ក្រោយពីបានដាក់បង្ហាញជាផ្លូវការនូវរថយន្ត Ford Ranger ស៊េរីថ្មី ដែលមានបច្ចេកវិទ្យាដ៏វៃឆ្លាត គួបផ្សំជាមួយនឹងរួបរាងដ៏រឹងមាំ ការរចនាម៉ូដថ្មី និងត្រូវបានគេទទួលស្គាល់ថាជារថយន្តដែលមានបច្ចេកវិទ្យាចុងក្រោយ អាចធ្វើការបើកបរបានគ្រប់កាលៈទេសៈ និងជំនះបានគ្រប់ឧបសគ្គនៃការបើកបរ ដែលធ្វើឲ្យរថយន្តប្រភេទនេះផ្តល់នូវអត្ថប្រយោជន៍ជាច្រើនលើសរថយន្តភីកអាប់ (Pickup) ដទៃទៀត។
ចំនុចទាំង១០នេះមាន ៖
1. ប្រព័ន្ធផ្តល់ដំណឹងនៅពេលបើកបរចេញពីគន្លង និងឧបករណ៍ផ្តល់ដំណឹងពេលចេញពីគន្លង ជាប្រព័ន្ធមួយដែលអាចផ្តល់ជូនអ្នកបើកបរសម្រាប់ការពារ ចំពោះការចាកចេញពីគន្លងផ្លូវរបស់ខ្លួនដោយចៃដន្យនៅពេលដែលកំពុងបើកបរក្នុងល្បឿនលឿន។
2. ប្រព័ន្ធកំណត់ល្បឿននៃការបើកបរ បានផ្តល់នូវភាពរំញោច ដើម្បីកំនត់ទៅលើល្បឿនក៏ដូចជាចម្ងាយចំពោះរថយន្តដែលបើកនៅពីខាងមុខ ដែលបង្កើតឡើងគោលបំនងធ្វើយ៉ាងណាបញ្ជៀសអ្នកបើកបរ ឲ្យចៀសផុតពីការបើកបរលើសល្បឿនដែលបានកំនត់។
3. ប្រព័ន្ធផ្តល់សញ្ញាគ្រោះថ្នាក់ដែលអាចកើតមាននៅខាងមុខ ៖ ឧបករណ៍នេះមានទំនាក់ទំនងផ្សារភ្ជាប់ទៅនឹងប្រព័ន្ធកំណត់ល្បឿនរថយន្ត ដែលអាចផ្តល់ឲ្យអ្នកបើកបរអាចធ្វើការពិនិត្យ ពីចន្លោះសុវត្ថិភាពនៃរថយន្តរបស់គាត់នៅក្នុងចម្ងាយសុវត្តិភាពមួយ។
4. ប្រព័ន្ធជំនួយចូលចតផ្នែកខាងមុខ និងកាមេរ៉ាសុវត្ថិភាពផ្នែកខាងក្រោយនៃរថយន្ត ៖ការប្រើប្រាស់នូវប្រព័ន្ធរំញោចសម្រាប់ការពារនូវឧបសគ្គផ្សេងៗ ព្រមទាំងផ្តល់ជូនអ្នកបើកបរនូវការផ្តល់នូវដំនឹងនៅពេលដែលរថយន្តបានជួបនូវឧបសគ្គផ្សេងៗ ដូចជាពេលកំពុងចូលចតជាដើម ។ កាមេរ៉ាផ្នែកខាងក្រោយនៃរថយន្តបានផ្តល់នូវរូបភាពច្បាស់ ដែលអាចផ្តល់ភាពទុកចិត្តខ្ពស់សម្រាប់អ្នកបើកបរនៅពេលចូលចត។
5. ប្រព័ន្ធត្រួតពិនិត្យនូវសម្ពាធកង់ អាចជួយអ្នកបើកបរក្នុងការផ្តល់នូវសុវត្ថិភាពខ្ពស់និងសន្សំសំចៃប្រេងដោយការផ្តល់ដំនឹងដល់អ្នកបើកបរនៅពេលដែលកង់រថយន្តមានសំពាធទាប។
6. ប្រព័ន្ធទប់លំនឹងរថយន្តពេលបើកបរក្នុងផ្លូវកោង និងរអិល ៖ ជាមួយនឹងប្រព័ន្ធទប់លំនឹងរបស់រថយន្ត Ford Ranger អាចធ្វើការទប់លំនឹងរបស់រថយន្តនៅពេលដែលរថយន្តចង់ឈានទៅរកការក្រឡាប់បាន។
7. ប្រព័ន្ធត្រួតពិនិត្យទៅលើស្ថានភាពរបស់អ្នកបើកបរ ៖ ប្រព័ន្ធត្រួតពិនិត្យស្ថានភាពរបស់អ្នកបើកបរ នៅពេលដែលគាត់មានអារម្មណ៍ថាងងុយគេង។ ប្រសិនបើប្រព័ន្ធត្រួតពិនិត្យនោះទទួលបាននូវភាពមិនប្រក្រតី របស់អ្នកបើកបរដូចជា ចង្កូតរបស់រថយន្តត្រូវបានរេដោយមិនប្រក្រតីនោះ ប្រព័ន្ធត្រួតពិនិត្យនឹងតម្រង់ចង្កូតឲ្យត្រង់មកវិញ រួមទាំងបានផ្តល់ដំនឹងជូនអ្នកបើកបរដោយបញ្ចេញសម្លេងមួយយ៉ាងលឺ។
8. ជាមួយនឹងបច្ចេកវិទ្យាផ្សេងទៀតដែលមាននៅលើរថយន្ត Ford Ranger ស៊េរីថ្មីនោះគឺ ប្រព័ន្ធទប់លំនឹងពេលឡើងចំណោត និងចុះចំណោត អាចជួយឲ្យអ្នកបើកបរមានទំនុកចិត្តក្នុងការបើករថយន្តឡើងចំណោត និងកាត់បន្ថយនូវស្ថានភាពរអិលមិនឲ្យរថយន្តរអិលទៅមុខលឿនពេកនៅពេលដែលចុះពីចំណោត។
9. ប្រព័ន្ធជំនួយក្នុងការចាប់ហ្វ្រាំងបន្ទាន់ ដែលផ្តល់នូវសំពាធខ្ពស់សម្រាប់ប្រព័ន្ធហ្វ្រាំងរបស់រថយន្តក្នុងការបង្កើននូវកម្លាំងរបស់ហ្វ្រាំងឲ្យមានប្រសិទ្ធភាពជាងមុននៅពេលដែលអ្នកបើកបរចាប់ហ្វ្រាំងនៅក្នុងករណីបន្ទាន់។
10. ប្រព័ន្ធទប់នូវទម្ងន់របស់រថយន្តនេះវិញ ក៏មានសមត្ថភាពខ្ពស់ផងដែរពោលគឺអូស ឬសណ្តោងបានរហូតដល់ ៣.៥០០ គីឡូក្រាម ជាមួយនឹងទំហំនៃផ្នែកខាងក្រោយនៃរថយន្តអាចផ្ទុកទម្ងន់បានរហូតដល់ ១.១៧៥ គីឡូក្រាមផងដែរ។ គួរបញ្ជាក់ផងដែរថា ប្រភេទរថយន្តដែលមាននូវលក្ខណៈបែបនេះ ក៏កម្រមានចំពោះស៊េរីរថយន្តភីកអាប់ណាស់ ពោលគឺមានតែចំពោះប្រភេទរថយន្ត Ranger នេះតែប៉ុណ្ណោះ។
ស្របជាមួយគ្នានេះដែរ ក្រុមហ៊ុន អ អិម អេ ខេមបូឌា (RMA Cambodia) បានផ្តល់ឱកាសជូនអតិថិជនដែលមានបំណងចង់ទិញរថយន្ត Ford Ranger ស៊េរីឆ្នាំ២០១៦នេះ ដោយទទួលបាននូវតម្លៃពិសេសសម្រាប់ការបញ្ជាទិញឥឡូវនេះ ៕
ចែករំលែកព័តមាននេះ