ចិន៖ តាមប្រភពព័ត៌មាន Shanghaiist បានឱ្យដឹងថា យ៉ាងហោចណាស់មានមនុស្ស១២នាក់ បានបាត់បង់ជីវិត បន្ទាប់ពីសណ្ឋាគារមួយនៅខេត្ត Fujain ដែលត្រូវបានប្រើសម្រាប់ទុកអ្នកជំងឺកូរ៉ូណាថ្មី ឬកូវីដ-១៩ បានដួលរលំកាលពីចុងសប្តាហ៍ ។
សណ្ឋាគារ Xinjia កម្ពស់៧ជាន់នៅទីក្រុង Quanzhou បានដួលរលំភ្លាមៗ កាលពីថ្ងៃសៅរ៍ ខណៈដែលមានមនុស្សនៅក្នុងនោះ៧១នាក់ ។ គិតត្រឹមល្ងាចថ្ងៃចន្ទ មនុស្ស៤៩នាក់ ត្រូវបានជួយសង្គ្រោះ១២នាក់ត្រូវបានគេរកឃើញថា បានបាត់បង់ជីវិតហើយ និង២០នាក់ផ្សេងទៀតនៅតែបាត់ខ្លួន ដោយសង្ឃឹមថា អាចរកឃើញពួកគេមានជីវិតឆាប់ៗនេះ។
អគារនេះ ត្រូវបានសាងសង់តាំងពីឆ្នាំ២០១៣ មុនពេលប្តូរទៅជាសណ្ឋាគារមាន៦៦បន្ទប់នៅឆ្នាំ
២០១៨ ។ ស្ថិតក្នុងចំណោមការរីករាលដាលនៃCovid-19 វាត្រូវបានគេប្រើសម្រាប់ទុកអ្នកមានផ្ទុកជំងឺ Covid-19។
នៅពេលនៃការដួលរលំនេះ គឺគេឃើញមានផ្សារទំនើបនៅជាន់ទីមួយ កំពុងតែធ្វើការជួសជុល។ បច្ចុប្បន្ននេះ មិនទាន់ច្បាស់ទេថា តើការដួលរលំបណ្តាលមកពីការងារជួសជុល ឬដោយបញ្ហាជាមួយអគារទាំងមូលទេ។ ម្ចាស់អគារ ត្រូវបាននាំខ្លួនទៅឃុំឃាំងសួរចម្លើយដោយប៉ូលិស ៕
ចែករំលែកព័តមាននេះ