អាមេរិក ៖ តាមប្រភពព័ត៌មាន CNN បានឱ្យដឹងថា វ៉ាក់សាំងដើម្បីការពារជំងឺកូវីដ១៩ អាចមានរយៈពេលរាប់ខែ ឬច្រើនឆ្នាំទៀត ទម្រាំតែអាចផលិតបាន ប៉ុន្តែក្រុមអ្នកស្រាវជ្រាវនៅសហរដ្ឋអាមេរិក…
អាមេរិក ៖ តាមប្រភពព័ត៌មាន CNN បានឱ្យដឹងថា វ៉ាក់សាំងដើម្បីការពារជំងឺកូវីដ១៩ អាចមានរយៈពេលរាប់ខែ ឬច្រើនឆ្នាំទៀត ទម្រាំតែអាចផលិតបាន ប៉ុន្តែក្រុមអ្នកស្រាវជ្រាវនៅសហរដ្ឋអាមេរិក បាននិយាយថា វ៉ាក់សាំងដែលចាក់ជាទូទៅលើក្មេងៗ ដែលមាននៅពេលនេះ អាចត្រូវបានប្រើ ដើម្បីជួយការពារផលប៉ះពាល់អាក្រក់បំផុតនៃការឆ្លងមេរោគកូវីដ១៩។
ក្រុមអ្នកស្រាវជ្រាវបានលើកឡើងពីវ៉ាក់សាំងការពារកញ្ជ្រិល ស្រឡទែន និងស្អូច (MMR) ដែលកុមារតែងតែត្រូវចាក់ថា វាអាចជួយការពារផលប៉ះពាល់ធ្ងន់ធ្ងរមួយចំនួននៃជំងឺកូវីដ១៩។ គេបានធ្វើការសិក្សាថា វាអាចជួយបានដែរឬអត់។
វ៉ាក់សាំង MMR ត្រូវបានគេដឹងថា ការពារកុមារពីការឆ្លងដែលហួសពីវីរុសទាំងបី ដែលកំណត់ដោយវ៉ាក់សាំង។ ទ្រឹស្តី គឺវ៉ាក់សាំងមិនត្រឹមតែអាចជួយឱ្យខ្លួនប្រាណយើងអាចប្រឆាំងនឹងជំងឺណាមួយជាក់លាក់ទេ។ ពោលគឺវាអាចជួយពង្រឹងប្រព័ន្ធភាពស៊ាំទាំងមួលតែម្តង។
វ៉ាក់សាំង MMR គឺជាអ្វីដែលគេស្គាល់ថា ជាវ៉ាក់សាំងប្រើប្រាស់មេរោគរស់។ គេមិនឱ្យមនុស្សមានសុខភាពមិនល្អចាក់វាឡើយ ព្រោះតែវាអាចបង្កទៅជាជំងឺ។ គេជឿថា ការចាក់វ៉ាក់សាំងដែលមានមេរោគរស់ អាចធ្វើឱ្យប្រព័ន្ធភាពស៊ាំមានសមត្ថភាពលើសពីការផលិតអង់ទីករតែមួយប្រភេទនោះ។
ទ្រឹស្តីមួយអំពីមូលហេតុដែលកុមារ និងក្មេងជំទង់មានអត្រានៃការឆ្លងមេរោគឆ្លងទាបជាងនេះ គឺថា ពួកគេបានទទួលការចាក់វ៉ាក់សាំងថ្មីៗ ក្នុងនោះរាប់បញ្ចូលទាំងវ៉ាក់សាំង MMR ច្រើនជាងមនុស្សពេញវ័យ ហើយមានអត្ថប្រយោជន៍នៃប្រព័ន្ធភាពស៊ាំដែលនៅសេសសល់។
ប្រទេសខ្លះកំពុងចាក់វ៉ាក់សាំងការពារជំងឺរបេងឱ្យប្រជាជន ដោយហេតុផលនេះ ហើយអ្នកជំនាញខ្លះបានស្នើឱ្យប្រើវ៉ាក់សាំងស្វិតដៃជើង សម្រាប់គោលបំណងស្រដៀងគ្នានេះ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ