ខេត្តព្រៃវែង ៖ តាមសេចក្តីរាយការណ៍បឋមបានឱ្យដឹងថា ជនសង្ស័យម្នាក់ត្រូវសមត្ថកិច្ចចាប់ខ្លួន បន្ទាប់ពីធ្វើសកម្មភាពលួចគោមួយក្បាល ខណៈម្ចាស់ចងឱ្យស៊ីស្មៅ ស្រាប់តែបាត់ លុះម្ចាស់ដើររកក៏ប្រទះឃើញទាំងគោ និងជនសង្ស័យ ក៏រាយការណ៍ប្រាប់សមត្ថកិច្ចឱ្យឃាត់ខ្លួនតែម្តង…
ខេត្តព្រៃវែង ៖ តាមសេចក្តីរាយការណ៍បឋមបានឱ្យដឹងថា ជនសង្ស័យម្នាក់ត្រូវសមត្ថកិច្ចចាប់ខ្លួន បន្ទាប់ពីធ្វើសកម្មភាពលួចគោមួយក្បាល ខណៈម្ចាស់ចងឱ្យស៊ីស្មៅ ស្រាប់តែបាត់ លុះម្ចាស់ដើររកក៏ប្រទះឃើញទាំងគោ និងជនសង្ស័យ ក៏រាយការណ៍ប្រាប់សមត្ថកិច្ចឱ្យឃាត់ខ្លួនតែម្តង ។
ហេតុការណ៍ខាងលើនេះបានកើតឡើងកាលពីវេលាម៉ោង១០ព្រឹកថ្ងៃទី៨ ខែកក្កដា ឆ្នាំ២០២០ នៅចំណុចទួលច្រហរ ស្ថិតក្នុងភូមិត្រពាំងស្គន់ ឃុំស្មោងជើង ស្រុកកំចាយមារ ខេត្តព្រៃវែង ។
ម្ចាស់គោឈ្មោះ ឡុង ស៊ាន ភេទប្រុស អាយុ៣៦ឆ្នាំ រស់នៅភូមិព្រៃធំ ឃុំស្មោងត្បូង ស្រុកកំចាយមារ ខេត្តព្រៃវែង ។ ចំណែកជនសង្សយ័ឈ្មោះ រ៉ឹត សារី ភេទប្រុស អាយុ៤២ឆ្នាំ ជាកសិករ រស់នៅភូមិត្រពាំងស្គន់ ឃុំស្មោងជើង ស្រុកកំចាយមារ ខេត្តព្រៃវែង ។
តាមសេចក្តីរាយការណ៍បានបន្តថា មុនពេលកើតហេតុ ជនរងគ្រោះបានយកគោញីមួយក្បាលទៅចងឲ្យស៊ីស្មៅនៅទួលច្រហរដែលជាចំណុចកើតហេតុខាងលើ ដោយនៅមិនឆ្ងាយពីភូមិត្រពាំងស្គន់នោទេ ខណៈពេលម្ចាស់ចងគោរួចហើយ ក៏ដើរចេញមកផ្ទះវិញ លុះក្រឡេកមើលគោ ស្រាប់តែបាត់ពីកន្លែងចង ។
តាមសេចក្តីរាយការណ៍បានបន្តថា នៅពេលមិនឃើញគោដូច្នោះ ម្ចាស់ក៏បានដើរទៅមើលវិញ ព្រោះសង្ស័យខ្លាចគោដាច់ខ្សែដើរទៅស៊ីស្រូវគេ ប៉ុន្តែស្រាប់តែបាត់គោមែន ពេលនោះគាត់បានដើររកមើលតាមដានជើងផង និងសួរអ្នកស្រុកផង នៅពេលម្ចាស់ដើររកបានប្រមាណជាង១គីឡូដី ក៏ប្រទះឃើញមានមនុស្សដឹកគោនោះ ទើបម្ចាស់គោក៏បានទូរស័ព្ទរាយការណ៌ប្តឹងសមត្ថកិច្ចនគរបាលមូលដ្ឋានឲ្យជួយអន្តរាគមន៍រហូតឃាត់ខ្លួនជនសង្ស័យខាងលើនេះតែម្តង ។
ក្រោយឃាត់ខ្លួន ជនសង្ស័យត្រូវសមត្តកិច្ចកសាងសំណុំរឿងតាមនីតិវិធី ចំណែកគោបានប្រគល់ឲ្យទៅម្ចាស់វិញ ៕
ចែករំលែកព័តមាននេះ