មានរឿងអ្វី ? បវរកញ្ញារងទី១ លឹម សុធាវីត្រូវបញ្ជួនទៅបន្ទប់ ICU រយៈពេល ២ថ្ងៃ
- ភ្នំពេញ
រាជធានីភ្នំពេញ៖ បវរកញ្ញារងទី ១ Miss Grand Cambodia 2020 ដែលទើបតែទទួលបានដំណែងកាលពីពេលថ្មីនេះ កញ្ញា លឹម…
រាជធានីភ្នំពេញ៖ បវរកញ្ញារងទី ១ Miss Grand Cambodia 2020 ដែលទើបតែទទួលបានដំណែងកាលពីពេលថ្មីនេះ កញ្ញា លឹម សុធាវី បានធ្វើអោយមហាជនមានការព្រួយបារម្ភយ៉ាងខ្លាំង បន្ទាប់ពីនាងបានបង្ហាញរូបនាងគេងនៅក្នុងបន្ទប់ ICU រយៈពេល២ ថ្ងៃមកហើយ។
ការអោយដឹងនេះស្របពេល ដែលស្រីស្អាតរូបនេះនាង បានបង្ហោះរូបភាពរបស់ខ្លួន ដែលកំពុងតែសម្រាលនៅក្នុងមន្ទីរពេទ្យមួយ ជាមួយនឹងការសរសេររៀបរាប់ទម្លាយពីមូលហេតុ ដែលនាងគេងនៅបន្ទប់សង្រ្គោះបន្ទាន់ ២ថ្ងៃនេះ រួចមកនឹងក្លាយជាមនុស្សមួយថ្មីផ្សេងទៀតថា « សូមស្វាគមន៍ នៃការវិលត្រលប់មក សារជាថ្មីម្ដងទៀត! ខ្ញុំមកសារជាថ្មី ខ្ញុំនឹងធ្វើជាមនុស្សថ្មី ខ្ញុំបានគេងនៅក្នុងបន្ទប់ ICU អស់រយៈពេល ២ ថ្ងៃ ខ្ញុំមិននឹកស្មានថាខ្ញុំអាចភ្ញាក់ ២ ពីរការគេងដ៏យូរនេះបានទេ ហើយក៏សុំទោសបងប្អូន និង អ៊ី សុំទោស ដែលខ្ញុំធ្វើឲ្យទាំងអស់គ្នាបារម្ហ មិត្ដមានច្រើនណាស់ តែមិត្ដទាំងគ្នាល្អដូចបងប្អូនអ៊ីចឹង អរគុណខ្លាំងណាស់ ដែលទេវតាមកឲ្យស្គាល់អ្នកទាំងអស់គ្នា ខ្ញុំស្គាល់ហើយពាក្យថាបងប្អូនល្អ» ។
យ៉ាងណាមិញ Miss Grand Cambodia 2020 បវរកញ្ញារងទី ១ រូបនេះ ក៏មិនបានបង្ហើបអោយដឹងថា ខ្លួនមានអាការៈអ្វីបានជាត្រូវចូលមន្ទីរពេទ្យ នៅក្នុងបន្ទប់ ICU រហូតរយៈពេល២ ថ្ងៃនោះទេ ប៉ុន្តែមហាជន និងអ្នកគាំទ្រសង្ស័យថា ប្រហែលជានាងហត់នឿយ ពីព្រោះ ត្រូវបានបង្ហាញខ្លួនជាច្រើនក្នុងការងារសិល្ប និង បង្ហាញម៉ូដផងដែរ។
ដោយឡែក នៅក្នុងនោះស្រីស្អាត បវរកញ្ញារងទី១ លឹម សុធាវី ក៏បានបង្ហោះសារ សុំទោសទៅដល់ប៉ាម៉ាក់ និងបុគ្គលម្នាក់ ដែលមានធ្វើអោយពួកគាត់បារម្ភ ហើយជាពិសេសអរគុណ មហាជននិងអ្នកគាំទ្រ ដែលបានសម្តែងការព្រួយបារម្ភចំពោះរូបនាងផងដែរ ៕
ចែករំលែកព័តមាននេះ