លែងត្រីជិត៦ម៉ឺនក្បាលទៅក្នុងបឹងក្រម
- ត្បូងឃ្មុំ
ខេត្តត្បូងឃ្មុំ ៖ ក្រោមការចង្អុលបង្ហាញនិងយកចិត្តទុកដាក់ឯកឧត្តមបណ្ឌិតជាម ច័ន្ទសោភ័ណ អភិបាលនៃគណៈអភិបាលខេត្ត នាព្រឹកថ្ងៃទី០៩ កញ្ញា នេះ បានចាត់ឱ្យឯកឧត្តម ពាង…
ខេត្តត្បូងឃ្មុំ ៖ ក្រោមការចង្អុលបង្ហាញនិងយកចិត្តទុកដាក់ឯកឧត្តមបណ្ឌិតជាម ច័ន្ទសោភ័ណ អភិបាលនៃគណៈអភិបាលខេត្ត នាព្រឹកថ្ងៃទី០៩ កញ្ញា នេះ បានចាត់ឱ្យឯកឧត្តម ពាង…
ខេត្តត្បូងឃ្មុំ ៖ ក្រោមការចង្អុលបង្ហាញនិងយកចិត្តទុកដាក់ឯកឧត្តមបណ្ឌិតជាម ច័ន្ទសោភ័ណ អភិបាលនៃគណៈអភិបាលខេត្ត នាព្រឹកថ្ងៃទី០៩ កញ្ញា នេះ បានចាត់ឱ្យឯកឧត្តម ពាង ណារិទ្ធ អភិបាលរងខេត្ត អញ្ជើញចូលរួមសំណេះសំណាលនៅសហគមន៍បឹងក្រម ឃុំជាំគ្រវៀន ស្រុកមេមត់ ខេត្តត្បូងឃ្មុំ និងព្រលែងកូនត្រី៤ប្រភេទស្មើ៥៧.០០០ក្បាល ទៅក្នុងបឹងក្រម ដើម្បីត្រៀមក្នុងពិធីចាប់ត្រី តាមលក្ខណៈប្រពៃណីពីដូនតាដែលគ្រោងនឹងធ្វើឡើងនៅខែកុម្ភៈ ដើមឆ្នាំ២០២១ ខាងមុខ ។ ប្រយោជន៍បង្កើតនូវភាពសប្បាយរីករាយដោយមានប្រជាពលរដ្ឋរាប់រយនាក់ ចុះចាប់ត្រីនិងរាំលេងកំសាន្តផងដែរ។
លោកហេង ពិសិដ្ឋ ប្រធានមន្ទីរកសិកម្មរុក្ខាប្រមាញ់ និងនេសាទខេត្តត្បូងឃ្មុំ បានឲ្យដឹងថា នៅបឹងក្រមខាងលើឱ្យតែមកដល់ខែកុម្ភ: ជាពេលវេលាដែលត្រូវទឹកស្រក និងក្នុងរដូវប្រាំងអាជ្ញាធរបានរៀបចំឲ្យមានកម្មវិធីចាប់ត្រី ជាលក្ខណៈប្រពៃណី ដែលមានរាប់រយឆ្នាំមកហើយ។ សូមបញ្ជាក់ថា ឯកឧត្តមបណ្ឌិតជាម ច័ន្ទសោភ័ណអភិបាលខេត្តនិងលោកជំទាវ ព្រមទាំងសហការី ថ្នាក់ដឹកនាំខេត្តនាពេលកន្លងទៅបានអញ្ជើញចូលរួមបង្កើតនូវភាពសប្បាយរីករាយ ជាមួយនឹងប្រជាពលរដ្ឋ ព្រមទាំងផ្ដល់ប្រាក់រង្វាន់ដល់ប្រជាពលរដ្ឋណា ដែលបានចាប់ត្រីច្រើនជាងគេទៀតផង។
លោកប្រធានមន្ទីរកសិកម្មខេត្តត្បូងឃ្មុំមានប្រសាសន៍បន្តថា នៅក្នុងខែកញ្ញា រាល់ឆ្នាំទឹកបឹងក្រម គឺមានទឹកល្ហល្ហាចច្រើន ដោយសារតែសម្បូរភ្លៀងធ្លាក់ដោយបានហូរចាក់មកពីគ្រប់តំបន់ចូលក្នុងបឹងក្រមនេះ។ តែមកដល់ខែកញ្ញា ២០២០ ទឹកបឹងមិនសំបូរទាល់តែសោះ កត្តានេះនាំឲ្យមានការព្រួយបារម្ភខ្លះក្នុងពេលខាងមុខដល់ពេលវេលាដែលត្រូវចុះចាប់ត្រីនោះនឹងធ្វើឲ្យផ្ទៃទឹកបឹងរាក់។ទោះជាបែបនេះក្តីអាជ្ញាធរគ្រប់លំដាប់ថ្នាក់ គឺបានបង្កើតនូវភាពសប្បាយរីករាយ ដោយរក្សានូវប្រពៃណីតាំងពីដូនតាទំនៀមទម្លាប់នៃការចាប់ត្រី ដែលបានធ្វើមកដល់សព្វថ្ងៃនេះ។
ប្រជាពលរដ្ឋមកពីគ្រប់ទិសទីមានក្មេងចាស់ប្រុសស្រី នៅពេលដែលគេប្រើអង្រុតចាប់ត្រីបានយកមកអាំងហូបជាមួយនិងបាយ ដែលមើលទៅនៅលើមាត់បឹងជុំវិញបឹងក្រម គឺមានមនុស្សរហូតទៅដល់រាប់ពាន់នាក់ ពិតជាមានភាពសប្បាយរីករាយ។ដោយមានការយកចិត្តទុកដាក់ពីសំណាក់អាជ្ញាធរខេត្ត បឹងក្រមនេះត្រូវបានជីកពង្រីកឲ្យធំជាងមុនទៀតផង។
ឯកឧត្តមពាង ណារិទ្ធិ អភិបាលរងខេត្ត មានប្រសាសន៍ផ្តាំផ្ញើសាកសួរសុខទុក្ខបងប្អូនក្នុងសហគមន៍ទាំងមូលនិងជូនពរដល់បងប្ងូនមានសុខភាពល្អនិងជៀសផុតពជំងឺកូវីដ ១៩ ទាំងអស់គ្នា។ ឯកឧត្តមបន្តទៀតថា ដោយពិនិត្យឃើញពីសក្តានុពលនៃភូមិសាស្ត្រនេះ សម្រាប់វិស័យទេសចរណ៍វប្បធម៌ ឯកឧត្តមអភិបាលខេត្ត បានដាក់ចេញនូវផែន ការអភិវឌ្ឍឲ្យមានរចនាសម្ព័ន្ធត្រឹមត្រូវ ពង្រីកវិសាលភាពឲ្យកាន់តែទូលំទូលាយដែលជំហានដំបូងបានជីកពង្រីកទីធ្លារបឹងបន្ថែម ដើម្បីប្រែក្លាយជារមណីដ្ឋានទេស ចរណ៍ វប្បធម៌ធម្មជាតិ ឲ្យបានគ្រប់រដូវកាល។
បឹងក្រម នឹងក្លាយជារមណីយដ្ឋានទេសចរណ៍វប្បធម៌ធម្មជាតិ ដែលអាចបង្កើតការងារនិងប្រាក់ចំណូលបន្ថែមសម្រាប់ប្រជាពលរដ្ឋប្រចាំតំបន់នេះ។ ដូច្នេះយើងត្រូវចូលរួមទាំងអស់គ្នាមើលថែទាំត្រីទាំងនេះ កុំមានការលួចប្រើឧបករណ៍ខុសច្បាប់ ជាពិសេសឧបករណ៍ឆក់ត្រី ដែលបំផ្លាញធ្ងន់ធ្ងរដល់ធនធានមច្ឆជាតិគ្រប់ប្រភេទនិងរក្សាព្រៃជុំវិញទីនេះឲ្យបានល្អ ក្លាយជាម្លប់សម្រាប់ភ្ញៀវទេសចរ ៕
ចែករំលែកព័តមាននេះ