សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ ប្រកាសនាថ្ងៃទី២៤ មិថុនា ពីការផ្ទេរកងទ័ពអាមេរិកពីអាល្លឺម៉ង់ទៅដាក់នៅប៉ូឡូញវិញ ដែលនោះជាកាយវិការមួយនាំឲ្យសមភាគីប៉ូឡូញ លោក ANDRZEJ DUDA…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ ប្រកាសនាថ្ងៃទី២៤ មិថុនា ពីការផ្ទេរកងទ័ពអាមេរិកពីអាល្លឺម៉ង់ទៅដាក់នៅប៉ូឡូញវិញ ដែលនោះជាកាយវិការមួយនាំឲ្យសមភាគីប៉ូឡូញ លោក ANDRZEJ DUDA មានការពេញចិត្ត ខណៈនៅសល់ពេលតែ៤ថ្ងៃទៀតដល់ថ្ងៃបោះឆ្នោតប្រធានាធិបតីប៉ូឡូញ ដែលមេដឹកនាំជាតិនិយមរូបនោះឈរឈ្នោះសម្រាប់បន្ត
អាណត្តិទី២របស់លោក ។
ដោយអះអាងថាលោកចង់កាត់បន្ថយយ៉ាងច្រើន ចំនួនកងទាហានអាមេរិកដែលបោះទីតាំងនៅអាល្លឺម៉ង់ លោកដូណាល់ត្រាំដែលមានទំនាក់ទំនងតានតឹងបំផុតជាមួយអធិការបតីអាល្លឺង់លោកស្រីអេនចេឡា ម័រកែល បែរជាមានទំនាក់ទំនងល្អជាមួយលោក ANDRZEJ DUDA ។
ក្នុងសន្និសីទសារព័ត៌មានរួមមួយ លោកត្រាំថ្លែងថា យើងនឹងកាត់បន្ថយកងទ័ពរបស់យើងនៅអាល្លឺម៉ង់ ។ ទាហានយើងមួយចំនួននឹងវិលមកស្រុកវិញ តែមួយចំនួននឹងផ្ទេរទៅដាក់នៅកន្លែងផ្សេងៗ ហើយប៉ូឡូញនឹងជាកន្លែងមួយក្នុងចំណោមកន្លែងទាំងនោះនៅអឺរ៉ុប ។ លោកមិនបានបញ្ជាក់ពីចំនួនទាហានដែលទាក់ទិននិងពីកាលបរិច្ឆេទឡើយ ។
ចំណែកប្រធានាធិបតីប៉ូឡូញវិញអះអាងថា លោកស្នើដល់លោកត្រាំកុំដកកងទ័ពអាមេរិក
ចេញពីអឺរ៉ុប ដើម្បីថែរក្សាសន្តិសុខរបស់ទ្វីបនោះ ។ លោកពោលថាលោកចង់ទទួលទាហាន
អាមេរិកឲ្យនៅប៉ូឡូញកាន់តែច្រើនថែមទៀត ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ