រាជធានីភ្នំពេញ ៖ នារីម្នាក់ត្រូវគេសង្ស័យថា ប្រើប្រាស់ថ្នាំញៀនលើសកម្រិតបានវង្វេងវង្វាន់គ្រប់គ្រងស្មារតីខ្លួនឯងមិនបាន ក៏ដើរដោះអាវតាមដងផ្លូវ និយាយតែម្នាក់ឯង និងបម្រុងដើរចូលឡានគេទៀត បង្កឱ្យការភ្ញាក់ផ្អើលពេញដងផ្លូវតែម្តង ធ្វើឲ្យប្រជាពលរដ្ឋឃើញហេតុការណ៍នាំគ្នាជួយឃាត់ និង…
រាជធានីភ្នំពេញ ៖ នារីម្នាក់ត្រូវគេសង្ស័យថា ប្រើប្រាស់ថ្នាំញៀនលើសកម្រិតបានវង្វេងវង្វាន់គ្រប់គ្រងស្មារតីខ្លួនឯងមិនបាន ក៏ដើរដោះអាវតាមដងផ្លូវ និយាយតែម្នាក់ឯង និងបម្រុងដើរចូលឡានគេទៀត បង្កឱ្យការភ្ញាក់ផ្អើលពេញដងផ្លូវតែម្តង ធ្វើឲ្យប្រជាពលរដ្ឋឃើញហេតុការណ៍នាំគ្នាជួយឃាត់ និង យកអាវមកពាក់អោយវិញ រួចក៏រាយការណ៍ប្រាប់សមត្ថកិច្ចមូលដ្ឋានចុះមកដល់កន្លែងកើតហេតុភ្លាមៗផងដែរ កាលពីម៉ោង9និង40នាទីយប់ ថ្ងៃទី27 ខែតុលា ឆ្នាំ2020 តាមបណ្ដោយមហាវិថីព្រះនរោត្តម នៅជាប់របងបុរីចំការមន ស្ថិតក្នុងសង្កាត់ទន្លេបាសាក់ ខណ្ឌចំការមន ។
តាមបើតាមសម្តីនារីខាងលើ បានប្រាប់ឲ្យដឹងទាំងវង្វេងស្មារតីថា នាងឈ្មោះ រចនា ស្នាក់នៅសង្កាត់ជ័យជំនះ ខណ្ឌដូនពេញ រូបគេជាមនុស្សញៀនថ្នាំ ហើយនៅថ្ងៃនេះរូបគេប្រើប្រាស់ថ្នាំញៀនលើសកម្រិត ទើបប្រតិកម្មទៅជាបែបនេះតែម្តង។
យោងតាមប្រភពពីប្រជាពលរដ្ឋជាអ្នករត់រ៉ឺម៉កកង់បីនៅកន្លែងភ្ញាក់ផ្អើល បានប្រាប់ឲ្យដឹងថា មុនកើតហេតុ គឺពួកគាត់ប្រទះឃើញនារីម្នាក់ដើរតែម្នាក់ឯង តាមរបងបុរីចំការមន ដោយពួកគាត់មិនដឹងថា នារីរូបនោះមកពីណាទេ ដោយដើរតែម្នាក់ឯង គ្មានអាវពាក់ ដើរអោនៗ គ្មានកម្លាំងកំហែង ដូចមនុស្សត្រូវថ្នាំគេ វង្វេងស្មារតី និងបម្រុងដើរចូលឡានគេទៀត ដោយឃើញដូច្នោះ ពួកគាត់ក៏សម្រេចចាប់ឃាត់នារីរូបនោះ និងរកអាវមកពាក់បិទបាំងកេរ្តិ៍ខ្មាស់ឲ្យ រួចក៏រាយការណ៍ប្រាប់សមត្ថកិច្ចមូលដ្ឋានឱ្យចុះមកដល់កន្លែងកើតហេតុជួយរកដំណោះស្រាយតែម្តង។
បន្ទាប់ពីសមត្ថកិច្ចចុះមកដល់កន្លែងកើតហេតុ ដោយឃើញអាការៈនារីខាងលើមិនស្រួល ទើបសមត្ថកិច្ចទាក់ទងហៅរថយន្ដសង្គ្រោះគ្លីនិក មកដឹកនារីយកទៅសង្គ្រោះនៅមន្ទីរពេទ្យភ្លាមៗផងដែរ និងព្យាយាមរកវិធីសាស្ត្រទាក់ទងទៅក្រុមគ្រួសារឱ្យទៅមើលនៅមន្ទីរសម្រាកព្យាលបាល។
បើតាមប្រភពពីក្រុមគ្រួសារនារីរងគ្រោះនោះបានបង្ហើបប្រាប់ឲ្យដឹងថា កូនគាត់ជាមនុស្សរៀនពូកែ និងរៀនសូត្រច្រើនពេក រហូតដល់ខូចប្រព័ន្ធប្រសាទ ទើបក្លាយទៅជាបែបនេះតែម្តង ៕
ចែករំលែកព័តមាននេះ