នៅប្រទេសឥណ្ឌា មានក្មេងប្រុសម្នាក់ឈ្មោះ Faizan Ahmad Najar អាយុ១២ឆ្នាំ កើតមកមានមេដៃបន្ថែមទាំងឆ្វេងនិងស្តាំងធ្វើឲ្យម្រាមដៃសរុប ឡើងដល់១២ ឪពុកម្តាយក្មេងប្រុសរូបនេះ បដិសេធមិនឲ្យកាត់ចេញទេ…
នៅប្រទេសឥណ្ឌា មានក្មេងប្រុសម្នាក់ឈ្មោះ Faizan Ahmad Najar អាយុ១២ឆ្នាំ កើតមកមានមេដៃបន្ថែមទាំងឆ្វេងនិងស្តាំងធ្វើឲ្យម្រាមដៃសរុប ឡើងដល់១២ ឪពុកម្តាយក្មេងប្រុសរូបនេះ បដិសេធមិនឲ្យកាត់ចេញទេ ដោយពួកគេនិយាយថា ជួយកូនគាត់ ធំឡើងពូកែចាប់កូនបាល់កីឡាគ្រីឃីត cricket និងលេងហ្គេមវីដេអូបានល្អ ជាងមិត្តភក្តិរបស់គាត់ ។
ចំនួនម្រាមដៃ ដែលលើសគេទាំងពីរម្រាមនេះ មិនបានរារាំងដល់ក្មេងប្រុស ធ្វើសកម្មភាពប្រចាំថ្ងៃនោះទេ ។ Najar នៅតែអាចកាន់ ប៊ិចសរសេរអក្សរលើសៀវភៅបានជាធម្មតា ។
ក្មេងប្រុស Najar និយាយថា មានម្រាមដៃ១២ មានន័យថា គាត់ល្អជាងមិត្តភក្តិដទៃ នៅពេលឡើងដើមឈើ ក៏ឡើងបានលឿន ហើយលេងនៅក្នុងវីដេអូហ្គេមក៏លេងបានល្អ រហូតក្លាយជាជើងឯកក្នុងការប្រកួតហ្គេមវីដេអូថែមទៀត ហើយថែមទាំងពូកែលេងកីឡាគ្រីឃីត ផងដែរ ជាកីឡាដែល Najar ចូលចិត្ត ។
នៅពេលសួរអំពីអារម្មណ៍របស់ក្មេងប្រុសមានម្រាមដៃ១២នោះ Najar បានឆ្លើយដោយគ្មានការខ្មាស់អៀនថា “ខ្ញុំមានមោទនភាពចំពោះវា” ។
ក្មេងប្រុសរូបនេះបានបន្ថែមថា ពេលខ្លះ មិនញឹកញាប់ទេ ខ្ញុំគិតថា “ហេតុអ្វីមានតែខ្ញុំ?” ប៉ុន្តែជារួម ខ្ញុំមានមិត្តល្អៗច្រើន នៅសាលាដែលធ្វើឲ្យខ្ញុំមិនមានអារម្មណ៍បែបនេះ ទៀតទេ ៕
ចែករំលែកព័តមាននេះ