វ៉ែល ៖ គ្រប់គ្នាមានការភ្ញាក់ផ្អើលយ៉ាងខ្លាំង បន្ទាប់ពីឃើញរូបភាពប៉ុន្មានសន្លឹក ដែលត្រូវបានចែករំលែកលើបណ្តាញទំនាក់ទំនងសង្គម បង្ហាញពីសក់ដ៏វែងរបស់កីឡាករ Gareth Bale ដែលពុំសូវមានអ្នកឃើញកន្លងមក។ ខ្សែបម្រើស្លាបមិនសូវបង្ហាញខ្លួនវ័យ…
វ៉ែល ៖ គ្រប់គ្នាមានការភ្ញាក់ផ្អើលយ៉ាងខ្លាំង បន្ទាប់ពីឃើញរូបភាពប៉ុន្មានសន្លឹក ដែលត្រូវបានចែករំលែកលើបណ្តាញទំនាក់ទំនងសង្គម បង្ហាញពីសក់ដ៏វែងរបស់កីឡាករ Gareth Bale ដែលពុំសូវមានអ្នកឃើញកន្លងមក។
ខ្សែបម្រើស្លាបមិនសូវបង្ហាញខ្លួនវ័យ ៣១ឆ្នាំ របស់ក្រុម Real Madrid ខាងលើ កំពុងជាប់ភារកិច្ចជាមួយក្រុមជម្រើសជាតិវ៉ែល ដើម្បីត្រៀមធ្វើការប្រកួតក្នុងពានរង្វាន់ UEFA Nations League ដែលនឹងត្រូវប៉ះជម្រើសជាតិហ្វាំងឡង់ និងប៊ុលហ្គារី នៅថ្ងៃទី ៤ និងទី ៦ ខែ កញ្ញា ក្នុងជំនួបវគ្គជម្រុះក្នុងពូល។
Bale បានធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង នៅពេលដែលគេបង្ហាញសក់វែងរបស់ខ្លួន កាលពីថ្ងៃពុធ អំឡុងពេលហ្វឹកហាត់ជាមួយក្រុមជម្រើសជាតិ។ ក្រោយពេលរូបភាពនេះ ត្រូវបានបង្ហោះក្នុងបណ្តាញទំនាក់ទំនងសង្គម គេសង្កេតឃើញមានការចែករំលែកបន្តយ៉ាងច្រើន។ រួមជាមួយមតិជាច្រើន ដោយពួកគេស្ទើរមិនជឿនឹងភ្នែកថាកីឡាកររូបនេះ មានសក់វែងដល់ថ្នាក់នេះ និងមានមតិខ្លះទៀត បានបង្កើតចេញជាពាក្យលេងសើចជាច្រើនថែមទៀត។
សូមបញ្ជាក់ថា បច្ចុប្បន្ន Bale កំពុងតែផ្សារភ្ជាប់យ៉ាងខ្លាំង ជាមួយការផ្ទេរទៅកាន់ក្លិបមួយចំនួននៅក្នុងក្របខណ្ឌលីគកំពូលសហរដ្ឋអាមេរិក MLS ក្នុងនោះរួមមានទាំងក្លិបថ្មី Inter Miami របស់ David Beckham ផងដែរ៕ (ដកស្រង់ចេញពី Dailymail)
ចែករំលែកព័តមាននេះ