រាជធានីភ្នំពេញ ៖ ជុំវិញរឿងរ៉ាវនេះ បុរសជាប្តីបានដាក់ពាក្យប្តឹងទាំងប្រពន្ធនិងបុរសជាចុងភៅ ដោយស្នើឱ្យសមត្ថកិច្ចចាត់ការតាមផ្លូវច្បាប់ចំពោះបទល្មើសដែលអ្នកទាំង២ដាក់ថ្នាំងងុយដេកឲ្យរូបគាត់ផឹក។ បុរសចុងភៅជាជនសង្ស័យ ត្រូវឃុំខ្លួនជាបណ្តោះនៅប៉ុស្តិ៍ ចំណែកស្ត្រីជាប្រពន្ធសមត្ថកិច្ចកំពុងស្រាវជ្រាវតាមចាប់ខ្លួននាំយកមកផ្តន្ទាទោសផងដែរ ។ សូមរំលឹកថា…
រាជធានីភ្នំពេញ ៖ ជុំវិញរឿងរ៉ាវនេះ បុរសជាប្តីបានដាក់ពាក្យប្តឹងទាំងប្រពន្ធនិងបុរសជាចុងភៅ ដោយស្នើឱ្យសមត្ថកិច្ចចាត់ការតាមផ្លូវច្បាប់ចំពោះបទល្មើសដែលអ្នកទាំង២ដាក់ថ្នាំងងុយដេកឲ្យរូបគាត់ផឹក។ បុរសចុងភៅជាជនសង្ស័យ ត្រូវឃុំខ្លួនជាបណ្តោះនៅប៉ុស្តិ៍ ចំណែកស្ត្រីជាប្រពន្ធសមត្ថកិច្ចកំពុងស្រាវជ្រាវតាមចាប់ខ្លួននាំយកមកផ្តន្ទាទោសផងដែរ ។
សូមរំលឹកថា រឿងរ៉ាវសែនហួសចិត្តមួយបានកើតឡើង ដោយស្ត្រីម្នាក់បានឱ្យកូនចៅដែលជាចុងភៅក្នុងក្រុមហ៊ុន ដាក់ថ្នាំក្នុងអាហារឱ្យប្តីបរិភោគ ដើម្បីឱ្យប្តីឈឺនឹងបានចូលដំណេក ដើម្បីខ្លួនមានឱកាសលួចរួមមេត្រីជាមួយចុងភៅដែលជាសហាយរបស់ខ្លួន ។
រឿងរ៉ាវនេះ កើតឡើងជាច្រើនខែមកហើយ ប៉ុន្តែទើបបែកធ្លាយការពិត នៅថ្ងៃទី២៥ ខែសីហា ឆ្នាំ២០២០ ក្រោយពេលបុរសជាប្តីព្យាយាមសួរនាំ ព្រោះតែមានការសង្ស័យ ។ ប្រុសសហាយជាចុងភៅឈ្មោះ ស្រេង ចាន់ណា ហៅត្រេន អាយុ២១ឆ្នាំ ឯបុរសជាប្តី អាយុ៣០ឆ្នាំ ជាអគ្គនាយករងក្រុមហ៊ុនមួយ ។
បុរសជាប្តីបានរៀបរាប់ថា មួយរយៈកន្លងមកនេះ គាត់មានសុខភាពពុំប្រក្រតីទេ ពោលគឺឧស្សាហ៍ងងុយដេក ពិសេសនោះ គឺមានអាការរាករូសជាខ្លាំង រហូតធ្វើឱ្យកម្លាំង កំហែងចុះខ្សោយ ។ ដោយសារសុខភាពមិនសូវល្អ រូបគាត់បានទៅជួបគ្រូពេទ្យដើម្បីពិនិត្យព្យាបាល ។
ជាលទ្ធផលនៃការពិនិត្យ គឺគ្រូពេទ្យប្រាប់ថា គាត់មានជំងឺក្រពះធ្ងន់ដោយសារប្រើថ្នាំងងុយដេកច្រើនពេក ។ បន្ទាប់ពីដឹងលទ្ធផលពីគ្រូពេទ្យហើយនោះ គាត់ក៏កើតក្តីងឿងឆ្ងល់ជាខ្លាំង ព្រោះមួយរយៈមកនេះ គាត់ពុំដែលធ្លាប់លេបថ្នាំអ្វីឡើយ ហេតុអ្វីក៏ទៅជាបែបនេះ ? ដោយមានការសង្ស័យ គាត់ក៏បានហៅចុងភៅមកសួរនាំដោយការជីកឫសជីកគល់រកមូលហេតុ ។
ក្រោយពីសួរនាំអស់ជិត១ម៉ោង បុរសជាចុងភៅក៏បានឆ្លើយសារភាពថា រូបគេពិតជាបានដាក់ថ្នាំងងុយដេកក្នុងអាហារឱ្យហូបមែនគឺដាក់ប្រចាំថ្ងៃជាបន្តបន្ទាប់តាំងពីកំឡុងខែមិថុនា មកម្ល៉េះ ដែលការធ្វើបែបនេះគឺតាមការបញ្ជារបស់ប្រពន្ធគាត់ ដើម្បីមាន ឱកាសរួមរ័កស្នេហា ។ បន្ទាប់ពីបែកធ្លាយរឿងអាស្រូវនេះ បុរសជាអគ្គនាយករងក្រុម ហ៊ុនរូបនេះ ក៏បានចាប់ឃាត់ខ្លួនបុរសជាចុងភៅបញ្ចូនទៅកាន់ប៉ុស្តិ៍នគរបាលរដ្ឋបាលបឹងទំពុនទី១ ដើម្បីបន្តនីតិវិធីច្បាប់ ។
ដោយឡែក ស្ត្រីជាប្រពន្ធបានគេចខ្លួនពីផ្ទះបាត់ស្រមោល ក្រោយពីដឹងថា ប្តីស៊ើបដឹងរឿងអាស្រូវរបស់ខ្លួនលួចមានសហាយ ។តាមចម្លើយសារភាពរបស់ប្រុសសហាយនៅ
ចំពោះមុខសមត្ថកិច្ចថា រូបគេធ្លាប់បានរួមរ័កជាមួយប្រពន្ធបុរសខាងលើ និងក្រោយៗមក ក៏បានដាក់ថ្នាំងងុយដេកដើម្បីឱ្យបុរសជាប្តីចុះខ្សោយសុខភាពនិងឆាប់បានចូលទៅសម្រាក ហើយរូបគេមានឱកាសរួមរ័កគ្នាម៉ាសេរីតាមការស្រេកឃ្លាន ។
ចែករំលែកព័តមាននេះ