ADផ្ទាំងផ្សព្វផ្សាយពាណិជ្ជកម្ម

Picture

ធនាគារ អេស៊ីលីដា ថែមម៉ាស៊ីនអេធីអឹម ចំនួន ១១៥គ្រឿងទៀតដើម្បីបំពេញ តម្រូវការអតិថិជន

3 ឆ្នាំ មុន
  • ភ្នំពេញ

រាជធានីភ្នំពេញ ៖ ដើម្បីឆ្លើយតបនឹងតម្រូវការអតិថិជនប្រើប្រាស់បណ្ដាញ ប្រតិបត្តិការម៉ា ស៊ីន អេធីអឹម ហៅកាត់ថា ទូអេធីអឹម ធនាគារ អេស៊ីលីដា…

រាជធានីភ្នំពេញ ៖ ដើម្បីឆ្លើយតបនឹងតម្រូវការអតិថិជនប្រើប្រាស់បណ្ដាញ ប្រតិបត្តិការម៉ា ស៊ីន អេធីអឹម ហៅកាត់ថា ទូអេធីអឹម ធនាគារ អេស៊ីលីដា បានបន្ថែមទូអេធីអឹម ចំនួន ១១៥ គ្រឿងបន្ថែមទៀតពីលើទូអេធីអឹម ដែលមានស្រាប់នាពេលបច្ចុប្បន្ននេះ ។

យោងតាមសេចក្តីប្រកាសព័ត៌មានរបស់ធនាគារ អេស៊ីលីដា ភីអិលស៊ី កាលថ្ងៃទី ១៩ ខែឧសភា ឆ្នាំ ២០២០នេះ បានឱ្យដឹងថា ដើម្បី ដើម្បីបំពេញនូវតម្រូវការស្របតាម យុទ្ធសាស្រ្តឌីជីថល ព្រមទាំងពង្រីកនូវវិសាលភាពគាំទ្រនូវការប្រើប្រាស់ប្រព័ន្ធបច្ចេកវិទ្យា លើសេវាហិរញ្ញវត្ថុជូនអតិថិជន និងសាធារណជនឲ្យកាន់តែទូលំទូលាយ ធនាគារ អេស៊ីលីដា ភីអិលស៊ី បានបន្ថែមនូវបណ្តាញប្រតិបត្តិការម៉ាស៊ីនអេធីអឹម អេស៊ីលីដា ចំនួន ១១៥ គ្រឿងទៀត ចាប់ពីខែឧសភា ឆ្នាំ ២០២០ នេះ ដែលធ្វើឱ្យចំនួនម៉ាស៊ីនអេធីអឹម សរុបទាំងអស់មានចំនួន ៧៥១ គ្រឿងនៅទូទាំងប្រទេសដើម្បីបម្រើជូនសាធារណជនអាច ធ្វើប្រតិបត្តិការសេវាធនាគារ បានគ្រប់ពេលវេលា (២៤ម៉ោងក្នុងមួយថ្ងៃ និង ៧ថ្ងៃក្នុងមួយ សប្តាហ៍) មានលក្ខណៈងាយស្រួល និងសុវត្ថិភាពខ្ពស់បំផុត ។

លោកបណ្ឌិត អុិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បាន បញ្ជាក់ថា មានរយៈពេល ១៣ឆ្នាំ គិតចាប់ពីឆ្នាំ ២០០៧ ដែលធនាគារ អេស៊ីលីដា ភីអិលស៊ី បានដាក់ឱ្យដំណើរការប្រើប្រាស់ម៉ាស៊ីនអេធីអឹម អេស៊ីលីដា ជូនអតិថិជនធ្វើ ប្រតិបត្តិការសេវាកម្មធនាគារបានយ៉ាងរហ័ស ដោយអតិថិជនអាចជ្រើសរើសទីតាំងដែល នៅជិតបំផុតជំនួសឱ្យការធ្វើដំណើរមកកាន់ការិយាល័យធនាគារ ។ បន្ថែមពីនេះទៀត ស្របតាមយុទ្ធសាស្រ្តរបស់ធនាគារ យើងខ្ញុំនឹងអភិវឌ្ឍនូវមុខងាររបស់ម៉ាស៊ីនអេធីអឹម ឱ្យកាន់តែច្រើនបន្ថែមទៀតដើម្បីបម្រើនូវសេវាហិរញ្ញវត្ថុយ៉ាងសម្បូរបែបជូនអតិថិជន និង សាធារណជន ស្របតាមយុគសម័យឌីជីថល ។

គួរបញ្ជាក់ថា ធនាគារ អេស៊ីលីដា ភីអិលស៊ី ផ្ដើមចេញពីទុនប្រមាណ ៦៣ម៉ឺនដុល្លាររហូត ដល់មានទុនម្ចាស់ទ្រព្យជាង ៩០០លានដុល្លារអាមេរិក និងបានពង្រីកខ្លួនធ្វើប្រតិបត្តិការ នៅក្រៅប្រទេសផងដែរ ក្នុងនោះមានប្រទេសឡាវ និងប្រទេសមីយ៉ាន់ម៉ា ។ មិនត្រឹមតែ ប៉ុណ្ណោះទេ ធនាគារ អេស៊ីលីដា ក៏បានបន្តអភិវឌ្ឍន៍ខ្លួនឱ្យក្លាយជាធនាគារឈានមុខគេ មួយជំហានទៀត គឺការគ្រោងបោះផ្សាយមូលបត្រកម្មសិទ្ធិជាសាធារណៈ នៅក្នុងផ្សារ មូលបត្រកម្ពុជាផងដែរ ហើយការប្រកាសជាផ្លូវការនៃការបោះផ្សាយលក់ភាគហ៊ុននេះ នឹងត្រូវធ្វើឡើងនៅក្នុងខែឧសភា ២០២០ នេះផងដែរ ៕ អត្ថបទសហការ

អត្ថបទសរសេរ ដោយ

កែសម្រួលដោយ