ប្រទេសថៃ ៖ ក្នុងក្របខណ្ឌនៃក្រិត្យបន្ទាន់មួយ ចេញផ្សាយកាលពីព្រឹកថ្ងៃទី១៥តុលា ដើម្បីបញ្ចប់បាតុកម្ម ប្រឆាំងរដ្ឋាភិបាលនៅក្រុងបាងកក រដ្ឋាភិបាលថៃបានហាមឃាត់ការប្រមូលផ្ដុំមនុស្ស លើសពី៥នាក់ឬច្រើនជាងនេះ និងហាមចេញផ្សាយបណ្ដាព័ត៌មានឬសារតាមអនឡាញ ដែលអាចបំផ្លាញដល់សន្តិសុខជាតិ។
បាតុកម្មនានាត្រូវបានបង្កើន ចាប់តាំងពី៣ខែមកហើយ រួចពួកអ្នកតវ៉ានាយប់ថ្ងៃទី១៤តុលា បានបោះជំរំនៅមុខនិវេសនដ្ឋានរបស់នាយករដ្ឋមន្ត្រី លោកប្រាយុទ្ធចាន់អូចាអតីតប្រមុខរបបយោធា ដើម្បីទាមទារឲ្យលោកចាកចេញពីតំណែង។ គេឃើញប៉ូលិស នាព្រឹកថ្ងៃទី១៥តុលា ក្រោយចេញក្រិត្យនោះចាប់បណ្ដេញមនុស្សចេញពីជំរំនោះ។
ទូរទស្សន៍រដ្ឋប្រកាសថា វាជាការចាំបាច់ត្រូវចាត់វិធានការបន្ទាន់ ដើម្បីបញ្ចប់ដោយប្រសិទ្ធភាពនិងដោយឆាប់រហ័ស សភាពការណ៍នេះសំដៅថែរក្សាសន្តិភាពនិងរបៀបរៀបរយ។ រដ្ឋាភិបាលនិយាយថា បានធ្វើការសម្រេចចិត្តនេះ ពិសេសក្រោយពីពួកបាតុកររាំងខ្ទប់ក្បួនរថយន្តរបស់ព្រះមហាក្សត្រ។
មនុស្សច្រើនពាន់នាក់កាលពីថ្ងៃទី១៤តុលាបាននាំគ្នាដើរហែក្បួន តាមដងវិថីនានានៃរាជធានី។ ចលនាតវ៉ាទាមទារឲ្យមានការលាលែងរបស់រដ្ឋាភិបាល លោកប្រាយុទ្ធចាន់អូចាដែលកាន់អំណាចតាំងពីរដ្ឋប្រហារយោធាឆ្នាំ២០១៤មក និងទាមទារឲ្យមានរដ្ឋធម្មនុញ្ញថ្មី និងកម្រិតអំណាចរបស់ព្រះមហាក្សត្រមហាវេជ្ជរ៉ាឡុងកន ខណៈច្បាប់ថៃមួយហាមឃាត់ការប៉ះពាល់ដល់ព្រះមហាក្សត្រ ដែលមានជាធរមានចាប់តាំងពីយូរមកហើយ។
នាថ្ងៃទី១៤តុលាពួកបាតុករបានលើកទៅកាន់មុខវិមានប្រជាធិបតេយ្យស្ថិតនៅកណ្ដាលក្រុងបាងកក។ ចាប់តាំងពីខែកក្កដាមក ពួកយុវជនថៃបានធ្វើបាតុកម្ម ទាមទារឲ្យនាយករដ្ឋមន្ត្រីចាកចេញនិងកែប្រែរដ្ឋធម្មនុញ្ញដែលផ្ដល់អំណាចទូលំទូលាយពេកដល់កងទ័ព។ នាព្រឹកថ្ងៃទី១៤តុលា មនុស្សច្រើនរយនាក់ដែលកោរសក់និងពាក់អាវយឺតពណ៌លឿង ជាពណ៌តំណាងព្រះហាក្សត្រ បានលើកគ្នាចេញពីទីតាំងប៉ូលិស។
បូ៉លិសច្រើននាក់ភាគច្រើនស្លៀកពាក់ស៊ីវិល ព្រមទាំងពួកបាតុករស្និទ្ធព្រះមហាក្សត្រ បានត្រៀមចេញទៅប្រឈមមុខ ជាមួយពួកនិស្សិត ក៏ទោះបីពួកគេស្នើឲ្យប្រកាន់កុំតបតជាមួយពួកបង្កហេតុក៏ដោយ។ ទោះយ៉ាងណាមានរួចហើយការជេរប្រមាថគ្នា និងការគប់ទឹកដាក់គ្នានិងមានការទាត់ធាក់គ្នារវាងក្រុមទាំង២ទៀតផង។
ប៉ូលិសថៃកាលពីថ្ងៃទី១៣តុលាបានចាប់ខ្លួនរួចហើយបាតុករជាង២០នាក់ ដែលលើកគ្នាទៅតវ៉ានៅទីចាត់ការប៉ូលិសនាពេលយប់។ សភាពការណ៍ពិតជាតានតឹង។ ពួកបាតុករនៅតែប្រកាន់ភាពម៉ឺងម៉ាត់ ក្នុងការទាមទាររបស់ពូកគេ គឹឲ្យរដ្ឋាភិបាលលាលែង ឲ្យមានរដ្ឋធម្មនុញ្ញថ្មី កែទម្រង់ស្ថាប័នរាជានិយមដើម្បីធានាថា កងទ័ពនិងព្រះមហាកត្រមិនលូកដៃចូលឡូកឡុំក្នុងកិច្ចការនយោបាយថៃ និងឲ្យសភាជាសភាមួយដែលឯករាជ្យពិតប្រាកដ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ