ប្រធានាធិបតីបារាំងថា បន្តបន្ធូរការរឹតបន្តឹងនៅថ្ងៃច័ន្ទនេះ
បារាំង ៖ តាមប្រភពព័ត៌មាន CNN បានឱ្យដឹងថា នៅក្នុងសុន្ទរកថាមួយទៅកាន់ប្រជាជាតិនៅល្ងាចថ្ងៃអាទិត្យ ប្រធានាធិបតីបារាំង លោក Emmanuel Macron…
បារាំង ៖ តាមប្រភពព័ត៌មាន CNN បានឱ្យដឹងថា នៅក្នុងសុន្ទរកថាមួយទៅកាន់ប្រជាជាតិនៅល្ងាចថ្ងៃអាទិត្យ ប្រធានាធិបតីបារាំង លោក Emmanuel Macron…
បារាំង ៖ តាមប្រភពព័ត៌មាន CNN បានឱ្យដឹងថា នៅក្នុងសុន្ទរកថាមួយទៅកាន់ប្រជាជាតិនៅល្ងាចថ្ងៃអាទិត្យ ប្រធានាធិបតីបារាំង លោក Emmanuel Macron បានអបអរសាទរដល់ប្រទេសរបស់ខ្លួន ដែលបានប្រយុទ្ធប្រឆាំងនឹងជំងឺកូវីដ១៩ មកដល់ថ្ងៃនេះ។
លោកបានប្រកាសពីការបន្ធូរបន្ថយការរឹតបន្តឹងបន្ថែមទៀត ដែលត្រូវបានបង្កើតឡើង ដើម្បីប្រឆាំងនឹងការរីករាលដាលនៃជំងឺកូវីដ១៩។ លោក Macron បានមានប្រសាសន៍ថា៖ «យើងអាចមានមោទនភាពចំពោះអ្វីដែលបានធ្វើ និងប្រទេសរបស់យើង។ ជីវិតរាប់ម៉ឺនរាប់ពាន់ត្រូវបានសង្គ្រោះ ដោយការសម្រេចចិត្តរបស់យើង និងសកម្មភាពរបស់យើង»។
លោក Macron បាននិយាយថា ចាប់ពីថ្ងៃច័ន្ទនេះតទៅ ប្រទេសបារាំងដីគោក នឹងដកចេញនូវរាល់ការរឹតត្បិតទាំងអស់ ដែលបានអនុវត្តចំពោះអាជីវកម្ម និងការដឹកជញ្ជូន។ លោក Macron បានមានប្រសាសន៍ថា៖ «យើងត្រូវតែធ្វើឱ្យសេដ្ឋកិច្ចរបស់យើងវិលត្រឡប់មករកភាពដើមវិញ ខណៈដែលនៅបន្តការពារដល់អ្នកដែលងាយនឹងរងគ្រោះបំផុត»។
លោក Macron បាននិយាយថា បារាំងនឹងអនុវត្តតាមអនុសាសន៍របស់គណៈកម្មការអឺរ៉ុបក្នុងការបើកព្រំដែននៅថ្ងៃច័ន្ទនេះ។
គួរបញ្ជាក់ផងដែរថា ប្រទេសបារាំង មកដល់ព្រឹកនេះ មានករណីឆ្លងកូវីដសរុប ១៥៧,២២០ករណី ករណីបាត់បង់ជីវិតសរុប ២៩,៤០៧ករណី និង ករណីជាសះស្បើយសរុប ៧២,៨៥៩ករណី៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ