គេហទំព័របរទេស AsiaOne ចេញផ្សាយកាលពីពេល ថ្មីៗនេះឱ្យដឹងថា យុវជនវ័យ២០ឆ្នាំ ជនជាតិអាហ្វហ្គានីស្ថានឈ្មោះ Abbas Alizada ក្លាយជាតារាក្បាច់គុនកុងហ្វូ៊មានប្រជាប្រិយភាពលើទំព័រហ្វេសប៊ុក ព្រោះគេមានរូបរាង និងប្រើក្បាច់គុនលំនាំលី ស៊ាវឡុង ។
Abbas Alizada បានដាក់ឈ្មោះលើហ្វេសប៊ុកថា «Bruce Hazara» បង្ហាញពីកេរ្តិ៍ឈ្មោះល្បីល្បាញរបស់តារាក្បាច់គុនបុរាណចិន លី ស៊ាវឡុង ។ Abbas Alizada និយាយថា «ខ្ញុំចង់ក្លាយជាជើងឯកប្រចាំប្រទេសរបស់ខ្ញុំ និងជាតារាល្បីស្ថិតក្នុងស្ថាប័នហូលីវូដ ។ ខ្ញុំហាត់ក្បាច់គុនយកលំនាំតាមលោកលី ស៊ាវឡុង ដូចជាការស្រែក ការប្រើដំបងពីរកំណាត់ និងការស្រែកជាកម្លាំងបន្ថែមលើស្នៀតហាត់ នីមួយៗ» ។
Abbas Alizada ជាសមាជិកគ្រួសារក្រីក្រមួយដែលមានកូន១០នាក់ក្នុងបន្ទុក ។ ឪពុកម្តាយរបស់ Abbas Alizada គ្មានលទ្ធភាពបង់ប្រាក់ឈ្នួលដល់សាលា Wushu ដែលជាកន្លែងហាត់ក្បាច់គុនចិនទេ ។ Abbas Alizada ចង់ក្លាយជាលី ស៊ាវឡុង ថ្មីប្រចាំប្រទេសអាហ្វហ្គានីស្ថាន ៕
ចែករំលែកព័តមាននេះ