ប្រទេសប្រេស៊ីល ៖ តាមប្រភពព័ត៌មាន CNN បានឱ្យដឹងថា ក្រសួងសុខាភិបាលរបស់ប្រេស៊ីល បាននិយាយកាលពីថ្ងៃសៅរ៍ថា ជំងឺកូវីដ១៩នេះ បន្តប៉ះពាល់ដល់ប្រទេសប្រេស៊ីលយ៉ាងខ្លាំង ដោយបានឆក់យកជីវិតមនុស្សយ៉ាងហោចណាស់…
ប្រទេសប្រេស៊ីល ៖ តាមប្រភពព័ត៌មាន CNN បានឱ្យដឹងថា ក្រសួងសុខាភិបាលរបស់ប្រេស៊ីល បាននិយាយកាលពីថ្ងៃសៅរ៍ថា ជំងឺកូវីដ១៩នេះ បន្តប៉ះពាល់ដល់ប្រទេសប្រេស៊ីលយ៉ាងខ្លាំង ដោយបានឆក់យកជីវិតមនុស្សយ៉ាងហោចណាស់ ១០,៦២៧នាក់។
យ៉ាងហោចណាស់ មានករណីឆ្លងវីរុសថ្មីចំនួន ១០,៦១១ករណី ដែលត្រូវបានរាយការណ៍ក្នុងរយៈពេលពីរបីថ្ងៃចុងក្រោយនេះ។ វាបានធ្វើឱ្យករណីឆ្លងសរុបនៅក្នុងប្រទេសឡើងដល់ ១៥៥,៩៣៩ករណី។
ប្រេស៊ីល មានករណីឆ្លងវីរុសកូរ៉ូណាថ្មី ច្រើនជាងគេបំផុតនៅក្នុងចំណោមប្រទេសផ្សេងៗទៀតនៅអាមេរិកឡាទីន។ គិតត្រឹមថ្ងៃអាទិត្យ ប្រទេសនេះមានករណីជាង ១៥៥,០០០ករណី ហើយស្ថិតក្នុងចំណោមប្រទេស១០ ដែលមានករណីជំងឺកូវីដ១៩ ច្រើនជាងគេ។ នេះបើយោងតាម តួលេខពីសាកលវិទ្យាល័យ Johns Hopkins។
ប្រធានាធិបតីប្រេស៊ីល លោក Jair Bolsonaro នៅតែបន្តការជឿជាក់ថា វីរុសនេះ មិនអាចបង្កគ្រោះថ្នាក់បានទេ ដោយនិយាយថា លោកជឿថា ការការពារ ដូចជាការដាក់ឱ្យនៅដាច់ដោយ ឡែក និងការចាក់សោរប្រទេស អាចធ្វើឱ្យមានផលប៉ះពាល់អាក្រក់មកលើសេដ្ឋកិច្ចប្រេស៊ីល៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ