះមួយដូង គឺកញ្ញា សោម ស្រីនាថ ថ្មីៗនេះបានទម្លាយឲ្យមហាជនបានដឹងនូវអ្វីដែលនាងបានសន្យាជាមួយស្ត្រីមួយរូបដែលនាងគោរពស្រលាញ់បំផុត ដោយនាងត្រូវបំពេញតួនាទីធំៗនិងសំខាន់ចំនួនបី ដែលស្ត្រីមួយចំនួនពិតជាមិនអាចធ្វើបាននោះទេ តែស្រីស្រស់រូបនេះបានបង្ហាញឲ្យមហាជនបានឃើញថានាងពិតជាធ្វើនូវតូនាទីធំៗ៣នេះបានយ៉ាងល្អ ។
កន្លងមកបើទោះបីជានាងទទួលនូវអំរែកធំៗទាំងបីក៏ពិតមែន ហើយបើទោះបីជានាងរវល់នឹងការងារសិល្បៈយ៉ាងណាក៏ដោយ ក៏តារាស្រីរូបសម្រស់ស្រស់សោភារូបនេះ មិនដែលបង្ហាញពីអារម្មណ៍ថាហត់នឿយ ឬលំបាកយ៉ាងណានោះទេ ។
តែថ្មីៗនេះ កញ្ញា សោម ស្រីនាថ បានទម្លាយចេញនូវការលំបាក ការតស៊ូ ជាច្រើនក្នុងការបំពេញតួនាទីធំៗទាំង៣ ជាពិសេសគឺការបំពេញតាមសន្យាដែលនាងបានធ្វើចំពោះមុខម្តាយរបស់នាង មុនពេលអ្នកម្តាយលាចាកលោកទៅនោះ ។ ជាក់ស្តែងកាលពីថ្ងៃទី ៣ ខែវិច្ជកា ឆ្នាំ២០២០កន្លងទៅ កញ្ញា សោម ស្រីនាថ បានបង្ហាញអារម្មណ៍នៅក្នុងចិត្ត និងរៀបរាប់ទាំងអួលដើមក ពីជីវិតស្ត្រីវ័យក្មេងមួយរូប ដែលត្រូវទទួលរ៉ាប់រងមើលថែប្អូនប្រុស២នាក់ អោយទទួលបានភាពកក់ក្តៅ បន្ទាប់ពីអ្នកម្តាយលាចាកលោកទៅ។
ដោយនៅក្នុងសោម ស្រីនាថ បានរៀបរាប់តាមរយៈបណ្តាញសង្គមហ្វេសប៊ុកថា «ខ្ញុំធ្លាប់បានសន្យានិងស្ត្រីកំសត់ម្នាក់មុនពេលគាត់ស្លាប់ ថានិងមើលថែក្មេងប្រុសទាំងពីរនាក់នេះអោយដូចគាត់មើលថែ ទំនួលខុសត្រូវ ក្លាយជាឳពុកគេផង ម្តាយគេផង បងស្រីគេផង មិត្តគេផង ដើម្បីអោយពួកគាត់មានភាពកក់ក្តៅ មិនមានអារម្មណ៏ឯកា ពេលខ្លះក៏គេងយំ។ ពេលខ្លះក៏គេងញញឹមមើលមុខពួកគាត់ទាំងពីរ ជីវិតពួកយើងបីនាក់បងប្អូនឆ្លងកាត់អ្វីខ្លះមានតែពួកយើងបានដឹង ក្តីស្រលាញ់ដែលខ្ញុំមានចំពោះគាត់មិនអាចកាត់ថ្លៃ ដឹងត្រឹមថាពួកគេជាចំនែកនៃជីវិតខ្ញុំ ជាចំនែកនូវស្នាមញញឹម ការតស៊ូ កំលាំងចិត្តដ៏ធំក្នុងជីវិតខ្ញុំ។ អរគុណសំរាប់អ្នកទាំងពីរដែលតែងតែជាក្មេងល្អ ស្រលាញ់ មើលថែបងស្រីម្នាក់នេះ គ្រប់ពេលវេលា »។
គួរបញ្ជាក់ផងដែរ បើទោះការងារសិល្បៈ របស់នាងហាក់មានភាពមមាញឹក យ៉ាងខ្លាំង នឹងទទួលបានភាពជោគជ័យក៏ដោយ តែតារាស្រីរូបនេះពិតជារឹងមាំនិងដើរតួនាទីជាម្តាយ ជាឪពុក និងជាបងស្រីមួយរូប ដ៏ល្អក្នុងការមើលថែ ចិញ្ចឹមបីបាច់និងទំនុកបំរុងប្អូនប្រុសទាំងពីរ ចាប់តាំងពីម្ដាយរបស់នាងបានស្លាប់ដោយសារជំងឺមហារីក កាលពីប៉ុន្មានឆ្នាំកន្លងទៅ ហើយតាមរយៈខ្លឹមសារទាំងនេះផងដែរ ក៏មានមិត្តអ្នកសិល្បៈ និង ហ្វេនៗដែលស្រលាញ់គាំទ្ររូបនាង បានចូលមកខមិន លើកទឹកចិត្តឲ្យស្រីស្រស់រូបនេះបន្តដំណើរទៅមុខដោយក្តីសង្ឃឹមផងដែរ ៕
ចែករំលែកព័តមាននេះ