សាច់ឆ្កែនៅតែពេញនិយម ទោះបីជាមានការហាមឃាត់ក៏ដោយ
ចិន ៖ តាមប្រភពព័ត៌មាន Ink Stone News បានឱ្យដឹងថា អ្នកចូលចិត្តបរិភោគសាច់ឆ្កែកំពុងមានវត្តមានឡើងវិញពេញមួយរដូវសម្រាប់ពិធីជប់លៀង នៅទីក្រុងយូលីន ភាគខាងត្បូងប្រទេសចិន…
ចិន ៖ តាមប្រភពព័ត៌មាន Ink Stone News បានឱ្យដឹងថា អ្នកចូលចិត្តបរិភោគសាច់ឆ្កែកំពុងមានវត្តមានឡើងវិញពេញមួយរដូវសម្រាប់ពិធីជប់លៀង នៅទីក្រុងយូលីន ភាគខាងត្បូងប្រទេសចិន…
ចិន ៖ តាមប្រភពព័ត៌មាន Ink Stone News បានឱ្យដឹងថា អ្នកចូលចិត្តបរិភោគសាច់ឆ្កែកំពុងមានវត្តមានឡើងវិញពេញមួយរដូវសម្រាប់ពិធីជប់លៀង នៅទីក្រុងយូលីន ភាគខាងត្បូងប្រទេសចិន ទោះបីមានការដាក់សម្ពាធនៅទូទាំងប្រទេស ដើម្បីបញ្ឈប់ការលក់ដូរសាច់ឆ្កែ បន្ទាប់ពីការរីករាលដាលនៃជំងឺកូវីដ១៩ក៏ដោយ។
សកម្មជនការពារសុខភាពសត្វ លោក Yu Dezhi បានមានប្រសាសន៍ថា៖ «ទំហំនៃការធ្វើពាណិជ្ជកម្មសាច់ឆ្កែនៅទីក្រុងយូលីន គឺប្រហាក់ប្រហែលនឹងឆ្នាំមុនៗ»។
រដ្ឋាភិបាលកណ្តាលបានហាមឃាត់ការធ្វើពាណិជ្ជកម្មសត្វព្រៃ ដើម្បីទប់ស្កាត់ការឆ្លងជំងឺពីសត្វទៅមនុស្ស បន្ទាប់ពីវីរុសកូរ៉ូណាថ្មី ត្រូវបានគេសង្ស័យថា មានដើមកំណើតពីសត្វប្រចៀវ ហើយបន្ទាប់មកបានឆ្លងមកមនុស្ស។
កាលពីខែឧសភា ក្នុងពេលជជែកដេញដោលគ្នាអំពីលទ្ធផលនៃសាច់អ្វីដែលសមស្របសម្រាប់បរិភោគជាអាហារ ក្រសួងកសិកម្ម និងកិច្ចការជនបទបានហាមឃាត់ការហូបសត្វឆ្កែ ដោយលើកឡើងថា វាជាសត្វសម្រាប់ចិញ្ចឹម និងមិនមែនសម្រាប់បរិភោគជាអាហារឡើយ។ ប៉ុន្តែគេមិនមានការហាមឃាត់ថ្នាក់ជាតិស្តីពីការហូបសាច់ឆ្កែទេ។
សកម្មជនការពារសុខុមាលភាពសត្វ និយាយថា សាច់ឆ្កែដែលលក់ក្នុងការធ្វើជំនួញភាគច្រើន គឺបានមកពីសត្វឆ្កែដែលត្រូវចោរលួច ឬដោយការដាក់ថ្នាំបំពុលឱ្យងាប់។ ពួកគេទទូចឱ្យប្រទេសចិន បញ្ចប់ការអនុវត្តន៍បែបនេះ ព្រោះវាជាអំពើឃោរឃៅលើសត្វ៕ ដកស្រង់ចេញពីវេបសាយ ៖ inkstonenews (កែសម្រួលដោយ ៖ បុប្ផា)
ចែករំលែកព័តមាននេះ