ខេត្តកំពង់ឆ្នាំង ៖ អ្នកបើកគ្រឿងចក្រម្នាក់បានបាត់បង់ជីវិតក្នុងទឹកស្រះ បន្ទាប់ពីជនរងគ្រោះបើកគ្រឿងចក្រកំពុងកាយដីល្បប់ពីក្នុងស្រះ ស្រាប់តែស្រុតដីធ្លាក់គ្រឿងចក្រក្រឡាប់ចូលទឹកស្រះនិងសង្កត់លើជនរងគ្រោះបណ្តាលឱ្យឈ្លក់ទឹកបាត់បង់ជីវិត នៅចំណុចស្រះទឹកមួយកន្លែងស្ថិតក្នុងភូមិរលុង ឃុំទួលខ្ពស់ ស្រុកទឹកផុស ខេត្តកំពង់ឆ្នាំង កាលពីវេលាម៉ោង១និង៣០នាទីរសៀលថ្ងៃទី២៦…
ខេត្តកំពង់ឆ្នាំង ៖ អ្នកបើកគ្រឿងចក្រម្នាក់បានបាត់បង់ជីវិតក្នុងទឹកស្រះ បន្ទាប់ពីជនរងគ្រោះបើកគ្រឿងចក្រកំពុងកាយដីល្បប់ពីក្នុងស្រះ ស្រាប់តែស្រុតដីធ្លាក់គ្រឿងចក្រក្រឡាប់ចូលទឹកស្រះនិងសង្កត់លើជនរងគ្រោះបណ្តាលឱ្យឈ្លក់ទឹកបាត់បង់ជីវិត នៅចំណុចស្រះទឹកមួយកន្លែងស្ថិតក្នុងភូមិរលុង ឃុំទួលខ្ពស់ ស្រុកទឹកផុស ខេត្តកំពង់ឆ្នាំង កាលពីវេលាម៉ោង១និង៣០នាទីរសៀលថ្ងៃទី២៦ ខែមីនា ឆ្នាំ២០២០ ។
តាមប្រភពពីសមត្ថកិច្ចនគរបាលមូលដ្ឋានបានអោយដឹងថា ជនរងគ្រោះឈ្មោះ សួស ធី ភេទប្រុស អាយុ៣៤ឆ្នាំ មានទីលំនៅស្ថិតនៅភូមិតាមៀង ឃុំកោះរកា ស្រុកកំពង់សៀម ខេត្តកំពង់ចាម ។
តាមប្រភពដដែលបានបន្តថា នៅមុនពេលកើតហេតុ ជនរងគ្រោះបានបើកគ្រឿងចក្រចូកដី និងកាយយកដីល្បប់ពីក្នុងស្រះទឹក ប៉ុន្តែពេលចូលទៅកាយល្បប់ដីក្នុងស្រះទឹកនោះ គឺជនរងគ្រោះបានបើកគ្រឿងចក្រចូលទៅចតនៅមាត់ស្រះ ខណៈពេលកំពុងកាយស្រាប់តែស្រុតដីធ្លាក់គ្រឿងចក្រក្រឡាប់ចូលក្នុងទឹកស្រះសង្កត់អ្នកបើកបរ បណ្តាលឱ្យឈ្លក់ទឹកបាត់បង់ជីវិតតែម្តង ។
ក្រោយពេលកើតហេតុ សមត្ថកិច្ចក៏បានចុះទៅពិនិត្យជនរងគ្រោះ និងបានប្រគល់សពអោយក្រុមគ្រួសារដើម្បីយកទៅធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ