ប្រទេសកូរ៉េទាំង២ ៖ យោងតាម YONHAP ថា ប្រទេសកូរ៉េខាងជើងអះអាងនាថ្ងៃទី២១ មិថុនាថា ខ្លួនគ្មានចេតនាណាមួយបដិសេធការបញ្ជូនបណ្ដាខិត្តប័ណ្ណឃោសនាប្រឆាំងកូរ៉េខាងត្បូងកាត់តាមព្រំដែនឡើយ ដោយចាត់ទុកកិច្ចព្រមព្រៀងអន្តរកូរ៉េដែលហាមឃាត់សកម្មភាពបែបនោះថាមានតែនៅលើក្រដាស ។…
ប្រទេសកូរ៉េទាំង២ ៖ យោងតាម YONHAP ថា ប្រទេសកូរ៉េខាងជើងអះអាងនាថ្ងៃទី២១ មិថុនាថា ខ្លួនគ្មានចេតនាណាមួយបដិសេធការបញ្ជូនបណ្ដាខិត្តប័ណ្ណឃោសនាប្រឆាំងកូរ៉េខាងត្បូងកាត់តាមព្រំដែនឡើយ ដោយចាត់ទុកកិច្ចព្រមព្រៀងអន្តរកូរ៉េដែលហាមឃាត់សកម្មភាពបែបនោះថាមានតែនៅលើក្រដាស ។
ទីភ្នាក់ងារព័ត៌មានកូរ៉េខាងជើង KCNA រាយការណ៍កាលពីថ្ងៃទី២០ មិថុនាថា ក្រុងព្យុងយ៉ាង កំពុងតែបោះពុម្ពយ៉ាងច្រើនបណ្ដាខិត្តប័ណ្ណឃោសនាប្រឆាំងក្រុងសេអ៊ូលហើយរៀបចំបញ្ជូនកាត់តាមព្រំដែន ។
ក្រសួងបង្រួបបង្រួមកូរ៉េខាងត្បូងបានសម្ដែងការសោកស្ដោយនិងស្នើដល់ក្រុងព្យុងយ៉ាងឲ្យបោះបង់ចោលជាបន្ទាន់នូវគម្រោងនេះដោយហៅថា វាជាការរំលោភបំពានកិច្ចព្រមព្រៀងអន្តរកូរ៉េមួយ ។
ក្នុងសេចក្ដីប្រកាសមួយចេញផ្សាយតាមKCNA អ្នកនាំពាក្យម្នាក់របស់រណសិរ្សរួបរួមកូរ៉េខាងជើងថ្លែងថា ដោយដឹងច្បាស់ថាការបញ្ជូនខិត្តប័ណ្ណឃោសនា នាំឲ្យប៉ះពាល់ដល់កិច្ចព្រមព្រៀងរវាងកូរ៉េទាំង២ តែយើងពុំមានចេតនាណាមួយពិនិត្យឡើងវិញឬផ្លាស់ប្ដូរផែនការរបស់យើងឡើយ ក្នុងពេលដែលទំនាក់ទំនងកូរ៉េទាំង២ត្រូវបានកាត់ផ្ដាច់រួចហើយនោះ ។ អាជ្ញាធរកូរ៉េខាងត្បូងមិនត្រូវនិយាយពីកិច្ចព្រមព្រៀងដែលក្លាយជាលិខិតងាប់មួយនោះទៀតទេ ។
ការបញ្ជូនខិត្តប័ណ្ណទៅកាន់កូរ៉េខាងត្បូងជាវិធានការសងសឹកមួយក្នុងចំណោមវិធានការសង
សឹកនានា ដែលកូរ៉េខាងជើងសន្យាចាត់ជាការឆ្លើយតបចំពោះការបញ្ជូនបណ្ដាខិត្តប័ណ្ណឃោសនាប្រឆាំងកូរ៉េខាងជើងពីសំណាក់ពួកអ្នករត់ចោលជួរកូរ៉េខាងជើង និងពួកសកម្មជន តាមបាល់ឡុងហោះធំៗចូលទឹកដីកូរ៉េខាងជើង ។ រឿងនោះត្រូវបានក្រុងព្យុងយ៉ាងខឹងច្រឡោតយ៉ាង
ខ្លាំងរហូតដល់កម្ទេចចោលការិយាល័យទំនាក់ទំនងអន្តរកូរ៉េនៅកាអឹសុង ៕ ដកស្រង់ចេញពីវេបសាយ ៖ yna (កែសម្រួលដោយ ៖ បុប្ផា)
ចែករំលែកព័តមាននេះ