រាជធានីភ្នំពេញ ៖ ដោយក្តីរំភើបចំពោះការសន្តោសប្រណីនេះ ពលរដ្ឋទាំង២នាក់ក៏បានលើកដៃសំពះនិងសូមថ្លែងអំណរគុណលោកស្នងការរង ដែលលោកមានការអាណិតអាសូរ និងជួយចេញប្រាក់ជំនួសពួកគាត់សម្រាប់ការផាកពិន័យនេះ ។
សូមរំលឹកថា ពលរដ្ឋក្រីក្រ២នាក់ជិះម៉ូតូពីខេត្តចូលមករាជធានីភ្នំពេញ ដោយសារមិនមានពាក់មួកសុវត្ថិភាពក៏ត្រូវនគរបាលខណ្ឌច្បារអំពៅ ចាប់ផាកពិន័យ៦ម៉ឺនរៀល ប៉ុន្តែអ្នកទាំង២នាក់មានតែ៦ពាន់រៀលគត់នៅនឹងខ្លួន ។ ការចាប់ផាកពិន័យនេះ គឺកាលពីយប់ថ្ងៃទី២ ខែមិថុនា ឆ្នាំ២០២០ នៅមុខស្ថានីយប្រេងតូ
តាល់ផ្លូវជាតិលេខ១ ភូមិដើមអំពិល សង្កាត់ច្បារអំពៅទី១ នៅក្នុងការអនុវត្តរឹតបន្តឹងច្បាប់ចរាចរណ៍ផ្លូវគោក ។
ដោយក្តីអាណិត និងការយោគយល់ចំពោះស្ថានភាពជាក់ស្តែង ព្រោះពួកគាត់មានប្រាក់តែ៦.០០០រៀលនោះ ឧត្តមសេនីយ៍ទោ បេង ដាណារ៉ា ស្នងការរងនគរបាលរាជធានីភ្នំពេញ បានចេញប្រាក់ផ្ទាល់ខ្លួនចំនួន៦០.០០០រៀលជំនួស ។ សម្រាប់ការផាកពិន័យពីការមិនពាក់មួកសុវត្ថិភាពនេះ ។ លោកស្នងការរង ក៏បានណែនាំពួកគាត់ឲ្យចូលរួមគោរពច្បាប់ចរាចរណ៍ទាំងអស់គ្នា ក្នុងគោលបំណងការពារអាយុជីវិត ទ្រព្យសម្បត្តិរបស់ខ្លួន និងអ្នកដទៃ ។
ចែករំលែកព័តមាននេះ