សហរដ្ឋអាមេរិក ៖ អ.ស.ប ព្រមានកាលពីថ្ងៃទី២១ មេសា ថា ជាគ្រោះមហន្តរាយសុខាភិបាលក្នុងកម្រិតពិភពលោក ការឆ្លងរាលដាលនៃវីរុស COVID-19 នាំឲ្យមានការបាក់ស្រុតចុះខ្លាំងនៃសេដ្ឋកិច្ច…
សហរដ្ឋអាមេរិក ៖ អ.ស.ប ព្រមានកាលពីថ្ងៃទី២១ មេសា ថា ជាគ្រោះមហន្តរាយសុខាភិ
បាលក្នុងកម្រិតពិភពលោក ការឆ្លងរាលដាលនៃវីរុស COVID-19 នាំឲ្យមានការបាក់ស្រុតចុះខ្លាំងនៃសេដ្ឋកិច្ច ហើយក្នុងឆ្នាំ២០២០អាចឲ្យពិភពលោកធ្លាក់ចូលក្នុងគ្រោះមហន្តរាយមនុស្សជាតិ។
យោងតាមការកត់ត្រារបស់ AFP ថា វីរុសនោះបានឆ្លងដល់មនុស្សជាង២,៥លាននាក់ និងបណ្ដាលឲ្យមនុស្សស្លាប់ដល់ជាង១៧៤.០០០នាក់រួចហើយ និងជម្រុញឲ្យមនុស្សជាតិ ក្នុងអត្រា៦នាក់ក្នុងចំណោមមនុស្ស១០នាក់ ត្រូវស្ថិតក្នុងការបង្ខាំងមិនឲ្យចេញទៅណាមកណា រួចបណ្ដាលឲ្យសេដ្ឋកិច្ចពិភពលោករងការប៉ះពាល់ខ្លាំងក្លាបំផុតអាចធ្លាក់ក្នុងគ្រោះមហន្តរាយ ។
អង្គការស្បៀងអាហារពិភពលោក PAM ព្រមាននាថ្ងៃទី២១ មេសា ថា វីរុស COVID-19 ក្នុងឆ្នាំ២០២០អាចបណ្ដាលឲ្យចំនួនមនុស្សដែលស្ថិតនៅមាត់ជ្រោះនៃការអត់ឃ្លានកើនដល់ទ្វេដង ដែលនាំឲ្យមានគ្រោះមហន្តរាយមនុស្សធម៌លើពិភពលោក ។ អង្គការនោះព្រមានទៀតថា ចំនួនមនុស្សដែលរងកាអត់ឃ្លានធ្ងន់ធ្ងរអាចកើនដល់ទ្វេដង មកពីការឆ្លងរាលដាលនៃវីរុស ដែលនឹងមានដល់ជាង២៥០លាននាក់ រហូតដល់ចុងឆ្នាំ២០២០មកពីផលប៉ះពាល់ដល់សេដ្ឋកិច្ច ដោយសារជំងឺនេះ ។
ការឆ្លងរាលដាលខ្លាំងនៃវីរុសបណ្ដាលឲ្យតម្លៃប្រេងឆៅដាំក្បាលចុះខ្លាំងពិសេសនៅអាមេរិក ដែលមួយពេលដល់ក្រោមសូន្យក្នុង១ធុង ។ តម្លៃប្រេងបានឡើងបន្តិចវិញនៅអាស៊ីនាថ្ងៃទី២១មេសា ដោយឡើងលើសពីសូន្យបន្តិច ។ តម្លៃប្រេងឆៅនៃសមុទ្រខាងជើង បានធ្លាក់ដល់ក្រោម២០ដុល្លារក្នុង១ធុង ដែលនោះជាតម្លៃដ៏ទាបបំផុតពុំធ្លាប់មានចាប់តាំងពីខែធ្នូ ឆ្នាំ២០០១មក ។
សេដ្ឋកិច្ចពិភពលោកធ្លាក់ចុះយឹតយ៉ាវ ដោយសារការឆ្លងរាលដាលនៃវីរុស ជាមួយរថយន្តទាំងឡាយចតចោលតាមហ្គារ៉ាសហើយបណ្ដារោងចក្រឈប់ដំណើរការ បណ្ដាយន្តហោះដេកនៅលើដីនាំឲ្យប្រេងស្តុកកើនបរិមាណខ្ពស់ ព្រោះបណ្ដាអ្នករកស៊ីប្រេងមិនបំពេញកិច្ចសន្យារទិញ ។
នៅអាមេរិកតមៃ្លប្រេងដាំក្បាលធ្លាក់ចុះជាប្រវត្តិសាស្ត្រគំរាមផ្នែកនោះទាំងមូល នាំឲ្យប្រធានាធិបតីលោកដូណាល់ត្រាំស្នើឲ្យមានផែនការជួយសង្គ្រោះផ្នែកនេះ ។ ចំណែកអង្កការការងារអន្តរជាតិ OIT បានព្រមាននាថ្ងៃទី២១មេសាថា វិបត្តិវីរុស COVID-19 បានជះឥទ្ធិពលអាក្រក់បំផុតលើបណ្ដាពលករនិងនិយោជិត តាមរយៈការខាតបង់ដ៏ធំធេងលើផលិតកម្មនិងការងារ ។ ការឆ្លងរាលដាលនៃវីរុស អាចនាំឲ្យអត្រាអត់ការងារធ្វើកើនទ្វេដងនៅអឺរ៉ុបនាប៉ុន្មានខែខាងមុខនេះ ។
ការឆ្លងវីរុសបដិសេធការធ្លាយពីមន្ទីរពិសោធន៍
អង្គការសុខភាពពិភពលោក WHO អះអាងកាលពីថ្ងៃទី២១ មេសាថា តាមការស្រាវជ្រាវនានានិងសមាភាពដែលមាន វីរុស COVID-19មានប្រភពពីសត្វ ហើយពុំមែនជាការធ្លាយចេញពីមន្ទីរពិសោធន៍ឡើយ ។ ក្នុងសន្និសីទសារព័ត៌មានមួយ អ្នកនាំពាក្យរបស់ WHO ថ្លែងថា រាល់ភស្ដុតាងដែលមាន បង្ហាញថាវីរុសនោះមានប្រភពពីសត្វ ហើយពុំមែនជាលទ្ធផលនៃការបង្កើតវា ឬការធ្លាយចេញពីមន្ទីរពិសោធន៍មួយ ឬមកពីណាទៀតឡើយ ។
បណ្ដាសារព័ត៌មានអាមេរិក រាយការណ៍កាលពីសប្ដាហ៍មុនថា មន្ទីរពិសោធន៍ P4 នៅវូហានអាចជាប្រភពនៃការធ្លាយចេញវីរុសនេះ កាលពីចុងខែធ្នូ ។ ទោះបីយ៉ាងណាមន្ទីរពិសោធន៍នោះបានចេញមុខបដិសេធរួចហើយការចោទប្រកាន់នេះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ