ADផ្ទាំងផ្សព្វផ្សាយពាណិជ្ជកម្ម

Picture

សាច់ញាតិសង្ស័យ ក្រោយ​បុរសម្នាក់បាត់បង់ជីវិតតាមផ្លូវ​

3 ឆ្នាំ មុន
  • ភ្នំពេញ

រាជធានីភ្នំពេញ ៖ ​មានករណីបុរសម្នាក់បាន​ជួបគ្រោះថ្នាក់​តាមផ្លូវ បណ្តាល​ឱ្យ​បាត់បង់ជីវិត​ ​បន្ទាប់​​ពីជនរងគ្រោះ​ចេញពី​ផឹកស៊ី​នៅផ្ទះ​បងប្អូន​ហើយ​ជិះ​ម៉ូតូ​ត្រឡប់​ទៅ​ផ្ទះ​វិញ ។​ ពាក់ព័ន្ធនឹងករណីនេះ ​ត្រូវបាន​​ក្រុមគ្រួសារ​រ​បស់ជនរងគ្រោះ​​សង្ស័យ​ថា ​មាន​រថយន្ត​បុក​ម៉ូតូ​ពីក្រោយ ​ទើបបណ្តាល​ឲ្យ​បុរស​រង​គ្រោះ​ដួល​បាក់​ក​​បាត់បង់ជីវិត​ភ្លាម​ៗ​នៅ​កន្លែងបែបនេះ…

រាជធានីភ្នំពេញ ៖ ​មានករណីបុរសម្នាក់បាន​ជួបគ្រោះថ្នាក់​តាមផ្លូវ បណ្តាល​ឱ្យ​បាត់បង់ជីវិត​ ​បន្ទាប់​​ពីជនរងគ្រោះ​ចេញពី​ផឹកស៊ី​នៅផ្ទះ​បងប្អូន​ហើយ​ជិះ​ម៉ូតូ​ត្រឡប់​ទៅ​ផ្ទះ​វិញ ។​ ពាក់ព័ន្ធនឹងករណីនេះ ​ត្រូវបាន​​ក្រុមគ្រួសារ​រ​បស់ជនរងគ្រោះ​​សង្ស័យ​ថា ​មាន​រថយន្ត​បុក​ម៉ូតូ​ពីក្រោយ ​ទើបបណ្តាល​ឲ្យ​បុរស​រង​គ្រោះ​ដួល​បាក់​ក​​បាត់បង់ជីវិត​ភ្លាម​ៗ​នៅ​កន្លែងបែបនេះ ហើយ​ក៏សូម​អំពាវនាវដល់​សមត្ថកិច្ច​ជួយ​​ស្រាវជ្រាវតាមចាប់​រថយន្តបង្កផងដែរ។

ហេតុការណ៍​គ្រោះថ្នាក់​ចរាចរណ៍​​ខាងលើ​នេះ​បាន​​កើតឡើង​កាលពី​វេលា​ម៉ោង​១១​និង​៣០​នាទី​យប់​ថ្ងៃ​ទី​២៥ ខែកក្កដា​ ឆ្នាំ​២០២០ នៅ​តាម​ផ្លូវ​បេតុង ស្ថិត​​ក្នុងភូមិ​កោះន​រា សង្កាត់​និរោធ ខណ្ឌ​ច្បា​អំពៅ​ រាជធានីភ្នំពេញ​។

ជន​រង​គ្រោះ​ឈ្មោះ​សុខ លាង អាយុ​២៧​ឆ្នាំ​ មុខរបរ​នៅផ្ទះ ស្នាក់​នៅ​ភូមិ​ដើម​ស្លែង​ សង្កាត់​ច្បារ​អំពៅ​ទី​២ ខណ្ឌ​ច្បារ​អំពៅ​។

បើ​តាម​ប្រភព​ព័ត៌មាន​ពី​ក្រុម​គ្រួសារ​ជន​រង​គ្រោះ​បាន​ប្រាប់​ឲ្យ​ដឹង​ថា នៅ​ល្ងាច​ថ្ងៃ​កើតហេតុ​ ជន​រង​គ្រោះ​បាន​ទៅ​ផឹកស៊ី​ជាមួយនឹង​បងប្អូន​នៅផ្ទះ​ស្ថិត​ក្នុងភូមិ​កើតហេតុ​ខាងលើ លុះដល់​វេលា​ម៉ោង​កើតហេតុ​ ជន​រង​គ្រោះក៏​​បាន​ជិះ​ម៉ូតូ​​មួយគ្រឿង​ម៉ាក​ធូ​ដេ​ ពណ៌​ស​ ពាក់​ស្លាក​លេខ​ ភ្នំពេញ​ ១CN-​៧៥៣២ ​ធ្វើដំណើរ​តាម​ផ្លូវ​បេតុង ​ក្នុង​ទិស​ដៅ​ពី​ត្បូង​មក​ជើង​ ក្នុង​គោលបំណង​ត្រឡប់​ទៅ​ផ្ទះវិញ​ ។

តាម​ប្រភព​ព័ត៌មាន​បាន​បន្ត​ទៀត​ថា លុះនៅពេល​ជន​រង​គ្រោះ​ជិះ​ម៉ូតូ​មក​ដល់​ចំណុច​កើតហេតុ​ខាងលើ សង្ស័យ​ថា​មាន​រថយន្ត​មិន​ស្គាល់​ម៉ាក​បុក​ពីក្រោយ ទើប​​បណ្ដាល​ឱ្យ​ជន​រង​គ្រោះ​ដួល​បាក់​ក​បាត់បង់ជីវិត​​ភ្លាម​ៗបែបនេះ ។ ដោយ​ក្រុម​គ្រួ​សារជនរងគ្រោះ​បាន​បញ្ជាក់​ថា​ ដោយសារ​តែ​ឃើញ​ម៉ូតូ​របស់​ជន​រង​គ្រោះ​មាន​ស្នាម​បែកបាក់​នៅ​ផ្នែក​ខាងក្រោយ ​ដូច្នេះ​ហើយ​ពួក​គាត់​សង្ស័យ​ថា​ ជន​រង​គ្រោះ​មិនមែន​បាត់បង់ជីវិត​​ដោយសារ​តែ​ដួលដោយ​​ខ្លួនឯង​នោះ​ទេ ពិតជា​មាន​រថយន្ត​បុក​ហើយ ទើប​ពួក​គាត់​បាន​សំណូមពរ​ទៅ​ដល់​សមត្ថកិច្ច​ខណ្ឌ​ច្បា​អំពៅ​មេត្តា​ជួយ​ស្រាវជ្រាវ​តាម​រក​ចាប់​រថយន្ត​បង្ក​ផង​។

ភ្លាម​ៗ​នោះ​ សមត្ថកិច្ច​មូលដ្ឋាន​សហការ​ជាមួយ​សមត្ថកិច្ច​ជំនាញ​ចរាចរណ៍​ខណ្ឌ​ច្បា​អំពៅ​ធ្វើ​បាន​ចុះ​ទៅ​ដល់​កន្លែង​កើតហេតុ ដើម្បី​និត្យ​មើល​កាមេរ៉ា​សុវត្ថិភាព​នៅផ្ទះ​ប្រជាពលរដ្ឋ​នៅ​ក្បែរ​កន្លែង​កើតហេតុ​។

ក្រោយ​ពេល​កើតហេតុ​ សមត្ថកិច្ច​បាន​ប្រគល់​សព​និង​ម៉ូតូ​ទៅ​ឲ្យ​ក្រុម​គ្រួសារ​យក​​យក​ទៅ​ធ្វើបុណ្យ​តាម​ប្រពៃណី ​ហើយ​សមត្ថកិច្ច​នឹង​ធ្វើការ​ស្រាវជ្រាវ​តាម​រក​ចាប់​អ្នក​បើករថយន្ត​បង្ក​ ដើម្បី​យក​មក​ផ្ដន្ទាទោស​ទៅ​តាម​ច្បាប់ ៕ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ