ជំងឺទឹកនោមប្រៃ គឺជាជំងឺតម្រងនោម ដែលធ្វើឲ្យរាងកាយរបស់យើង បញ្ចេញជាតិប្រូតេអ៊ីនច្រើនពេក នៅក្នុងទឹកនោម។
ជំងឺទឹកនោមប្រៃ ជាទូទៅ បណ្តាលមកពីការខូចខាត សរសៃឈាមតូចៗ នៅតម្រងនោម ដែលច្រោះកាកសំណល់ និងជាតិទឹកដែលលើសចេញពីក្នុងឈាម។ ជំងឺទឹកនោមប្រៃ បណ្តាលឲ្យអ្នកជំងឺហើម ជាពិសេស ជើង និងកជើង ហើយក៏បង្កជាគ្រោះថ្នាក់ផ្សេងៗជាច្រើនទៀតផងដែរ។
ការព្យាបាលជំងឺនេះ គឺទាមទារការដោះស្រាយមូលហេតុ ដែលធ្វើឲ្យមានបញ្ហាដល់តម្រងនោម។ យ៉ាងណាមិញ ជំងឺនេះធ្វើឲ្យអ្នកប្រឈម នឹងការឆ្លងមេរោគ និងការកកឈាម។ គ្រូពេទ្យប្រហែលជាចេញថ្នាំឲ្យអ្នក ព្រមទាំងណែនាំនូវរបបអាហារ និងការតមចំណីមួយចំនួន ដើម្បីការពារផលវិបាក និងព្យាបាលជំងឺនេះ។
រោគសញ្ញា ៖
សញ្ញា និងរោគសញ្ញានៃជំងឺទឹកនោមប្រៃ មានដូចជា ៖
• ហើម ជាពិសេស ភ្នែក ជើង និងកជើង
• ទឹកនោមមានពពុះ ដែលបណ្តាលមកពីជាតិប្រូតេអ៊ីនច្រើនពេក នៅក្នុងទឹកនោម
• ឡើងទម្ងន់ ដោយសារការចាល់ជាតិទឹក (ប្រភពពី៖ Health.com.kh)៕ (កែសម្រួលដោយ ៖ បុប្ផា)
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ