រាជធានីភ្នំពេញ៖ មនុស្សម្នាក់ៗមានក្តីស្រម៉ៃខុសៗគ្នា ខ្លះចង់ធ្វើការនៅការិយាល័យ ខ្លះទៀតក៏មានគំនិតក្នុងការធ្វើជំនួញ ។ ក្នុងន័យនេះ បងប្អូនខ្លះសន្សំបានលុយមួយចំនួនក៏មានគំនិតចង់ចេញរកស៊ី តែហាក់ស្ទាក់ស្ទើរក្នុងចិត្តថាតើគួរតែយកលុយវិនិយោគលើមុខជំនួញក្នុងក្តីស្រម៉ៃម្នាក់ឯង ឬក៏ចូលហ៊ុនគ្នាជាមួយមិត្តជិតដិត ?…
រាជធានីភ្នំពេញ៖ មនុស្សម្នាក់ៗមានក្តីស្រម៉ៃខុសៗគ្នា ខ្លះចង់ធ្វើការនៅការិយាល័យ ខ្លះទៀតក៏មានគំនិតក្នុងការធ្វើជំនួញ ។ ក្នុងន័យនេះ បងប្អូនខ្លះសន្សំបានលុយមួយចំនួនក៏មានគំនិតចង់ចេញរកស៊ី តែហាក់ស្ទាក់ស្ទើរក្នុងចិត្តថាតើគួរតែយកលុយវិនិយោគលើមុខជំនួញក្នុងក្តីស្រម៉ៃម្នាក់ឯង ឬក៏ចូលហ៊ុនគ្នាជាមួយមិត្តជិតដិត ?
ប្រាកដណាស់ការចាប់ដៃគ្នារកស៊ីជាមួយមិត្តភ័ក្ត្រ វាផ្តល់ទាំងចំណុចល្អ និងអាក្រក់ ។ ធ្វើការជាមួយមិត្តភក្តិនៅក្នុងអាជីវកម្មអាចជាបទពិសោធន៍ដ៏អស្ចារ្យ ព្រោះជាមនុស្សយល់ចិត្តគ្នា តែវាក៏អាចជាបញ្ហាប្រឈមមួយផងដែរ។ នេះជាអ្វីដែលអ្នកត្រូវដឹងដើម្បីជួយដល់ការសម្រេចចិត្តដ៏ត្រឹមត្រូវមួយក្នុងការវិនិយោគគ្រប់ប្រភេទអាជីវកម្ម ។
លោក ង៉ែត ជូ ទីប្រឹក្សា ទីប្រឹក្សាសេដ្ឋកិច្ចនៃក្រុមហ៊ុន Emerging Markets Consulting (EMC) បាននិយាយថា មិនថាចាប់ផ្តើមរកស៊ីម្នាក់ឯង ឬចូលលុយជាមួយមិត្តភ័ក្ត្រនោះទេ គឺជាទូទៅវាមានទាំងគុណសម្បត្តិនិងគុណវិបត្តិមានដូចគ្នា។ លោកបានពន្យល់ថា «បើយើងយកលុយទៅចូលហ៊ុនជាមួយមិត្តភក្ក័ ឬនណារម្នាក់ គឺវាអាស្រ័យលើដៃគូដែលយើងជ្រើសថាតើ មានសម្ថតភាព មានជំនាញ ឬអត់ ។
បើដៃគូរដែលយើងជ្រើសរើសនោះ ទោះចូលហ៊ុនគ្នាច្រើនក្តី ក៏ពិបាកនឹងបើកអាជីកម្មឲ្យដំណើរការបានល្អប្រសើរនិងលូតលាស់ទៅមុខបានដែរ ប្រសិនខ្វះសមត្ថភាព, ជំនាញ និងបទពិសោធន៏» ។ លោកបានបន្តថា «ផ្ទុយមកវិញបើយើងចង់បើកអាជីវកម្ម ឬជំនួញអីមួយដោយខ្លួនឯងយើង ហើយយើងមានសម្ថតភាព, ជំនាញ និងបទពិសោធន៏ នោះគ្រប់យ៉ាងនិងរលូន។ អញ្ចឹងវាអាស្រ័យលើគុណភាព នៃសមាសនៃអ្នកចូលរូមជាមួយយើង» ។
លោកបានបន្ថែមថាការចូលហ៊ុនជាមួយមិត្តភ័ក្ត្រ ឬក៏ចាប់ដៃគូរកស៊ីចូលហ៊ុនគ្នា គឺនឹងធ្វើឲ្យទុនបានច្រើន ងាយស្រួល មិនបាច់ខ្ចីពីធនាគារ ក៏ប៉ុន្តែការសិក្សាពីដៃគូឲ្យបានច្បាស់លាស់គឺជារឿងចាំបាច់ ព្រោះបើដៃគូមិនមានសមត្ថភាពនោះហានិភ័យនៃការខាតបង់មានច្រើន ជាង៕
ចែករំលែកព័តមាននេះ