ធារី ចន្ថាប៊ីន អ្នកតំណាងភេសជ្ជៈប៉ូវកម្លាំង វើក WURKZ ស្ងាត់ៗបានទម្លាយការពិតជាច្រើនពីវិស័យកីឡាបាល់ទាត់ ដែលលោកផ្ទាល់បានប្រឡូកអស់រយៈពេល ៨ឆ្នាំមកហើយ ។
ខណៈសកម្មភាពប្រកួតបាល់ទាត់នៅលើពិភពលោកបន្តស្ងប់ស្ងាត់ កីឡាករ ចន្ថាប៊ីន ឆ្លៀតរំលេចអំពីកីឡានេះ ដែលលោកយល់ឃើញថា មានលក្ខណៈពិសេសលើសកីឡាដទៃ ។
លោកបានឱ្យដឹងថា៖ «បាល់ទាត់ជួយឱ្យមនុស្សមកជួបជុំគ្នា ចែករំលែកអារម្មណ៍រំភើបរីករាយជាមួយគ្នា ។ បាល់ទាត់ធ្វើឱ្យយើងយល់ពីការធ្វើការងារជាក្រុម សហការគ្នា និងយល់ពីភាពខ្លាំងរវាងគ្នា ។ លើសពីនេះ វាក៏ជាកីឡាដែលងាយស្រួលយល់ បើទោះបីបុគ្គលខ្លះមិនធ្លាប់បានទស្សនាបាល់ទាត់ក៏អាចយល់បានពីការប្រកួតផងដែរ» ។
នៅពេលស្ថានភាពត្រលប់មកប្រសើរឡើងវិញពីវិបត្តិកូវីដ១៩ ចន្ថាប៊ីន ចង់ឲ្យសាធារណជន ចូលរួមលេងកីឡាបាល់ទាត់នេះឱ្យបានកាន់តែច្រើន ។
ចន្ថាប៊ីន បានលើកទឹកចិត្តប្រជាពលរដ្ឋកម្ពុជាទាំងអស់ឱ្យរក្សាអនាម័យផ្ទាល់ខ្លួនឱ្យបានល្អ ហាត់ប្រាណនៅផ្ទះជាប្រចាំ លេងត្រែះបាល់ ឬបោះបាល់នៅផ្ទះ ដែលជាសកម្មភាពកីឡាដ៏ល្អម្យ៉ាងផងដែរ ។ លាងដៃឱ្យបានស្អាតជាប្រចាំ និងកុំភ្លេចគាំទ្រវិស័យបាល់ទាត់កម្ពុជា នៅពេលស្ថានការណ៍ប្រសើរឡើងផងដែរ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ