ដឹងហើយ! ការពិតរឿងទិញម៉ាស ទើប សូ ដានីតា ព្រមានប្ដឹងអ្នកដឹកនាំរឿងលោក រិទ្ធ អូមេហ្គា
រាជធានីភ្នំពេញ ៖ តារាសម្ដែង សូ ដានីតា ដែលម្ដាយបានទទួលមរណភាព នាពេលថ្មីៗនេះ បានប្រកាសជាសាធារណៈ ព្រមានប្ដឹងលោក ឃុន…
រាជធានីភ្នំពេញ ៖ តារាសម្ដែង សូ ដានីតា ដែលម្ដាយបានទទួលមរណភាព នាពេលថ្មីៗនេះ បានប្រកាសជាសាធារណៈ ព្រមានប្ដឹងលោក ឃុន ធារិទ្ធិ ហៅ រិទ្ធ អូមេហ្គា Rith Omega ដែលគេស្គាលថា ជាអ្នកដឹកនាំសម្ដែងនៅផលិតកម្មថោន ទៅតុលាការ បើមិនព្រមចេញមុខដោះស្រាយបំណុលដែលជំពាក់ ៦,៥០០ដុល្លារទៀត ។
នៅម៉ោង១រសៀលថ្ងៃទី០៣ មេសា ២០២០នេះ តារាសម្ដែង សូ ដានីតា បានសរសេររៀបរាប់នៅលើហ្វេសប៊ុក ដូច្នេះថា «នាងខ្ញុំ សូ ដានីតា សូមប្រកាសរក ឈ្មោះ (Rith Omega) ចេញមុខមកដោះស្រាយលុយចំនួន 6500$ ព្រោះបំពានសន្យា ដែលមានស្នាមមេដៃជាច្រើនដងហើយ ដោយតេមិនលើក បិទទូរស័ព្ទ បើមិនចេញមកខ្ញុំដាក់បណ្តឹង ឡើងដល់តុលាការ» ។
ពាក់ព័ន្ធរឿងជំពាក់ប្រាក់តារាសម្ដែង សូ ដានីតា នេះ លោក ឃុន ធារិទ្ធិ បានឲ្យដឹងថា «ខ្ញុំ(Rith Omega) មិនមែនជំពាក់លុយគាត់ ដោយសារ ការខ្ចីលុយគាត់ទេ ខ្ញុំទទួលលុយកក់គាត់ ទៅកក់ក្រុមហ៊ុន ម៉ាស ហើយ ខ្ញុំចាញ់បោកគេ បន្តដែរ» ។
អ្នកដឹកនាំសម្ដែងនៅផលិតកម្មថោនលោក ឃុន ធារិទ្ធិ បន្តអោយដឹងថា «សូមបងស្រី(សូ ដានីតា) កុំនិយាយថា ប្រកាសរកខ្ញុំ ហាងខ្ញុំនៅបើក ផ្ទះខ្ញុំនៅដដែល បងទាក់ទងខ្ញុំតាម Telegram ខ្ញុំតបរហូត តែថ្ងៃនេះខ្ញុំរវល់ ខ្ញុំជម្រាបជូនបងថា ខ្ញុំរវល់
ហើយបង អោយខ្ញុំចូលខ្លួន ខ្ញុំមានរត់ទៅណា ? ខ្ញុំមានឆបោកបងស្រីឯណា ? »
លោក រិទ្ធ អូមេហ្គា បានបញ្ជាក់ថា លុយ 6500$ នោះ ជាលុយដែលបងស្រី បានកក់ថ្លៃម៉ាស mask ខ្ញុំចំនួន 10,000$ ហើយខ្ញុំ បានចាញ់បោកគេ ដូចគ្នា តែខ្ញុំមានភាពទំនួលខុសត្រូវ បានខ្ញុំធានាសងបង(សូ ដានីតា) ដោយយកលុយខ្លួនឯង សងបង បាន 3500$ ហើយ មុនខាងក្រុមហ៊ុន mask នោះ សងខ្ញុំទៀត….
បងថា យកប៉ូលីសមកហាងខ្ញុំ ? យកមកធ្វើអីបង ខ្ញុំអត់បានឆបោកបងទេ ? ឯកសារខ្ញុំមាន ល្ងាចខ្ញុំអោយមេធាវីខ្ញុំទា ក់ទងទៅបង… មិនមែនជំពាក់លុយគេ សម្តីឡូយទេ ព្រោះខ្ញុំបានបង្ហាញហើយ ខ្ញុំជាជនរងគ្រោះដែរ តែខ្ញុំមិនបានគេចវេស រហូតដល់ថ្នាក់ដូចបងបង្ហោះទេ» ៕
ចែករំលែកព័តមាននេះ