តាម​​២​ខែ​ ទំ​រាំ​​ចាប់​បាន​​មុខសញ្ញា​​មានកលល្បិចច្រើន​ម្នាក់នេះ


រាជធានី​ភ្នំពេញ ​៖ ​ជនសង្ស័យ​ម្នាក់​ត្រូវ​កម្លាំង​នគរបាល​ប៉ុស្តិ៍​ត្រពាំង​ក្រសាំង​បាន​ចេញ​ល្បាត​ទប់ស្កាត់​បទល្មើស និង​ធ្វើការ​ស្រាវជ្រាវ​រហូត​ឈាន​ដល់​ការ​ឃាត់ខ្លួន​បាន ​ដោយ​​នគរបាល​បាន​អះអាង​ថា ជន​នេះ​គឺ​បាន​ប្រកប​របរ​សង្គម​ងងឹត​បែប​នេះ​ដុះ​ស្លែ​ទៅ​ហើយ ។ ​មិនតែប៉ុណ្ណោះ​ កម្លាំង​នគរបាល​បាន​តាមអស់​​រយៈពេល​២​ខែ​មក​ហើយ​ ទំ​រាំ​តែ​ទាន់​ជាក់ស្ដែង និង​​ឈាន​ដល់​ការ​ចុះ​បង្ក្រាប​និង​ឃាត់ខ្លួន​បាន​នេះ ​។

ទោះជា​យ៉ាងណា​ ក៏​សូម​អរគុណ​ដល់​បងប្អូន​ប្រជាពលរដ្ឋ​ផង​ដែរ​ ដែល​បាន​ចូលរួម​អនុវត្ត​គោលនយោបាយ​ភូមិ សង្កាត់​មាន​សុវត្ថិភាព​ជួយ​ផ្ដល់​ព័ត៌មាន​រាល់​សកម្មភាព​ជនសង្ស័យ​រូប​នេះ​រហូត​កម្លាំង​ឃាត់ខ្លួន​បាន​បែប​នេះ​។

ប្រតិបត្តិការ​​ខាងលើ​​នេះ​បាន​ធ្វើ​ឡើង​កាលពី​វេលា​ល្ងាច​ថ្ងៃ​ទី​៣០ ខែកក្កដា ឆ្នាំ​២០២០ នៅ​ក្នុង​ដី​ឡូ​ត៌​ទំនេរ​មួយ​កន្លែង​ ​មាន​ទីតាំង​ស្ថិត​នៅ​តាម​ផ្លូវ​លេខ​២០៥ ក្នុង​ក្រុម​ទី​៣​ ភូមិ​សាមគ្គី​ទី​៤ សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ រាជធានី​ភ្នំពេញ​។

នគរបាល​បាន​ប្រាប់​ថា ជនសង្ស័យ​ដែល​ត្រូវ​ឃាត់ខ្លួន​នោះ​ឈ្មោះ​សាន់ រ៉ៃ​យ៉ា ហៅ​យ៉ា ភេទ​ប្រុស អាយុ​២៨​ឆ្នាំ មុខរបរ​កម្មករ ស្នាក់​នៅ​ក្នុងភូមិ​កើតហេតុ​ខាងលើ គឺជា​មុខសញ្ញា​ជួញដូរ​ចែកចាយ​គ្រឿងញៀន​ម្នាក់​យ៉ាង​សកម្ម​បំផុត​នៅ​ក្នុង​មូលដ្ឋាន​សង្កាត់​ត្រពាំង​ក្រសាំង​ដែល​អាច​និយាយ​បាន​ថា​ដុះ​ស្លែ​ទៅ​ហើយ​ ។ ហើយ​ក្រោយ​ពេល​ឃាត់ខ្លួន កម្លាំង​នគរបាល​ដកហូត​បាន​ថ្នាំ​ញៀន​ចំនួន​៨​កញ្ចប់​តូច​ដែល​ជន​នេះ​បាន​មូរ​លាក់​ទុក​នៅ​ក្នុង​ក្រដាស់ប្រាក់​១០០​រៀល​រួច​ទុក​នៅ​ក្នុង​អាវ​ភ្លៀង​។

តាម​ប្រភព​ដដែល​បាន​បន្ត​ទៀត​ថា កម្លាំង​នគរបាល​ប៉ុស្តិ៍​ត្រពាំង​ក្រសាំង​ដឹកនាំ​ដោយ​លោក​អនុសេនីយ៍ឯក នាង ឧត្តម នាយ​នគរបាល​ប៉ុស្តិ៍ បាន​សង្ស័យ​និង​ធ្វើការ​តាមដាន​ជន​នេះ​រយៈពេល​២​ខែ​កន្លង​មក​ហើយ ប៉ុន្តែ​ពុំ​មានឱកាស​ដើម្បី​បង្ក្រាប​ទាល់តែ​សោះ ព្រោះ​នេះ​គឺជា​មុខសញ្ញា​ចាស់​ដែល​មាន​ល្បិច​កល​ច្រើន ​។ ​លុះ​រហូត​មក​ដល់​ពេល​នេះ ខណៈ​កម្លាំង​ចេញ​ល្បាត​ពួនស្ទាក់​បទល្មើស​នៅ​ក្នុង​មូលដ្ឋាន​ក៏​បាន​ទទួល​ដំណឹង​ពី​ប្រជាពលរដ្ឋ​ប្រាប់​មក​ថា ជនសង្ស័យ​ខាងលើ​បាន​ចេញ​ធ្វើ​សកម្មភាព​ជួញដូរ​និង​ចែកចាយ​គ្រឿងញៀន ទើប​ចុះ​ទៅ​ធ្វើការ​បង្ក្រាប​និង​ឃាត់ខ្លួន​បាន​នៅ​ក្នុង​ដី​ឡូ​ត៌​ទំនេរ​ខាងលើ​។​

​ក្នុងការបង្ក្រាប​ជាក់ស្តែងខាងលើនេះ ក៏​បាន​រក​ឃើញ​ថ្នាំ​ញៀន​ចំនួន​៨​កញ្ចប់​ រួច​ក៏​នាំ​ជនសង្ស័យ​ទៅ​កាន់​ប៉ុស្តិ៍​ត្រពាំង​ក្រសាំង​ដើម្បី​សាកសួរ​ ​ទើប​បញ្ជូន​បន្ត​ទៅ​កាន់​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ​ដើម្បី​សាកសួរ​បន្ត​និង​កសាង​សំណុំរឿង​បញ្ជូន​ទៅ​សាលាដំបូង​ចាត់ការ​តាម​ច្បាប់​៕​ (កែសម្រួលដោយ ៖ ធីតា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ