មន្ត្រីជាន់ខ្ពស់ក្រសួងសុខាភិបាលបានប្រាប់កោះសន្តិភាពអោយដឹងថា ជំងឺរលាកផ្លូវដង្ហើមខាងលើ គឺមានចំនួនច្រើនជាងគេ ក្នុងចំណោមជំងឺ១០សំខាន់ៗ ដែលជំរុញអោយប្រជាជនកម្ពុជាមកពិនិត្យជំងឺតាមបណ្តាមន្ទីរពេទ្យរដ្ឋ ។
មន្ត្រីដែលស្នើសុំមិនបញ្ចេញឈ្មោះ រូបនេះនិយាយថា កាលពីឆ្នាំ២០១៩ ជំងឺរលាកផ្លូវដង្ហើមស្រូច ស្រាវមានចំនួនជាសុរបរហូតដល់ជាងពីរលានករណីឯណោះ ។ ក្នុងចំណោមនោះស្ត្រីមានចំនួន ១,២ លានករណី ហើយបុរសមានជាង៩,១ សែននាក់ ។
ជំងឺដែលមានអ្នកមកពិនិត្យក្រៅទីពីរ គឺជំងឺរលាកក្រពះ ស្រួចស្រាវ ដោយមានសរុបចំនួនជិតកន្លះលាននាក់ ដោយក្នុងនោះបុរសមានចំនួនជាង១,៦ សែននាក់់ ហើយស្ត្រីមានចំនួនជាង៣,២ សែននាក់ ។
ចំពោះជំងឺ៨ផ្សេងទៀត ក្នុងចំណោមជំងឺទាំង១០ ដែលសំខាន់ៗនៅកម្ពុជា រួមមាន រាគ រលាកសួត លើសសម្ពាធឈាមដំបូង រលាកក្រពះរ៉ាំរ៉ៃ រលាកផ្លូវដង្ហើមខាងក្រោមផ្សេងៗទៀត រាគមូល រលាកទងសួតស្រួចស្រាវ និងគ្រុនពោះវៀន ៕
ចែករំលែកព័តមាននេះ