រាជធានីភ្នំពេញ ៖ បើយោងតាមរបាយការណ៍របស់អគ្គនាយកដ្ឋានកសិកម្ម បានឲ្យដឹងថា ការនាំចេញស្រូវទៅកាន់ប្រទេសវៀតណាម តាមបណ្តាច្រកមួយចំនួននៅខេត្តកំពត តាកែវ កណ្តាល ព្រៃវែង និងស្វាយរៀង គិតចាប់ពីថ្ងៃទី១ ខែមករា ដល់ថ្ងៃទី៩ ខែមិថុនា ឆ្នាំ២០២០ សម្រេចបានចំនួន ៩២១ ០៤៧ តោន ។ នេះបើតាមលោករដ្ឋមន្រីក្រសួង កសិកម្ម ។
លោក វេង សាខុនរដ្ឋមន្ត្រីក្រសួងកសិកម្ម រុក្ខាប្រមាញ់ នឹងនេសាទបានសរសេរលើបណ្តាញសង្គមនៅថ្ងៃទី៩ មិថុនាថា ចំពោះខេត្តព្រៃវែងដែលបានជាប់ចំណាត់ថ្នាក់ផលិតស្រូវបានច្រើនជាងគេ ក្នងព្រះរាជាណាចក្រកម្ពុជា ក្នុងរយៈពេល ១០ឆ្នាំចុងក្រោយនោះ គឺកំពុងប្រមូលផលស្រូវស្រាលដើមរដូវ ។
លោកបន្តថា បើយោងតាមរបាយការណ៍របស់លោកប្រធានមន្ទីរកសិកម្ម រុក្ខាប្រមាញ់ និងនេសាទបានឲ្យដឹងថា ការនាំស្រូវចេញទៅកាន់ប្រទេសវៀតណាមកំពុងតែបន្តជាប់ជាប្រចាំ ជាពិសេសគិតចាប់ពីថ្ងៃទី២២ ខែឧសភា ដល់ថ្ងៃទី០៨ មិថុនា ឆ្នាំ២០២០ គឺបានសម្រេចនាំស្រូវបានចំនួនសរុបប្រមាណជា ៣៨ ៥២៦ តោន ។
លោករដ្ឋមន្ត្រីបានលើកឡើងទៀតថា បើយោងតាមរបាយការណ៍របស់អគ្គនាយកដ្ឋានកសិកម្មរបស់ក្រសួងកសិកម្មបានឲ្យដឹងថា ការនាំចេញស្រូវទៅកាន់ប្រទេសវៀតណាមតាមបណ្តាច្រកមួយចំនួននៅខេត្តកំពត តាកែវ កណ្តាល ព្រៃវែង និងស្វាយរៀង គិតចាប់ពីថ្ងៃទី១ ខែមករា ដល់ថ្ងៃទី៩ ខែមិថុនា ឆ្នាំ២០២០ សម្រេចបានចំនួន ៩២១ ០៤៧ តោន ។ នេះបើតាមលោករដ្ឋមន្រីក្រសួង កសិកម្ម៕
ចែករំលែកព័តមាននេះ