រាជធានីភ្នំពេញ ៖ កញ្ញា រ៉េត សារីតា ជាពិធីការិនីវ័យក្មេងមួយរូបដែលមានសម្បុរស្រអែម និងស្នាមញញឹមស្រស់កំពុងតែមានប្រជាប្រិយភាពជាខ្លាំងលើសមត្ថភាពការនិយាយមិនចាញ់សិល្បៈរៀមច្បងនោះទេ ជាពិសេសអាចនិយាយភាសាអង់គ្លេសបានយ៉ាងស្ទាត់ជំនាញផងដែរនោះកំពុងតែមានទំនុកចិត្តយ៉ាងខ្លាំង នៅក្នុងការប្រកួតបវរកញ្ញាចក្រវាលកម្ពុជាឆ្នាំ ២០២០ ខាងមុខនេះ ។
បន្ទាប់ពីប្រកាសទៅដល់មហាជនអ្នកគាំទ្រអោយបានដឹង កាលពីថ្ងៃទី១៩ ខែកក្កដា ឆ្នាំ២០២០ កន្លងទៅនេះតាមរយៈកម្មវិធី Miss Universe Cambodia ថាខ្លួននឹងចូលប្រឡូកនៅក្នុងវិស័យប្រកួតប្រជែងរួចមក ពេលនេះពិធីការិនីវ័យ ២៤ឆ្នាំរូបនេះ បាននឹងកំពុងតែត្រៀម ហ្វឹកហាត់ខ្លួនយ៉ាងខ្លាំងផងដែរ ។ ដោយនៅក្នុងនោះសមត្ថភាពជាច្រើនរបស់តារាស្រីវ័យក្មេងរូបនេះតាមរយៈបណ្តាញសង្គមផ្ទាល់ខ្លួនកំពុងតែធ្វើអោយមហាជនមានការចាប់អារម្មណ៍យ៉ាងខ្លាំងទៅលើសកម្មភាពកំពុងតែធ្វើការហាត់ប្រាណជាប្រចាំជាមួយនឹងការយករូបរាងអោយកាន់តែទទួលបានភាពស្រស់ស្អាត និងជាពិសេសទៅលើរូបសម្រស់វិញក៏កាន់តែផ្លាស់ប្តូរសម្រស់ជាងមុនផងដែរ ។
យ៉ាងណាមិញ បន្ទាប់ពីឃើញសកម្មភាពរបស់ស្រីតូចរូបនេះធ្វើការខិតខំប្រឹងប្រែងយ៉ាងខ្លាំងនៅក្នុងការប្រកួតលំដាប់ថ្នាក់អន្តរជាតិលើកនេះបានធ្វើអោយមហាជនអ្នកគាំទ្រកាន់តែចង់ឃើញពីសមត្ថភាពរបស់នាងនៅលើឆាកថែមទៀតមួយកម្រិតទៀតពីព្រោះរូបនាងពិតជាស័ក្តិសម និងសមត្ថភាពនៅក្នុងកម្មវិធីមួយនេះ ។
គួរបញ្ជាក់ផងដែរថា បើទោះបីជានៅក្មេងវ័យក៏ដោយ ក៏ប៉ុន្តែ កញ្ញា រ៉េត សារីតា ពិតជាមានបទពិសោធន៍ជាច្រើនឆ្នាំនៅក្នុងសិល្បៈមួយនេះកន្លងមកហើយ រហូតធ្វើអោយនាងមានទំនុកចិត្តនៅក្នុងការប្រកួតយកដំណែងបវរកញ្ញាមួយនេះទៀតផង ៕
ចែករំលែកព័តមាននេះ