ខេត្តសៀមរាប ៖ បើតាមប្រសាសន៍របស់លោកវរសេនីយ៍ឯក ហង្ស សូផាតភីរម្យ នាយការិយាល័យនគរបាលព្រហ្មទណ្ឌកម្រិតស្រាលនៃស្នងការខេត្ត សៀមរាប បានប្រាប់ នៅព្រឹកថ្ងៃទី០៦ តុលា…
ខេត្តសៀមរាប ៖ បើតាមប្រសាសន៍របស់លោកវរសេនីយ៍ឯក ហង្ស សូផាតភីរម្យ នាយការិយាល័យនគរបាលព្រហ្មទណ្ឌកម្រិតស្រាលនៃស្នងការខេត្ត សៀមរាប បានប្រាប់ នៅព្រឹកថ្ងៃទី០៦ តុលា នេះថា ដោយមានបញ្ជាពីលោកស្នងការក៏ដូចជា ស្នង ការរងបានឱ្យលោក ដឹកនាំកម្លាំងការិយាល័យនគរបាលព្រហ្មទណ្ឌកម្រិតស្រាល ចុះត្រួតពិនិត្យរដ្ឋបាលនៅក្នុងភូមិសាស្ត្រក្រុងសៀមរាប ដើម្បីការពារសុវត្ថិភាព ជូនដល់បងប្អូនប្រជាពលរដ្ឋ ក្នុងក្រុងសៀមរាបទាំងមូលផងដែរ។
លោកវរសេនីយ៍ឯក ហង្ស សូផាតភីរម្យ បានបញ្ជាក់ថា ក្នុងប្រតិបត្តិការ ចុះត្រួតពិនិត្យនោះ កម្លាំងនគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ត យើង ក៏ធ្វើការណែនាំឱ្យប្រជាពលរដ្ឋចូលរួមចំណែកក្នុងវិធានការបង្ការ បទល្មើសតាមរយ:សកម្មភាពថែរក្សានូវទ្រព្យសម្បត្តិរបស់ខ្លួន ដោយការចាក់សោកម៉ូតូ បិតសន្ទះសោសុវត្ថិភាពចាក់សោជន្ទល់ម៉ូតូផងដែរ។ ចំណែកនៅតាមបន្ទប់-ផ្ទះជួល គប្បីបំពាក់កាមេរ៉ាសុវត្តិភាពផងដែរ។
លោកបានបន្ថែមទៀតថា ករណីបងប្អូនប្រជាពលរដ្ឋបានដឹង ឬមានការសង្ស័យករណីបទល្មើសចោរកម្មកើត ឡើងអាចទាក់ទងមកបានតាមរយៈលោកវរសេនីយ៍ទោ ចាប ណារិន ទូរស័ព្ទលេខ 012 264 999 និង លោកវរសេនីយ៍ត្រី ឆឺយ ផុនសុភី ទូរស័ព្ទលេខ 012 983 511 ជានាយរងការិយាល័យនគរបាលព្រហ្មទណ្ឌកម្រិតស្រាល។
ជាមួយគ្នានេះនគរបាលព្រហ្មទណ្ឌកម្រិតស្រាលខេត្តសៀមរាប សូមអរគុណចំពោះការប្រុងប្រយ័ត្ន និងការការពារទ្រព្យ សម្បត្តិ របស់បងប្អូន ប្រជាពលរដ្ឋ សកម្មភាពទាំងនេះ គឺជាកាចូលរួមកាត់បន្ថយបទល្មើសដែលបង្ករឡើងដោយជនឆ្លៀតឱកាសមួយចំនួនផងដែរ៕
ចែករំលែកព័តមាននេះ